Juan 1:17 - Biblia Yanowamö

¹⁷ Yai Bada tänö tä tamaö lä bufii wei, Moisesi nija tä a̦ ma jöbäqueno wei ma cui, täbä nofi nia yai lä ojodabou wei tä lä cui, Jesucristo nija ö̦jö tä shino yai wawälayoma, tä a̦ yai lä bejedii tä a̦ ca̦i.

Juan 1:17 Iomraidhean Croise

Génesis 22:18

Abinaja ca̦i. Camiyä wale a̦ juama yalo, bluca bä bälöjöwä lä yaiblai bä ma cui, ijilufä ebä nodiwä nija, ö̦jö bä nia bayeliblamou mö feduo”, a cuma.

Génesis 3:15

’Suwä sho showadi wafäcö nofi wa̦liayobä, bäfäcö tablamaö lä cule. Obi ma cui, suwä bei ijilubö e nodiwä sho, afä a nia lä nodiblou wei a sho, cäcöbö nofi nia wa̦liayou nodiablalou showao. Ya̦cumö suwä a lä cui, bei ijilubö nodiwä e nö nia shino wa̦lojaö ayao. Wa fe nia shäaö. Cafänö bei wa e mamicö shiona nia difequiaö —cäcö nowa tama.

Juan 1:14

Awei. Ö̦jö bei tä a̦ jaba cuo lä showaono wei tä a̦ lä cui, ya̦cumö tä a̦ yanowamöblaleyoluma. A fa yanowamöblalunö, ö̦jönö yamalecö ca̦i bälöoma. Yama a doblao dalalema. Bä Ijilubö moli e cuoma yalo, bä Fö̦ö enö a doblamabou dodijioma. Bejedi lä. Täbä jödödöwä nofi showadi ojodaboma. Showadi a bejedimoma.

Juan 14:6

Abinaja Jesús a cuma. —Camiyä ö̦jö ya yoca waiquiwä. Bejedi tä lä cui, ö̦jö ya ca̦i. Täbä ba̦limi cuobä, ö̦jö ya showawä. Camiyä nija bä juu lä mlai, Fayä nija bä waloo daomi.

Juan 18:37

—Ö̦jö waiquiwä —Bilado e cuma—. Bada wa wa̦fa jilou malä waiquiofe. —Cafänö wale a̦fa shino bada jilaö lä cufe —Jesús e cuma—. Bejedi ya tä a̦ wawämabä ya oshe tablamolayoma. Inaja ya cuaabä ya bita jamö waloqueyoluma. Bejedi tä a̦ nofi lä yaibou wejei bä blucanö, wale a̦ ji̦liaöje —e cuma.

Juan 5:45

’Fayä nija camiyänö bämacö a̦fa nia taimi —a cuma—. Inaja wale nofi tabo dijejä. Moisesi a yai lä cuinö, wama a nofi lä mölabou wei a showawä lä cuinö, ö̦jönö wamacö a̦fa nia dobloimi taö.

Juan 7:19

’Yai Bada tänö tä tamaö lä bufii wei, cafä wamacö nija Moisesinö tä a̦ jöböquema, ¿ö̦jö tawä? —a cuma—. Tä a̦ ma jöböqueno wei ma cui, moli ai wamacö ma cuinö wama etä a̦ nofi cadidiboimi. ¿Wedi tabä bei wamale shäö bufi li doblao, ö̦jö lä?

Juan 8:32

Yai Bada nija tä a̦ bejedi lä cule, wama tä a̦ bejedi fa dalalönö, ö̦jö tä a̦nö wamacö nia shino jujeblamolayou —a cuma.

Juan 9:29

Moisesi nija Yai Bada tä a̦ lä fano wei, yama tä daö ma cui, fei a lä cui, a jaba lä cuono wei yama etä daimi.

Hechos 28:23

Pablo a lä bälöono wei a yafi jamö bä co̦cablou co̦obä, tä a̦fa mö jalu fa wäyäjenö, bluca bä waloa co̦queyoluma. Ö̦jö bä nija Pablonö tä a̦ jaba wäyäö fa fenaonö, a wa̦ wayou showai a fe weyalayoma. Yai Bada tänö cama ebä ca̦i lä cuo wei tä a̦ wawäblamalema. Jesús a wa̦fa wäyäö ja, Moisesi tä a̦ ma cui, Yai Bada a wa̦no wäyälewä bä a̦ ma cui, ö̦jö tä a̦fa bluca jayumaö showaoma, bä bufi jaducublamaö fe yadiobä.

Hechos 7:38

Tä ulifi blocoobä jamö, Isaeli nodiwä bä co̦camolanö, bä juu lä cuaafälöno wei, ö̦jö Moisesinö bä ca̦i cuoma. Sinai cäcö jamö ö̦jö Moisesi nija showawä, Yai Bada tänö cama a̦jele etä lä shömöleno wei a wa̦ fama. Camiyä bämacö nö ca̦i badabö cuoma, Moisesinö. Yai Bada nija dodijidawä bä ba̦limi cuobä, Moisesi nija tä a̦ bluca wäyäö fa balöonö, bämacö nö badabö nija tä a̦ wäyäö fe dolemou nomöjöoma.

Romanos 6:14

Wa̦lidiwä tä lä cuinö wamacö luluaö fe yadiobä wamacömi. Moisesi tä a̦ ja wamacö nosiemamobä wamacö malä mlai. Fei däjä Yai Bada tänö no mlai ja wamacö nofi lä ojodabou wei wama tä a̦ nofi shi̦lo yai mölabou malä majöle.

2 Corintios 1:20

Ma. Yai Bada tänö tä a̦fa bluca wäyäö lä balöono wei tä a̦ bejedi cublobä, “Awei, inaja lä tä cuobä”, a shi̦lo Jesucristo cuu. Ö̦jö cudeenö, Yai Bada lija bämacö nö bayeli nacao däjä, ö̦jö bäma a wa̦fa shi̦lo wädaö. “Jesucristo a wa̦nö ya wa̦ faö lä cule. Inaja lä tä cuobä”, bämacö shi̦lo malä cudou wei, Yai Bada a wa̦fa doblao wäyämobä.

Gálatas 3:17

Abenaja ya cuu. Yedu ja, Ablaamö lija Yai Bada tä a̦ nö wäo balöoma. ¿Ö̦jö tawä? Lasha 430 a fa falönö, Moisesinö tä a̦ ca̦i läobä, ö̦jö etä a̦ jibäa nomöjöquema. Ö̦jö ma cui, tä a̦ läa lä nomöjömaqueno wei tä a̦ lä cuinö, Ablaamö lija tä a̦ nö wäo lä balöono wei tä a̦ wa̦lianomi. Yai Bada tä a̦ nö wäo malä waiquiono wei.

Hebreos 9:22

Moisesi tä a̦ oni jamö, showadi i̦yäbö a̦fa malä wäyämou wei. Täbä jödödöwä nia lä aublou wei, i̦yä i̦yä bänö täbä fa taamajenö täbä nia shi̦lo dodijidablou co̦o. Bei i̦yä bä faö mlao däjä, täbä doblou lä mlai etä nowa mladobä tä cuami waiquiwä.