Juan 1:14 - Biblia Yanowamö

¹⁴ Awei. Ö̦jö bei tä a̦ jaba cuo lä showaono wei tä a̦ lä cui, ya̦cumö tä a̦ yanowamöblaleyoluma. A fa yanowamöblalunö, ö̦jönö yamalecö ca̦i bälöoma. Yama a doblao dalalema. Bä Ijilubö moli e cuoma yalo, bä Fö̦ö enö a doblamabou dodijioma. Bejedi lä. Täbä jödödöwä nofi showadi ojodaboma. Showadi a bejedimoma.

Juan 1:14 Iomraidhean Croise

Isaías 53:2

Jeobaa a nosie fuamobä e yai lä cui, jai tefi cauu fe lä yadio weinaja e tamaboma, mashita jifuwä jamö tefi nasöcö fuu fe lä yadio weinaja showawä. “Fei a liyäjäwä dao”, bäma a nofi ca̦i tabonomi. Bäma a möbä etä cuonomi. Bäma a nofi mölabobä tä ca̦i cuonomi.

Isaías 7:14

Inaja wa cuu dicoo ja, cafänö wa tä wawämaö bufii ma mlai, cama Bada tänö tä nia wawämaö fe yadio. Wama a nia lofote dablaö fe yadio. ¿Ö̦jö tawä? Moco a jubamou dao lä mlai, a nia shibönabölayou. Bä ijilubö e nia tablaö. *Emawele e a̦fa nia jilaö.

Mateo 1:16

Jacobo bä ijilubö, José e cuoma. Ö̦jö a José bä suwäbö e nija, Jesús a oshe wawäblaliyoma, Cristo a wa̦fa lä jilabou wejei a lä cui.

Lucas 2:11

¿Ö̦jö tawä? Wamacö jucäamobä, bada tä David a jaba lä bälöono wei jamö, a oshe wawäblaliyo lä cufe. Yai Bada tänö a shömabä a lä yaileno wei, ö̦jö a Bada.

Lucas 2:7

Fama bä lä cublaaö wei tä yafi mashiquio fa dicoonö, yalo bä yanobö jamö cäcöbö cublaquema. Ö̦jamö lä ijilubö jaba e fa tablalönö, camishi acadafu cäcö ja, a bacojeboma. A fa bacojelänö, yalo bä niibö lä bao wei tä ja, a wai didiquema.

Lucas 9:32

¿Ö̦jö tawä? Pedro sho bä lä cuono wei bä fa malishalönö, bä ma miqueno wei ma cui, bä la̦a fa co̦lunö, Jesús etä shi̦i lä doblale etä shi̦i dalalemaje. Jesús nija cäcöbö ublaa lä yädäono wei, cäcöbö ca̦i daa showadaalalemaje.

Juan 1:1

Bita a cuo showao mlao däjä, Bei Tä a̦, a wa̦fa lä jilou wei a cuo showao balöoma. Yai Bada sho cäcöbö cuo showadaoma. Ö̦jö a lä cui, Yai Bada bei a cuoma.

Juan 11:40

Abinaja Jesús e cuma. —Wale a̦ bejedi bufii ja, Yai Bada wa tä doblao dablaö wä. ¿Inaja bäfä nowa tanomi daanö, ö̦jö lä? —e cuma.

Juan 14:6

Abinaja Jesús a cuma. —Camiyä ö̦jö ya yoca waiquiwä. Bejedi tä lä cui, ö̦jö ya ca̦i. Täbä ba̦limi cuobä, ö̦jö ya showawä. Camiyä nija bä juu lä mlai, Fayä nija bä waloo daomi.

Juan 14:9

Abinaja Jesús e cuma. —Felipe. Cafä wamacö nija ya nö ma dedeale ma cui, ¿wale daimi showawä tawä? Camiyä wale lä möö wejei bä lä cuinö, Fayä a möö waiquiweje. ¿Wedinaja wa bufi li fa cunö, “Faafä a da jömöba”, bei wa li cuu cule?

