Juan 1:1 - Biblia Yanowamö

¹ Bita a cuo showao mlao däjä, Bei Tä a̦, a wa̦fa lä jilou wei a cuo showao balöoma. Yai Bada sho cäcöbö cuo showadaoma. Ö̦jö a lä cui, Yai Bada bei a cuoma.

Juan 1:1 Iomraidhean Croise

Génesis 1:1

Jaba däjä, judu mösö ma cui, bita a ma cui, Yai Bada tänö tä bluca bädamalema.

Isaías 7:14

Inaja wa cuu dicoo ja, cafänö wa tä wawämaö bufii ma mlai, cama Bada tänö tä nia wawämaö fe yadio. Wama a nia lofote dablaö fe yadio. ¿Ö̦jö tawä? Moco a jubamou dao lä mlai, a nia shibönabölayou. Bä ijilubö e nia tablaö. *Emawele e a̦fa nia jilaö.

Isaías 9:6

Ijilu a ja bämalecö nia dobäö. Bämacö ijilubö nia jibäaö. Camiyä bämacö lija a nia Bada läo. A wa̦fa jilaöje ja, abenaja bä nia cuu. —Bä bufi yai shalilamaö lä daö wei a. Yai Bada tä nö shi̦lo wa̦lojaö lä ayai a. Bämacö Fö̦ömou shi lä wa̦lile a. Bämacö yai lä yanöcömabou wei a Bada —bä nia cuu.

Mateo 1:23

Moco a jubamou dao lä mlai, a nia shibönabölayou. Bä ijilubö e nia tablaö. Emawele e a̦fa nia jilabouje. Einaja tä a̦ cuu. ¿Ö̦jö tawä? “Emawele”, bä cuu ja, “Yai Bada tänö bämalecö ca̦i cua”, bei bä cuu.

Lucas 24:53

Yai Bada etä yafi jamö bä showadi fa jublaadinö, bä bufi doblalolanö Yai Bada a nofi shino doablamaje.

Juan 1:14

Awei. Ö̦jö bei tä a̦ jaba cuo lä showaono wei tä a̦ lä cui, ya̦cumö tä a̦ yanowamöblaleyoluma. A fa yanowamöblalunö, ö̦jönö yamalecö ca̦i bälöoma. Yama a doblao dalalema. Bä Ijilubö moli e cuoma yalo, bä Fö̦ö enö a doblamabou dodijioma. Bejedi lä. Täbä jödödöwä nofi showadi ojodaboma. Showadi a bejedimoma.

Juan 1:18

Yanowamö bämacö nija Yai Bada tä dablamoimi. Tä dablamou ma mlai ma cui, bä Ijilubö moli e lä cuinö, bä Fö̦ö e nija a lä ajedelenö, ö̦jönö tä damalalema.

Juan 1:2

Jaba däjä, Yai Bada a jaba cuo lä showaono wei däjä, Bei Tä a̦, a wa̦fa lä jilou wei a ma cui, ö̦jö a ca̦i cuo mö feduo showaoma.

Juan 16:28

Fayä nijamö ya culanö, bita jamö ya waloqueyoluma. Fei däjä ei bita ya tabi fa feicönö, Fayä nijamö ya nia co̦jamöö —a cuma.

Juan 17:5

Fabe. Cafä wa lä cule jamö camiyä wale doblao da damalalö. Bita wa tablaö showao mlao däjä, cafä sho bäfäcö doblao lä cuono weinaja showawä.

Juan 20:28

Tomás abinaja e cuu mö feduoma. —¡Bada tä! Cafä bäfä shino yai bufiblabä wa.

Juan 8:58

Abinaja Jesús e cuma. —Cafä wamacö nija ei ya wa̦ lä cui, bejedi lä ya wa̦. Ablaamö a cua showaa mlai ja, ya cuo lä balöono wei, ei ya —e cuma.

Romanos 9:5

Ö̦jö bäma bä a̦fa nö ca̦i badabö jayumaö showawä. Yai Bada tänö a shimabä a lä yaileno wei, cama ebä nodiwä lija a nia ca̦i wawämama. ¿Ö̦jö tawä? Yai Bada tä shi̦lo yai Bada lä ayai, a wa̦ nofi yai doablamou shi wa̦libä a. Inaja lä tä cuobä.

