Juan 1:12 - Biblia Yanowamö

¹² Ö̦jö ma cui, a wa̦ juaö fe lä yadiono wejei bä lä cui, a wa̦ bejedi lä bufino wejei, Yai Bada ijilubö ebä cuobä, bä tablamalema.

Juan 1:12 Iomraidhean Croise

2 Samuel 7:24

Isaeli yama ecö lä cui, afä yamalecö nia tabou shi lä wa̦lii wei tä ja, wa bufi cadidio showaoma. ¿Ö̦jö tawä, Jeobaa? Camiyä yamacö lija wa nia lä bufiblamou wei, inaja ca̦i showawä.

Mateo 10:40

Abinaja Jesús a cuma. —Cafä dodijidawä wamacö co̦blamaöje ja, camiyä ma cui wale dodijidawä co̦blamaö mö feduoje. Inaja showawä, dodijidawä wale lä co̦blamaö wejei bä lä cuinö, wale lä shömöleno wei a ma cui, ö̦jö a ca̦i dodijidawä co̦blamaö mö feduoje.

Mateo 12:21

Judio bä lä mlai bä lä cuinö a nia bufiblaöje. Einaja tä a̦ cuu.

Mateo 18:5

’Ei a lä culenaja a wai ijilu lä cui, a shomi ma cui, camiyä ya wa̦nö a wai nofimaö fe yadioje ja, camiyä ma cui wale nofimaö mö feduoje —a cuma—.

Juan 1:11

Cama ebä cadidiwä nijamö a ma waloqueno wei ma cui ebä a̦ juonomi.

Juan 1:7

Ö̦jö tä shi̦i a̦fa wäyäbä Juan a waloquema, ba̦limiblamodima tä shi̦i a̦fa yai wäyäö shaliliobä. Yanowamö täbä bluca lä cuinö tä a̦ bejedi bufibeje.

Juan 11:52

¿Ö̦jö tawä? Cama judio bä bayeliblamou ayaobä mlai. Yai Bada bei ijilubö ebä bälöblawä lä shedequeblai, bä co̦amodayobä a nia shämoma, Yai Bada bei ijilubö moli ebä cuobä.

Juan 2:23

Jelusale jamö, Yai Bada a waiteli lä jayuano wei a nofi co̦camoaö co̦oje däjä, Jesús a cuoma. Ö̦jamö lä a culanö, Yai Bada e nö ö̦jöböamobä, tä nö lä quilijii tä bluca wawämalema. Ö̦jö tä dalalemaje yalo, bluca bänö a wa̦ bejedi bufilemaje.

Juan 20:31

Ö̦jö ma cui, Jesús wama tä a̦ bejedi bufibä, ya tä a̦ oni taaö lä cule. “Yai Bada tänö a shömabä a lä yaileno wei, ö̦jö Jesús a waiquiwä”, wama a nofi yai tabobä. “Yai Bada bei Ijilubö e”, wama a nofi ca̦i tabobä. Inaja wama a nofi tabolanö, cama a wa̦nö ba̦limi wamacö cuobä.

Juan 3:18

’Wale a̦ bejedi lä bufii wejei bä lä cui, Yai Bada tänö ö̦jö bä nö bleaamabä bämi —a cuma—. Wale a̦ bejedi bufii lä mlajei bä lä cui, ö̦jö bä nö bleaamabä cäbä. Yai Bada bei Ijilubö moli ya e lä cui, wale a̦ bejedi bufiimije yalo, bä nö bleaamabä bä li waiquiwä.

Hechos 3:16

’Ei a wa̦lo lä cui, wama a lä dale, eja wama a lä möle, ö̦jö Jesús a wa̦ lojodenö bei a li lojodoblou co̦layoma, Jesús yafä a nofi mölabou yalo. ¿Ö̦jö tawä? Jesús yafä a nofi lä mölabole tänö, cafä wamacö nijamö ei a wa̦lo demi ublaa wawädoa lä cule.

