Juan 1:16 - Biblia Yanowamö

¹⁶ Ö̦jö a nia juu lä juono wei a lä cuinö, täbä nofi showadi ojodabou yalo, showadi a bejedimou yalo, ö̦jö nija bämacö shino bayeliblamou. Showadi bämalecö nia shino bayelibladii.

Juan 1:16 Iomraidhean Croise

Mateo 13:12

’¿Ö̦jö tawä? —a cuma—. Bä bufi jaducuwä lä waiquii, ö̦jö bei bä bufi jamö tä lä didile, Yai Bada tänö etä nia balamafälöö. Ö̦jö däjä, bä bufi nia yai jaducublou. Ö̦jö ma cui, bä bufi jaducudalou lä mlai bä lä cui nija, etä wai wiisibö daö lä bädale etä nia co̦aö, tä a̦ nofi mojodubou majöobeje.

Mateo 3:11

Abinaja Juan a cuma. —Camiyänö bämacö fe ojoblaö däjä, mau u ja bämacö jödödöblamaö, wa̦lidiwä tä ja wamacö bufi lädou dablamobä. Inaja camiyä ya cuaaö ma balöo wei ma cui, camiyä ya nodi jamö, a nö yai lä wa̦lojaö wei a nia waloo nomöjöoyoluu. Ö̦jö a shino yai doblaa ayaa cudeenö, ya bayeliblaö bädaobä tä ma cui ja, ya nö quilibö wei. Bei mamicö lä didio wei ecö bädawä ma cui, ya etäbä nö yefibou quilibö wei. Ö̦jö a lä cuinö, bejedi lä wamacö nia yai jödödöblaö. Mau unö mlai, Yai Bada a Bufinö wamacö nia jödödöblaö. Cowa wacönö täbä ca̦i nia jödödöblaö.

Mateo 3:14

Ö̦jö ma cui, Juan a wa̦ lämou ja abinaja e cuma. —Shädayai. Cafä nija camiyä ya fe yai ojoblamobä ya ma cui, camiyä nija, ¿inaja bei wa li cuaaö cuboyoi?

Lucas 21:15

Wamacö a̦ moyawe juobä, camiyänö bämacö a̦ nia malä macocamaö wei. Bämacö a̦ lä bayeliblaö wei däjä, bä nö lä nabämou wei wama bä a̦ nö nia wa̦lojamaimi.

Juan 3:34

¿Ö̦jö tawä? Yai Bada tänö a lä shömöleno wei a lä cui, ö̦jönö cama a wa̦no wäyäö. Yai Bada tänö a fa dobälönö, bei a Bufinö a malä jödödöbole.

Romanos 5:17

Yanowamö moli a doblou fa mlacunö, nomaö tänö yanowamö täbä bluca lofotoa showadalema. Ö̦jö ma cui, ai a ca̦i yanowamö moli mö feduwä lä cui, Jesucristo a lä cui, ö̦jö a nö shi̦lo yai wa̦lojama. Cama a lä cuaano wei tänö bämacö yai bayeliblamou, Cristo sho bämacö bluca ba̦limi cuobä. No mlai ja bämalecö nofi fa ojodadalönö, jai bämacö cadejewä waiquiwä, Yai Bada tänö no mlai ja bämalecö nofi tabou.

Romanos 5:2

Ö̦jö a lä cuaano wei tä nowa ja, fei däjä Yai Bada tänö showadi bämalecö nofi ojodabou. Cama a doblao lä culenaja bämacö nia cuo mö lä feduo wei tä ja, bämacö bufi mölaö ca̦i cua yalo, bämacö bufi doblalou.

Romanos 5:20

Täbä doblou lä mlai bä nö yai ö̦jöböamobä, Moisesi etä a̦ jibämoquema. Ö̦jö ma cui, täbä nö wa̦lidiwä yai lä ö̦jöböamono wei däjä, Yai Bada tänö no mlai ja bä nofi shi̦lo yai ojodabou showao ayaoma,

Romanos 8:9

Ö̦jö ma cui, Yai Bada wama a Bufi bejedi tabou ja, yanowamö täbä showadi lä cuaaö wei tä ja wamacö luluamoimi waiquiwä. Ö̦jö lija wamacö bufi yai luluamou. Cristo a Bufi tabou lä mlajei, cama ebämi waiquiwä.

Efesios 1:23

¿Ö̦jö tawä? Cama lija bämacö fa yädäblalunö, cama sho moli bämacö cublaliyoma. Jesucristo cama bei a lä cui, camiyä bämacö waiquiwä. Cama a shi̦lonö, bämacö demi cua. Cama a showawä malä jödödöle.

Efesios 3:19

Cristonö bejedi lä bämalecö nofimaö fe balojowä. ¿Ö̦jö tawä? Bämalecö nofimaö fe lä balojoo wei tä ja bämacö bufi yai jaducäblou fa cunoja, bämacö bufi nö fejelobö wei. Inaja wamacö bufi jaducäwä cuobä ya wa̦ faö talei, Yai Bada tä lä culenaja wamacö bufi yai cublobä.

Colosenses 1:19

Bä Ijilubö e lija, cama Yai Bada tä owämobou bufi malä doblaono wei.

Colosenses 2:3

Cristo lijamö tä nowa yai lä bluca wei tä cua. Bufi jaducäwä tä ma cui, bufi dao tä ma cui, ö̦jö lija tä shi̦lo yai dablamou ayao.

1 Pedro 1:2

Fayä Yai Bada tänö wamacö nia lä taamaö wei tä daö fa showadaonö, wamacö yailema. Cama wama ecö dodijidawä cuobä Yai Bada tä Bufinö wamacö yaimaquema. ¿Ö̦jö tawä? Jesucristo wama a wa̦ fa julänö, cama i̦yäbönö wamacö bufi aublobä wamacö yaia. Wamacö doblamabobä, ö̦jö Yai Bada cätä. Bei. Yai Bada nija wamacö shino yai bayeliblamou dodijiobä. Wamacö nofi shino ojodabobä. Wamacö bufi shino ca̦i yanöcömabobä.