Efesios 3:9

Yai Bada tänö tä a̦ jaba lä jo̦yabono wei tä a̦ wawäblou fe yadiobä, camiyä lija täbä bufi nia bluca jaducäblamama. ¿Ö̦jö tawä? Yai Bada a lä cuinö, täbä bluca lä tablaleno wei a showawä lä cuinö, cama a nia cuaaö lä ja̦toono wei tä a̦ nia ya̦cumö wawäblamama.

Filipenses 2:6

Jesucristo a lä cui, “Yai Bada a waiquiwä”, a nofi tabobeje a ma cuono wei ma cui, ö̦jö tä ja a bufi mö blucaonomi.

Colosenses 1:15

Bei bämacö mamocu yainö Yai Bada bäma a dablaö ma mlai ma cui, cama a lä owäbole a damalalema, bä Ijilubö e lä cui. Yai Bada tänö täbä jödödöwä lä tablaleno wei täbä ja, bä Ijilubö e Bada läa.

Colosenses 1:17

Ö̦jö täbä lä cui täbä cua showaa mlai ja, Yai Bada bä Ijilubö e cuo balöo showaoma. Cama a showawänö täbä bluca fuwäbou showaa lä cule.

1 Timoteo 3:16

Yai Bada tä a̦ lä wawäblaliyono wei, bäma tä a̦fa bejedi wäyäö. Bejedi fe balojowä lä tä a̦. Abenaja tä a̦ cuu. Jesucristo a yanowamöblaleyoluma. Yai Bada tä Bufinö a bejedi jimöquema. A̦jele bä lä doblaladi bä lija a damolaliyoma. Bluca täbä caficö a̦ ja, a wa̦fa wäyämou cuaama. Yanowamö täbä lä bälöblai bänö a bejedi bufibomaje. Fedu tä lä doblale jamö a co̦molayoma. Ö̦jö lä bäma tä a̦ wäyäö.

Tito 2:13

¿Ö̦jö tawä? Jesucristo bäma a itou nö dabolanö, bämacö cadidobä. Bufi doblalolanö, bämacö nö dao. Bämalecö lä fucäaö wei Jesucristo a Bada lä cui, bäma a lä bufiblale, ö̦jö bäma a nö dabou. A nofi nia lä doablamou wei bäma a ca̦i doblao dablabä.

Hebreos 13:8

Jesucristo a bufi nia shomiblou majöomi. Jaba däjä a cuo lä balöono weinaja, fei däjä ma cui a cuwä showawä. Obi ma cui, inaja showawä a nia cuo shi wa̦lii.

Hebreos 7:3

Mequisedeco bä fö̦ö e ma cui, bä nöö e ma cui, bei tä a̦ oni jamö cäcöbä a̦fa ca̦i cuami. Cama bä nö badabö cuo lä balöono wei bä ma cui, inaja showawä. A oshe lä cublono wei tä ma cui, a bufi lä mlaqueno wei tä ma cui, tä a̦fa oni ca̦i cuami. Yai Bada tä Ijilubö e lä culenaja a cuwä. Täbä nofi bäyäbou shi wa̦lii.

2 Pedro 1:1

Jesucristonö wale lä shömöleno wei, ei camiyä Simón Pedro cä ya, ya nosie juabä ya e lä cui. Jesucristo yama a nofi mölabou lä culenaja, wama a nofi mölabou cuo mö lä fedule wamacö nija, ei ya tä a̦ oni shömaö lä cule. Bäma a bufiblabä, ö̦jö Jesucristo a waiquiwä, bämalecö lä jucäaö wei a lä cui. Bämalecö lä bayelibou wei tä nowa yai bluca dodijiwä. ¿Ö̦jö tawä? Jesucristo a cadejewä cudeenö, cafä wamacö ma cui, camiyä yamacö ma cui, bämalecö bufi bluca taamaö fe usucuwä, bäma a nofi mölabobä. ¿Ö̦jö tawä? Cama wama ecö mö feduwä yalo, cafä wamacö nija ei ya tä a̦ oni shömaö.