Romanos 8:14

Yai Bada tä Bufi ja bä bluca lä luluamou wei bä lä cui, ö̦jö Yai Bada bei ijilubö ebä waiquiwä malä cui.

Romanos 8:16

ö̦jö cama a Bufi showawänö, bämalecö bufi taamaö. Yai Bada bäma ecö nö ijilubö ö̦jöböamaö.

Romanos 8:19

¿Ö̦jö tawä? Yai Bada tänö täbä bluca lä tablaleno wei, täbä nö bluca malä dablai. Yai Bada bä ijilubö bämalecö nia dodijidawä lä wawäblamaö wei, bufi shi jalimolanö tä nö dabouje.

Gálatas 3:26

Jesucristo lija wamacö lä yädäle wamacönö, ö̦jö wama a nofi mölabou yalo, Yai Bada bei ijilubö wama ecö li bluca cublou malä majölayono wei.

Gálatas 4:6

Cafä sho ö̦jö bä ijilubö bäma ecö bluca waiquiwä yalo, bä Ijilubö e Bufi shimöledayoma, camiyä bämacö bufi jamö a bälöobä. Bäma a Bufi tabou yalo, “Fabe, Fabemi”, bämacö cuu.

Colosenses 2:6

Jesucristo a wa̦fa Bada lä wäyämou wei, ö̦jö wama tä a̦ bejedi bufibou waiquia. Wama a nofi Badabou waiquia ja lä, ö̦jö a nosie shi̦lo yai da fuaje, ö̦jö lä.

2 Pedro 1:4

Yai Bada a doblao cudeenö, a dodijidawä yalo, ¡bejedi lä bämalecö bayelibou! A wa̦ nö wäo ja bämalecö a̦fa bayeliblamou wäyäö lä balöono weinaja showawä. Bämalecö nia jo̦wa lä bayelibono wei tä a̦ nowa yai bluca fe balojowä. Tä a̦ liyäjäwä dodijiwä. Yanowamö täbä bufi showadi lä waiyou wei tänö bämacö wa̦lidiblou mlaobä, bämalecö nia bayelibou showaoma, cama a lä culenaja bämacö ca̦i cuo mö feduobä.

1 Juan 3:1

Bämacö lä Fö̦ömou wei a lä cuinö, ¡bejedi lä bämalecö nofimaö! Bämalecö nofimaö dodijia ja lä, Yai Bada bei ijilubö bäma ecö a̦fa jilamobä bämalecö tablamalema. Ö̦jö bäma ecö waiquiwä malä cui. Yanowamö täbänö Yai Bada tä daö fa mlacujenö, camiyä bämalecö nö ca̦i ö̦jöböboimi mö feduweje.

1 Juan 3:10

¿Ö̦jö tawä? Yai Bada bei ijilubö ebä nö shino ö̦jöböamou si ijejewä. Fecula bada ebä nö ca̦i ö̦jöböamou mö feduo. Dodijidawä tä taö lä mlajei bä lä cui, Yai Bada ebämi. Bä ai ebä nofimaö lä mlajei bä lä cui, ö̦jö ebä ca̦i malä mlai.

1 Juan 3:2

Iba wamacö. Yai Bada bei ijilubö bäma ecö waiquiwä. Bämacö nia yai lä cublou wei bäma tä daö ma mlai, ei bäma tä shino daö. Jesucristo a bädou däjä, cama a lä culenaja bäma tä yai fa dalalönö, inaja showawä bämacö nia cublou mö feduo.

1 Juan 3:23

Ja̦o. ¿Wedi tä tamaö bufii, ö̦jö lä? Yai Bada bei Ijilubö Jesucristo bäma a bejedi bufibä, ö̦jö waiquiwä. Bämacö nofimayobä tä ca̦i, bämalecö nowa lä taleno weinaja showawä.