Juan 17:22

’Cafänö wale lä doblaamaö weinaja, camiyänö iba ya bä ca̦i doblao taamaö mö feduoma, cafä sho bäfäcö moli lä culenaja, ö̦jö bä moli cublou mö feduobä.

Juan 17:24

’Fabe —a cuma—. Camiyä ya cuobä jamö, iba wa bä lä jöböbeno wei bä ca̦i cuo mö feduobä ya nacou, wale doblao dabladayobeje. Cafänö wale nofimama yalo, ei bita a colo cua showaa mlai ja, wale doblamabou lä showaono wei, wale dablabeje.

Juan 18:37

—Ö̦jö waiquiwä —Bilado e cuma—. Bada wa wa̦fa jilou malä waiquiofe. —Cafänö wale a̦fa shino bada jilaö lä cufe —Jesús e cuma—. Bejedi ya tä a̦ wawämabä ya oshe tablamolayoma. Inaja ya cuaabä ya bita jamö waloqueyoluma. Bejedi tä a̦ nofi lä yaibou wejei bä blucanö, wale a̦ ji̦liaöje —e cuma.

Juan 2:11

Inaja Jesús a cuaaö ja, tä nö lä quilijii tä jaba wawäblamalema, Yai Bada e nö ö̦jöböamobä. Inaja a doblao damoa fa culalunö, cama ebä lä nocamabono wei bä lä cuinö a wa̦ bejedi bufilemaje. Calilea tä ulifi jamö a cuo däjä, inaja a cuaama, Canaateli bä nijamö.

Juan 3:16

’Yai Bada tänö yanowamö täbä nofimaö fa dodijionö, bä Ijilubö moli ya e lä cui yale shömölema. Wale a̦ bejedi lä bufii wejei bä bluca lä cui, bä nomaö mlai ja bä ba̦limi cuobä.

Juan 3:18

’Wale a̦ bejedi lä bufii wejei bä lä cui, Yai Bada tänö ö̦jö bä nö bleaamabä bämi —a cuma—. Wale a̦ bejedi bufii lä mlajei bä lä cui, ö̦jö bä nö bleaamabä cäbä. Yai Bada bei Ijilubö moli ya e lä cui, wale a̦ bejedi bufiimije yalo, bä nö bleaamabä bä li waiquiwä.

Juan 6:51

Bä ba̦limi cuobä cäcö nii lä cui, ö̦jö bei ya waiquiwä, fedu jamö culanö ya lä itolayono wei ya lä cui. Camiyä ya cö nii lä cui ja bä lä iyaö wei bä lä cui, ba̦limi bä nia cuo. ¿Ö̦jö tawä? Yanowamö täbä ba̦limi cuobä ya cö nii lä jöböaö wei, bei ya ya̦ji nia jöböamou —a cuma.

Juan 8:32

Yai Bada nija tä a̦ bejedi lä cule, wama tä a̦ bejedi fa dalalönö, ö̦jö tä a̦nö wamacö nia shino jujeblamolayou —a cuma.

Hechos 13:33

camiyä bämacö lä nodiblaliyono wei bämacö nija tä a̦ bejedi cublaliyoma. ¿Ö̦jö tawä? Jesús a demi jocädamaö lä co̦layono wei ja, tä a̦ bejedi wawäblamalema, Amowa tä a̦ lä cuu weinaja showawä. Abinaja tä a̦ cuu. Ijiluyä bei wa. Fei däjä wawädowä iba bäfä nö yai ö̦jöböamaö lä cule. ’Einaja tä a̦ cuu —a cuma—.