1 Juan 5:20

Yai Bada a lä cui, ö̦jö a shino yai bejedimou. Ö̦jö bäma a dabä, bei Ijilubö e fa itoliyonö bämalecö bufi jaducumabou lä cule. Bä Ijilubö Jesucristo nija bämacö cua lä cule, a yai lä bejedi wei a lä cui nija. A bufiblamobä ö̦jö a shino yai bejedi cua ayaa. Ba̦limi bämacö cuobä, ö̦jö a waiquiwä.

1 Juan 5:7

Yai Bada tä Bufinö, ö̦jö tä a̦ ca̦i bejedi wäyäö. Tä a̦ lä bejedi wei tä a̦ wäyäbä, ö̦jö Yai Bada tä Bufi malä waiquii.

Apocalipsis 1:11

A wa̦ faö ja abinaja wale nowa tama. —Cafä nija tä lä wawäblou wei wa tä a̦ bluca fa oniblalönö, iba 7 bä lä yododoblai bä nijamö si oni da shömölö. Efesoteli bä nija ca̦i, Eminateli bä nija ca̦i, Becamoteli bä nija ca̦i, Diadilateli bä nija ca̦i, Saditeli bä nija ca̦i, Filadefiateli bä nija ca̦i, Laodiseateli bä nija ca̦i —wale nowa tama.

Apocalipsis 1:17

Ya dablaö däjä, ö̦jö lä a cotä jamö jai nomawä ya wäcäblaquema. Ö̦jö ma cui, camiyä nija jayu imicö maquelanö, abinaja wale nowa tama. —A quili dijä. Camiyä jaba ya, jödödö ya ca̦i.

Apocalipsis 1:2

Camiyä Juan ya nija Yai Bada a wa̦no lä wäyämono wei ya tä a̦ wäyäbä, ya tä a̦ bluca oniblaö lä cule. Jesucristonö tä a̦ lä wawämano wei tä a̦ ca̦i. Camiyä Juannö ya tä bluca lä dalaleno wei tä a̦ ca̦i.

Apocalipsis 1:8

Bada tä lä bufiblamou wei a lä cui, abinaja a cuu. —Camiyä ya lä cuinö täbä bluca cublaliyoma. Camiyä ya showawä ma cuinö täbä nia bluca waicou —a cuu. Einaja a lojode shi lä wa̦lile a cuu, jaba däjä a cuo fa showaonö a cua lä showale a lä cui. A nia juu lä co̦o wei a lä cui.

Apocalipsis 19:13

Camishi labe cäcö lä i̦yämalaleno wei cäcö ja, a didia. Yai Bada bei tä a̦, bei a wa̦fa jilaöje.

Apocalipsis 2:8

Ya tä lä möno wei, abinaja a cuu nomöjöoma. —Emina jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Camiyä jaba ya, jödödö ya ca̦i. Nomawä ya ma cuono wei ya demi jocädou co̦layoma. Ö̦jö ya lä cui wale wa̦no nia oniblaö.

Apocalipsis 21:6

Abinaja wale nowa ca̦i tama. —Bei tawä. ¡Inaja lä waiquiwä! Camiyä jaba ya, jödödö ya ca̦i. Camiyä ya lä cuinö täbä jaba bluca cublaliyoma. Camiyä ya showawänö täbä jödödöwä waicou. Bä lä amishaö wei bä lä cui, no mlai ja ya bä amishi nia co̦amaö. Ba̦limiblamodima u fe lä jojole u ja, ya bä nia dobäö.

Apocalipsis 22:13

Camiyä jaba ya, jödödö ya ca̦i. Camiyä ya lä cuinö täbä jaba bluca cublaliyoma. Camiyä ya showawänö täbä jödödöwä waicou —a cuma.

Apocalipsis 3:14

Ya tä lä möno wei, abinaja a cuu nomöjöoma. —Laodisea jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Yai Bada nija bä nacou ja, “Inaja lä tä cuobä”, bä ola lä cudou wei tä a̦ bejedi cublobä, camiyä ö̦jö lä ya. Ya tä a̦fa bejedi wäyäö lä shalilio wei, ö̦jö lä ya showawä. Yai Bada tänö täbä bluca lä tablaleno wei däjä, camiyä ya lä cuinö täbä bluca tablamolayoma. Ö̦jö ya lä cui wale wa̦no nia oniblaö.