Juan 1:13 - Biblia Yanowamö

¹³ ¿Ö̦jö tawä? Yanowamö täbä oshe tablamou lä culenaja mlai. Cama yanowamö täbä inaja taamamou fa ojodaonö mlai. Yai Bada tänö cama ebä tablamaö ojodao fa showadaonö, bä li tablamalema.

Juan 1:13 Iomraidhean Croise

Génesis 25:22

Bei ijilubö ecöbö didio bolacaoma. Cäcöbö didibou showao däjä, cäcöbö i̦cali bacäjayou ja, Lebeca a bufi nö bleaama. “¿Wedinaja ya li cuaabä da tawä?”, a bufi cudaliyoma. A bufi fa cudalunö, Jeobaa a wa̦libä a icuquema.

Génesis 25:28

Bä fö̦ö Isaacö a lä cuinö, yalo bä ja a naiqui tama yalo, Esau a nofimama. Bä fö̦ö enö Esau a nofi ma yaibou däjä ma cui, Lebecanö bei ijilubö Jacobo a nofi yaibou mö feduoma.

Génesis 27:33

Ö̦jö däjä, Isaacö a bufi jalujublolanö, i̦cali a blösö blösömoma. —¿Wedi bei a lamö li fa junö, yalo a ja, wale li dobäa balöleyoluu cufe? Cafä wa co̦o showaono mlai ja, ya bä yalo waa waiquilema. Ö̦jö ya bayeliblamaö fa waiquilonö, a bayelimamou waiquia lä cule —a cuma.

Génesis 27:4

Showadi ode ya täbä lä waö wei, wa tä daö malä waiquile. Wa bä yalo fa löböblalönö, wale da dobäliyo. Ya nomano mlai ja, Yai Bada nija bäfä bayelimaö balöo bufibä —a nowa tama.

Mateo 3:9

“Ablaamö nodiwä yama ecö li cudeenö, yamacö doblou fe yadio weicätä”, bä bufi ca̦i cuu dicoo dijä. Ö̦jö tä nowa cuami. Bämacö nowa malä tale. Yai Bada tänö Ablaamö ebä nodiwä tabou bufi doblao fa cunoja, fei maa mabä ma cui ja, bä nö tablamalebö wei.

Juan 3:3

Abinaja Jesús e cuma. —Cafä nija ei ya wa̦ lä cui, bejedi lä ya wa̦. A tablamou co̦o lä mlai a lä cuinö, Yai Bada tänö cama ebä nia ca̦i lä cuo wei tä nia dablaimi —e cuma.

1 Corintios 3:6

Yai Bada ya wa̦ jaba lä wäyäno wei däjä, cafä wamacö bufi jamö jai ya mobä döaö ya cuaama. Abolonö tä a̦ wäyäö lä nomöjöono wei, jai mau ubänö mobä fe liyäyaö a li cuaaö nomöjöoma. Yai Bada tänö wamacö bufi lä jaducäblamaleno wei däjä, jai mobä caumalema tä li cuaaö nomöjöoma.

Filipenses 2:13

Yai Bada wama a bufi doblalamabä, cama a showawänö wamacö bufi shi malä jalijamaö wei. Tä taamaö lä bufii wei tä ja, wamacö nö ca̦i malä wa̦lojamaö wei.

Tito 3:5

Bejedi lä, bämalecö fucäama. Dodijidawä bämacö cuo waiquio däjä mlai. Bämacö dodijaö waiquio däjä mlai. Bämalecö nofi fa jalujubonö, bämalecö nofi ojodadalema. Yai Bada tä Bufinö bämalecö bufi fa aublalönö, dude bämalecö tablaö co̦layoma.

Santiago 1:18

Cama bejedi etä a̦nö, dude bämalecö tablaö co̦layoma, Jesús nija jaba bämacö bufi lä cuqueno wei bämacö lä cui, cama bäma ecö yaiobä. ¿Ö̦jö tawä? Judio bänö Yai Bada a dobäbeje, döano sibä ja bä jaba lä lalou wei ebä yaimabou lä culajeinaja, inaja showawä camiyä jaba bei bäma ecö yaia mö fedua lä cule. ¿Ö̦jö tawä? Dude bämalecö tablamaö bufi fa doblaonö bämalecö li tablamalema.

1 Pedro 1:23

Wamacö nofiobä, dude wamacö tablamoa co̦layoma. Yanowamö täbä showadi lä tablamou weinaja mlai. Yai Bada tä a̦ lä ba̦limi wei tä a̦nö wamacö yai tablamoa co̦layoma, tä a̦ cua shi lä wa̦lile tä a̦nö.

1 Pedro 1:3

Awei. No mlai ja Yai Bada tänö bämalecö nofi ojodabou fe balojooma yalo, bämacö bufi doblalobä bämacö. Bada tä Jesucristo bä Fö̦ö e nija, bämacö bufi a̦fa shino doblalou da wäyämo, Jesucristo nija a lä bufiblamou wei a showawä lä cui nija. ¿Ö̦jö tawä? Dude bämalecö bufi tablaö co̦layoma. Jesucristo a demi jocädou co̦layoma yalo, bämacö mölaö showalanö bämacö cua lä cule.

1 Pedro 2:2

Inaja wamacö cuaaö mlai ja, Yai Bada etä a̦ shino yai da bufiboje, wamacö bufi lojodoobä. Ijilu oshe bä wai lä cuinö, suju lobe ubä bufiblaö mö yabaö lä cuo wejeinaja, inaja Yai Bada wama etä a̦ bufiablalaö cuaabä, wamacö bufi yai badafälöbä.

1 Juan 3:9

Yai Bada nija dude bä tablamoa lä co̦layono wei bä lä cuinö, wa̦lidiwä tä taimije. Cama ebä nija, Yai Bada etä cua malä waiquile. Yai Bada bei ijilubö ebä waiquiwä yalo, tä wa̦lidiwä taimije.

1 Juan 4:7

Iba wamacö. Bämacö yai da nofimayo, ö̦jö lä. Nofimou tä lä cui, ö̦jö Yai Bada etä waiquiwä malä cui. Täbä yai lä nofimaö wejei bä lä cui, ö̦jö Yai Bada bei ijilubö ebä waiquiwä. Ö̦jö bänö a ca̦i daöje.

1 Juan 5:1

“Yai Bada tänö a shömabä a lä yaileno wei, ö̦jö Jesús a waiquiwä”, bä bufi lä cuu wei, Yai Bada bei ijilubö ebä waiquiwä. ¿Ö̦jö tawä? Bä fö̦ö ebä lä nofimaö wejei bä lä cuinö, bä ijilubö ebä ca̦i nofimaö mö feduo malä cujei.

1 Juan 5:18

Yai Bada bei ijilubö ebänö wa̦lidiwä tä taö fe yadibloimije. Ö̦jö bäma tä daö. Yai Bada bei Ijilubö Jesucristo e lä cuinö bä nowamaö. Fecula bada a yai wa̦lidiwä lä cuinö, ö̦jö lä bä juliimi.

1 Juan 5:4

Bita jamö bämacö ma yabäcamou wei ma cui, Yai Bada bäma ecö ijilubö nö bluca wa̦lojaö fe yadiobä bämacö malä cui. Jesucristo bäma a nofi lä mölabou wei tänö bämacö nö wa̦lojaö fe yadio.