Romanos 8:3

¿Ö̦jö tawä? Yanowamö bämacö showadi dobloimi yalo, Moisesinö tä a̦ ma lämaqueno wei ma cui, ö̦jö tä a̦ ja, bämacö nö bayeli cublobimi waiquiwä. Ö̦jö ma cui, Yai Bada tänö bämalecö bayeliblaö fe yadioma. Cama bä Ijilubö e fa shimölödunö, e yanowamöblaleyoluma. Bämacö doblou lä mlai tä nowa ja, a shämou läobä. Bä Ijilubö e lija tä nowa mladamabä, a shämalema,

Romanos 9:5

Ö̦jö bäma bä a̦fa nö ca̦i badabö jayumaö showawä. Yai Bada tänö a shimabä a lä yaileno wei, cama ebä nodiwä lija a nia ca̦i wawämama. ¿Ö̦jö tawä? Yai Bada tä shi̦lo yai Bada lä ayai, a wa̦ nofi yai doablamou shi wa̦libä a. Inaja lä tä cuobä.

1 Corintios 15:47

Yanowamö a jaba lä cuono wei, mashita a ja a tablamolayoma. Coshi coshi bä ja a cuoma. A yanowamö lä nodiono wei, Cristo a lä cui, fedu jamö a li cuoma a.

2 Corintios 12:9

abenaja wale nowa taö dicooma. —Ma. Bä nofi lä ojodabou wei, inaja lä waiquiwä. Wa ujuduo däjä, cafä lija ya lofote malä dablamou talei —wale nowa tama. Ö̦jö cudeenö ya lä ujuduo wei, bufi doblalolanö ya wa̦fa nia shi̦lo yai wäamamou fe yadio. Ya ujuduu däjä, Cristo etä lofotenö ya shi̦lo yai malä bayeliblou wei.

Gálatas 4:4

Ö̦jö ma cui, Yai Bada tänö bä Ijilubö e shimabä tä yai lä cublaliyono wei däjä, suwä a lija a fa tablamolunö, a yanowamöblaleyoluma. Judio bä lija a cublaliyoma yalo, Moisesi etä a̦ ja a nosiemamobä a li cuo mö feduoma.

Efesios 3:8

Cama ai ebä shi̦lo dodijaö ma ayaono wei ma cui, camiyä wale nofi fa ojodadalönö wale shimöa fe yadilema. Cristo lija täbä yai bayeliblamou fe lä balojoo wei, judio wamacö lä mlai wamacö lija ya tä a̦ wäyäbä.

Colosenses 1:19

Bä Ijilubö e lija, cama Yai Bada tä owämobou bufi malä doblaono wei.

Colosenses 2:3

Cristo lijamö tä nowa yai lä bluca wei tä cua. Bufi jaducäwä tä ma cui, bufi dao tä ma cui, ö̦jö lija tä shi̦lo yai dablamou ayao.

Colosenses 2:9

Bä möla dijä. Cristo a ma yanowamöblaleyoluno wei ma cui, Yai Bada a cuwä lä dodijiinaja a cuwä mö feduwä showaoma.

1 Timoteo 3:16

Yai Bada tä a̦ lä wawäblaliyono wei, bäma tä a̦fa bejedi wäyäö. Bejedi fe balojowä lä tä a̦. Abenaja tä a̦ cuu. Jesucristo a yanowamöblaleyoluma. Yai Bada tä Bufinö a bejedi jimöquema. A̦jele bä lä doblaladi bä lija a damolaliyoma. Bluca täbä caficö a̦ ja, a wa̦fa wäyämou cuaama. Yanowamö täbä lä bälöblai bänö a bejedi bufibomaje. Fedu tä lä doblale jamö a co̦molayoma. Ö̦jö lä bäma tä a̦ wäyäö.

Hebreos 1:3

Yai Bada bä Ijilubö e lä cuinö, bä Fö̦ö e doblao damalalema. Yai Bada a cuwä lä dodijiinaja, inaja showawä bä Ijilubö e cuwä mö feduwä. Cama a wa̦ lofotenö, jödödöwä tä fuwäbou showaa lä cule. ¿Ö̦jö tawä? Yanowamö täbä doblou lä mlai täbä bufi aublobä tä tama. Ö̦jö däjä, Yai Bada tä nö shi̦lo wa̦lojaö lä ayai tä lä dicäladi jamö, a dicäquedayoma. Yai Bada jayu boco mashi jamö a dicäquedayoma.

