Josué 2:1 - Biblia Yanowamö

¹ Ö̦jö däjä, Sidimö jamö culanö, Nuni bä ijilubö e Josué lä cuinö, 2 cäcöbä shimöa ja̦tolema, tä ulufi bomaböbä. Abenaja cäcöbä nowa tama. —Cäcöbä da alufälö, wafä tä ulufi bomaö balöobä. Jelico wafä tä ulufi yai möö dodijobä, ö̦jö lä —cäcöbä nowa tama. Ö̦jö cudeenö, cäcöbä aa fa showadalufälönö, Jelicoteliyoma e yafi jamö cäcöbä fa co̦blalunö cäcöbä bälöblaoma. Laaba a wa̦fa suwä cuoma. A showadi lä dodoo wei a suwä cuoma.

Josué 2:1 Iomraidhean Croise

Génesis 42:16

Cafä wamacö nijamö, moli wamacö fa yaimolunö, ai wamacö fe lao juo däjä, ö̦jö anö, fääshäfä a co̦adayobä. Ö̦jö tänö wamacö a̦ cadidou dablamobä. Wamacö bejedimou dablamobä. Ya jolemoimi. Bada tä malä cule. ¿Ö̦jö tawä? Fääshäfä ya dablaimi ja, “Wamale ulifibö bomabä lä wamacö waiquiwä”, bämacö nofi nia tabou.

Génesis 42:9

José a fiyao däjä, bä a̦iyobö ebä majali lä dalaleno wei, tä nofi jaducubou fa showaonö, abinaja bä nowa tama. —Wamale nabä nia fa junö, wamale ulifibö bomabä, wamacö waloquema —bä nowa tama.

Números 13:1

Moisesi nija abinaja Jeobaa a cuma.

Números 13:2

—Canaana tä ulifi jamö, bä shömöa da balölö, Isaeli wama ecö nija ya tä ulifi lä jöböale tä ulifi bomaö balöobeje. Isaeli bä ijilubö 12 ebä nija bä yaiablalou lä nodiaö wei, ö̦jö bä lä cui nija, moli wa bä fa yaialalönö, 12 wa bä nia shömaö. Bada wa bä nia shino yaiablaö, cama ebä ca̦i yai lä cuo wejei —a cuma.

Mateo 1:5

Samono bä ijilubö, Booso e cuoma, Laaba nija a lä taqueno wei a lä cui. Booso bä ijilubö, Obede e cuoma, Ludi nija a lä taqueno wei a lä cui. Obede bä ijilubö, Isai e cuoma.

Mateo 10:16

’Bämacö shömaö lä cule —Jesús a cuma—. Ji̦ima bä waiteli lä läle jamö, oweja bä shäablamou si ijejewä lä cuo weinaja, wamacö nia cuo. Olu bä moyawe lä culenaja, bä moyawäa da cuicu. Joledo bä a̦ ji̦limamou oquejewä lä culenaja, bä a̦ ca̦i oquewä cuo mö da feduo.

Efesios 5:5

Möla dijä. Bä nofi lä jushublalou wei bä ma cui, shami tä fulii bufi lä doblao wejei bä ma cui, ai täbä jamö bä bufi shi̦lo lä waiyou wei bä ma cui, Yai Bada sho, Cristo sho cäcöbä bälöo lä dodijio wei jamö, ö̦jö bä befi nia cubloimi. Ö̦jö bä bufi shi̦lo lä waiyou wei bä lä cuinö, Yai Bada a bufiblaö mlajei, shomi täbä shi̦lo malä bufijadii wejei.

Hebreos 11:31

Laaba a lä cuinö, showadi a suwä lä dodoono wei a lä cuinö, Yai Bada a wa̦ nofi ca̦i mölabou mö feduoma. A wa̦ nofi mölaboma yalo, bä ja̦amodou lä mlai bä mö bluca watäblaöje däjä, cama a demi feiblamalemaje. Tä ulufi lä bomaböno wei cäcöbä lä cui, cäcöbä dodijidawä walomaquema yalo a nowamamaje.

Santiago 2:25

Laaba a ma cui, inaja showawä, ¿Yai Bada tänö a nofi ca̦i tabou balöonomi daanö, showadi a suwä lä dodoono wei a lä cui? Abinaja a suwä cuaama. Isaeli ecöbö lä cuinö, Jelico tä ulifi bomaböö lä balöano wei däjä, cäcöbö dodijidawä walomaquema. Cäcöbö nowamama yalo, shomi jamö cäcöbö shömöa taa co̦lema. A dodijama yalo, jai a dodijidawä waiquiwä Yai Badanö a nofi li taboma.

Josué 1:18

Wa tä nabä shimaö lä bädale tä ma cui ja, wa wa̦ waii dicoo ja, wa wa̦ ji̦liblaimi ja, a nia shämou. ¿Ö̦jö tawä? A nö da wa̦lojoicu, ö̦jö lä. A bufi lofotoa da dodijiicu —bä cuma.

Josué 2:2

Jelicoteli bä lija a bada lä cuono wei anö, cäcöbä a̦fa ji̦lia showadalema. Abenaja a nowa tamaje. —Bei, bei, bei. Tä ulufi bomaböbä, Isaeli ecöbä dödöjöwä waloquei lä cufe —a nowa tamaje.

Josué 3:1

Ö̦jö tä fena däjä, Sidimö jamö culanö Isaeli ebä ca̦i fa jocälöfälönö, Jodana u jamö Josuénö bä bluca ca̦i walobaliyoma. Bä bucaduo showao mlai ja, casö u jamö bä ca̦i bälöblaquema.

Josué 5:10

Jicala jamö Isaeli ebä bälöblalanö, bä iyaö ca̦i co̦camolayoma, Jelico tä fe yalö ja. 14 tä mö didi cublou däjä bä weyade iyama, Jeobaa a waiteli lä jayuano wei a nofi co̦camoaö co̦oje ja.