Josué 2:9 - Biblia Yanowamö

⁹ Ö̦jamö a fa dubofälönö, abenaja cäcöbä nowa tama. —Cafä wamacö lija Jeobaanö ei tä ulufi jibäa läa lä waiquiqueno wei ya tä daö. ¿Ö̦jö tawä? Cafä bämacö nö quili lä taö wei ya tä ca̦i daö, eja bä bluca lä bälöblai bä bufi nö lä beblalodi tä ca̦i.

Josué 2:9 Iomraidhean Croise

Génesis 35:5

Jacobonö bä ca̦i lä jocälayono wei däjä, dodijidawä bä ca̦i jufälöma. Bä bälöjöwä fe lä fa̦yoono wei bä lä cui, Yai Bada tänö bä fa quilimalalönö, Jacobo bei ijilubö ebä nosi däbonomije.

2 Reyes 5:15

Ö̦jö däjä, Jeobaa e lä cui lija a waloa co̦beyoluma, cama ebä ca̦i showawä ja. Eliseo lija a fa icubonö, abenaja e cuma. —Fei däjä ya bufi möblou lä cule. Ai täbä ulufibö lä cublai jamö mlai, Isaeli wama ecö lijamö tä bufiblamobä tä shi̦lo yai cua ayaa. ¿Ö̦jö tawä? Cafä wa nosie fuamobä ya lä cuinö bä nia dobäö mö feduo. Tä da dälö —e cuma.

Nehemías 6:16

Yamalecö nofi bluca lä wa̦libono wejei bänö, ö̦jö tä a̦ fa ji̦liläjenö bä quililaliyoma, bä bälöjou yaiblamou fe lä fa̦yoono wei bä lä cui. ¿Ö̦jö tawä? Dodijidawä yamacö ojodamobä, Yai Bada yama tä lä bufiblalenö yamalecö lä bayelibono wei, tä nö ö̦jöbölemaje. Ö̦jö tä nö ö̦jöbölemaje yalo, bä nofi doonomi majöwä.

Números 20:14

Cadesi jamö culanö, Edomöteli bada a lä cui nija, Moisesi a wa̦no wäyäbeje bä shömölema. Abinaja bä cuma. —A̦i. Fääshäfä Isaeli yama ecö nodiwä lä cui, yama a wa̦no bada wäyäö lä cule. Yamacö nö jaba lä bleablalono wei wa tä daö, ¿ö̦jö tawä?

Números 20:24

—Aaloni a bufi mlao ajedou lä cule. Cama bada ebä jaba lä cuono wei bä nija a nia co̦cao. Isaeli ebä nija ya tä ulifi lä jöböale jamö ya nia waloamaö malä mlai. Meliba u fe lä jojole jamö camiyä ya wa̦ ja, wafäcö ja̦amodonomi yalo, ö̦jamö ya nia waloamaimi.

Mateo 20:15

Iba ya bä sheleleblamaö cuo bufi lä doblao weinaja, ya bä sheleleblamaö cuobä, ¿ö̦jö yami daanö? ¿Ö̦jö tawä? Camiyä inaja ya shi ö̦jöde cuwä ja, ¿cafä bei wa bufi li jushujuablalobä, bei wa?” a bada cuma.

Hebreos 11:31

Laaba a lä cuinö, showadi a suwä lä dodoono wei a lä cuinö, Yai Bada a wa̦ nofi ca̦i mölabou mö feduoma. A wa̦ nofi mölaboma yalo, bä ja̦amodou lä mlai bä mö bluca watäblaöje däjä, cama a demi feiblamalemaje. Tä ulufi lä bomaböno wei cäcöbä lä cui, cäcöbä dodijidawä walomaquema yalo a nowamamaje.

Josué 2:11

Ö̦jö yama tä a̦ lä ji̦lileno wei däjä, yamacö bufi nö bleaaö showadaoma. Bämacö a̦fa ji̦liaö ja, yamacö nö quilili beblalou fe balojooma. Jeobaa wama a lä bufiblale, fedu jamö ma cui, ulufi ajamö ma cui, ö̦jö a shi̦lo Bada bufiblamou ayaobä a malä cui.

Josué 2:24

Josué lija abenaja cäcöbä cuma. —Bäma tä ulufi tabou läobä, bejedi lä Jeobaanö bämalecö dobäö waiquia lä cule. Bluca bä lä bälöblai bänö bämalecö nö quili taöje ja, bä bufi nö beblalou lä cudulei —cäcöbä cuma.

Josué 2:8

Cäcöbä mio showao mlao däjä, yafi feyaca jamö Laaba a dubefälöma.

Josué 5:1

Isaeli ebä bucaduobä, Jeobaanö Jodana u lä wejemabono wei etä a̦ fa ji̦liläjenö, amoleo bä bada lä cui, bä bluca quilia fe balojolaliyoma. Jodana u sibo jamö, ö̦jö bä bälöjömoma, motoca a lä queo wei tä mashi jamö. Modu u bada sibo jamö, bä Canaanateli lä bälöblamono wei bä bada ca̦i bluca quilia mö fedulaliyoma. Isaeli ebä lija bä fa quilinö, bä bufi nö beblalou dodijioma.

Josué 6:2

Ö̦jö däjä, abenaja Jeobaa a cuma, Josué lija. —Bei. Jelicoteli bada a ma cui, cama ebä wayu ca̦i lä fuu wei bä ma cui, ö̦jö ya bä noshi bluca ö̦jödabou lä cule.

Jueces 7:14

Ö̦jö däjä, abenaja ai e lä cui e cuma. —¡Shädayai! ¡Joasa bä ijilubö Jedeoni e tabi li sibala cuo dodijioma, a sibala wayu ca̦i lä fuu wei! Isaeli nodiwä ö̦jö a. Ö̦jö lija, Yai Bada tänö Madianateli bämalecö noshi bluca lä ö̦jödabole, etä tabi li yafilayoma! —e cuma.