Hebreos 1:5

A̦jele moli a bädawä ma cui lija, Yai Bada tä ijilumoimi waiquiwä. Ma. Bä Ijilubö e yai lija abenaja a shi̦lo cuma. Ijiluyä cä wa. Fei däjä, iba cafä bä nö wawädowä ö̦jöböamaö lä cule. Einaja e shi̦lo cuma. Abenaja a ca̦i cuma. Camiyä wale nofi nia yai Fö̦ömaö. Camiyänö bä nofi nia ca̦i Ijiluaö mö feduo. Einaja Yai Bada a cuma.

Hebreos 10:5

Ö̦jö cudeenö, bita jamö Cristo a wawäblou däjä, Yai Bada lija a wa̦ fama. Abenaja a jo̦wa cuma. Bä yalo shäö lä läo wejei tä ma cui, wa lä dobäö wejei tä ma cui, ö̦jö wa tä bufijaimi waiquiwä. Wale nia lä yanowamöblamaö wei, ö̦jö wa tä shi̦lo bufii showadaoma.

Hebreos 2:11

Jesús a lä cui, cama ebä lä yaile bä sho, cama bä bluca malä cui. Cama bä bluca waiquiwä yalo, Jesúsnö cama ebä a̦fa jilaö quiliimi.

Hebreos 5:5

Cristo a ma cui, nofi bäyäalewä a Bada cuobä, cama a jimamonomi. Ma, Yai Bada tänö a yailema, abenaja a nowa lä tano wei a lä cuinö. Ijiluyä wa. Fei däjä, iba bä nö wawädowä ö̦jöböamaö. Einaja a nowa tama. Ai tä a̦ oni jamö, abenaja Yai Bada tä ca̦i cuu. Showadi wa täbä nofi bäyäaö shi wa̦libä wa. Mequisedeco a lä cuinö täbä nofi jaba lä bäyäbono weinaja, wa cuaaö nomöjöobä. Einaja Yai Bada tä ca̦i cuu.

1 Juan 4:14

Yanowamö täbä jucäabä, bämacö lä Fö̦ömou wei a lä cuinö, bä Ijilubö e shömölema. Yama a möma. Yama a wa̦fa bejedi ca̦i wäyäö.

1 Juan 4:9

Yai Bada tänö bä Ijilubö moli e lä cui, bita jamö a shömöledayoma, cama nija bämacö ba̦limi cuobä. Ö̦jö tänö, bämalecö yai lä nofimaö wei tä damalalema.

2 Juan 1:7

Yanowamö täbä nijamö, täbä lä mölamaö wejei bä bluca jublou cuaaö waiquia lä cudi. Jesucristo a ma yanowamöblaleyoluno wei ma cui bä a̦ lämou. Tä a̦fa jole taö dicooje. Inaja bä lä cuu wei bänö täbä yai mölamaöje. Jesucristo a nofi yai lä wa̦libou wei a owämaöje, täbä lä mölamaö wei a lä cui. Inaja showawä a cama ca̦i cuu.

Apocalipsis 19:13

Camishi labe cäcö lä i̦yämalaleno wei cäcö ja, a didia. Yai Bada bei tä a̦, bei a wa̦fa jilaöje.

Apocalipsis 21:3

Bada tä döcäobä etäcö jamö a culanö, ai tä a i̦cali falayoma. Abinaja ya cuu ji̦lilema. —¿Ö̦jö tawä? Fei däjä, yanowamö täbä nijamö Yai Bada tä nia bälöo. Ö̦jö bä nijamö a fa bälöalunö, cama ebä nia cublou cadidio. Cama Yai Bada tä showawänö bä nia ca̦i cuo.