Juan 1:15 - Biblia Yanowamö

¹⁵ Fe ojomalewä Juan a lä cuinö, ö̦jö a wa̦fa wäyäö ja, abinaja a wa̦ i̦cali faö ja, a cuma. —Ya wa̦fa da wäyäblei, ei a waiquiwä. Abinaja bämacö nowa da tablei. “Camiyä ya nodi jamö, a juu lä jäimi, ö̦jö a shino Bada. Camiyä ya cuo mlao däjä, a cuo showao balöoma yalo, ö̦jö ya wa̦fa Bada wäyäö lä cule”, bämacö nowa da tablei —Juan a cuma.

Juan 1:15 Iomraidhean Croise

Proverbios 8:22

Bufi Jaducäwä tä lä cui, abenaja a cuu. —Bufi Jaducäwä ya lä cui, Jeobaanö wale tablalema. Yedu jamö, a jaba lä ojodamono wei däjä, ai täbä tablano mlai ja, camiyä wale tablaö balölayoma. Jaba ya e cuoma.

Isaías 9:6

Ijilu a ja bämalecö nia dobäö. Bämacö ijilubö nia jibäaö. Camiyä bämacö lija a nia Bada läo. A wa̦fa jilaöje ja, abenaja bä nia cuu. —Bä bufi yai shalilamaö lä daö wei a. Yai Bada tä nö shi̦lo wa̦lojaö lä ayai a. Bämacö Fö̦ömou shi lä wa̦lile a. Bämacö yai lä yanöcömabou wei a Bada —bä nia cuu.

Miqueas 5:2

Belena Eflada jamö wamacö lä bälöle wamacö blucami. Judawä ai ebä mö feduwä lä cublai bä shi̦lo teteblawä ayawä. Ö̦jö ma cui, Isaeli ebä lija a bada läobä, cafä Belenateli wamacö lija, iba ya nia wawäblamaö, yedu ja a cuo lä showadaono wei.

Mateo 3:11

Abinaja Juan a cuma. —Camiyänö bämacö fe ojoblaö däjä, mau u ja bämacö jödödöblamaö, wa̦lidiwä tä ja wamacö bufi lädou dablamobä. Inaja camiyä ya cuaaö ma balöo wei ma cui, camiyä ya nodi jamö, a nö yai lä wa̦lojaö wei a nia waloo nomöjöoyoluu. Ö̦jö a shino yai doblaa ayaa cudeenö, ya bayeliblaö bädaobä tä ma cui ja, ya nö quilibö wei. Bei mamicö lä didio wei ecö bädawä ma cui, ya etäbä nö yefibou quilibö wei. Ö̦jö a lä cuinö, bejedi lä wamacö nia yai jödödöblaö. Mau unö mlai, Yai Bada a Bufinö wamacö nia jödödöblaö. Cowa wacönö täbä ca̦i nia jödödöblaö.

Marcos 1:7

Täbä yömölaö ja, abinaja a cuma. —Inaja camiyä ya cuaaö ma balöo wei ma cui, camiyä ya nodi jamö a nö yai lä wa̦lojaö wei a nia waloo nomöjöoyoluu. Ö̦jö a shino yai doblaa ayaa cudeenö, ya bayeliblaö bädaobä tä ma cui ja, ya nö quilibö wei. Bei mamicö lä didio wei ya etäcö nata cushaö ja, ya loquei ma cui ya nö quilibö wei.

Lucas 3:16

Ö̦jö cudeenö, Juan abinaja a cuu mö feduoma. —Ma. Camiyänö bämacö fe ojoblaö däjä, mau u ja bämacö jödödöblamaö. Inaja camiyä ya cuaaö ma balöo wei ma cui, a nö yai lä wa̦lojaö wei a nia waloo nomöjöoyoluu. Ö̦jö a shino yai doblaa ayaa cudeenö, ya bayeliblaö bädaobä tä ma cui ja, ya nö quilibö wei. Bei mamicö lä didio wei etäcö nata bädawä ma cui, ya etäcö nö cushaö quilibö wei. Ö̦jö a lä cuinö, bejedi lä wamacö nia yai jödödöblaö. Mau unö mlai, Yai Bada a Bufinö wamacö nia jödödöblaö. Cowa wacönö täbä ca̦i nia jödödöblaö.

Juan 1:27

camiyä ya no jamö, a nia jo̦wa lä juno wei. Ö̦jö a shino yai doblaa ayaa cudeenö, ya bayeliblaö bädaobä tä ma cui ja, ya nö quilibö wei. Bei mamicö lä didio wei etäcö nata bädawä ma cui, ya etäcö nö cushaö quilibö wei —a Juan cuma.

Juan 17:5

Fabe. Cafä wa lä cule jamö camiyä wale doblao da damalalö. Bita wa tablaö showao mlao däjä, cafä sho bäfäcö doblao lä cuono weinaja showawä.

Juan 8:58

Abinaja Jesús e cuma. —Cafä wamacö nija ei ya wa̦ lä cui, bejedi lä ya wa̦. Ablaamö a cua showaa mlai ja, ya cuo lä balöono wei, ei ya —e cuma.

Colosenses 1:17

Ö̦jö täbä lä cui täbä cua showaa mlai ja, Yai Bada bä Ijilubö e cuo balöo showaoma. Cama a showawänö täbä bluca fuwäbou showaa lä cule.

Hebreos 13:8

Jesucristo a bufi nia shomiblou majöomi. Jaba däjä a cuo lä balöono weinaja, fei däjä ma cui a cuwä showawä. Obi ma cui, inaja showawä a nia cuo shi wa̦lii.

Apocalipsis 1:11

A wa̦ faö ja abinaja wale nowa tama. —Cafä nija tä lä wawäblou wei wa tä a̦ bluca fa oniblalönö, iba 7 bä lä yododoblai bä nijamö si oni da shömölö. Efesoteli bä nija ca̦i, Eminateli bä nija ca̦i, Becamoteli bä nija ca̦i, Diadilateli bä nija ca̦i, Saditeli bä nija ca̦i, Filadefiateli bä nija ca̦i, Laodiseateli bä nija ca̦i —wale nowa tama.

Apocalipsis 2:8

Ya tä lä möno wei, abinaja a cuu nomöjöoma. —Emina jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Camiyä jaba ya, jödödö ya ca̦i. Nomawä ya ma cuono wei ya demi jocädou co̦layoma. Ö̦jö ya lä cui wale wa̦no nia oniblaö.