Jonás 1:4 - Biblia Yanowamö

⁴ Ö̦jö ma cui, modu u jamö, Jeobaanö wadoli a bada shimaö ja, i̦cali a bada wadoli yacolemoimama. U bada lou loumou ja, bä befi ca̦i mili shäblou showadalayoma.

Jonás 1:4 Iomraidhean Croise

Éxodo 10:13

Ö̦jö cudeenö, Ejido tä ulifi jamö Moisesinö fii e defi dodoblaö fa cuaanö, Jeobaanö wadoli a bada shömölema, sequi sequima bä yaläimabä. Motoca a lä faö wei tä mashi jamö wadoli a bada fa juimanö, a fe wadoli dödölayoma. Inaja tä wadolimou cuaaö showao däjä, tä mö jalua co̦layoma. Sequi sequima bä comi yafia waiquimaleno wei ja, tä mö wacacadaliyoma.

Éxodo 10:19

Ö̦jö däjä, wadoli a bada lä cui, Jeobaanö a mö yabaa co̦malema. Tä mö weyaö lä cuaaö wei jamö a wadoli cuaaö fa nomöjöimanö, sequi sequima bä bluca yaläa fa jayuläfälönö, modu Wacä u jamö bä comi quea showamabalema. Ejido tä jödödöwä jamö ma cui, moli ma cui, a sequi sequima feionomi.

Éxodo 14:21

Ö̦jö däjä, modu u jamö Moisesi boco fa dodoicunö, Jeobaanö wadoli a bada shömölema. Motoca a lä faö wei jamö wadoli a fa cuaaimanö, modu möamo u lä cui, u jaimaö fe jaluma. Modu u ma cui ja, mashita a wejediblaö fe fa jalulonö, mau u yacäblamalema.

Éxodo 15:10

Wa u fa jolashiblalönö, wa bä fe badädämabalema. Jude tä lä cui, tä fe bao lä culenaja, modu u bada lä yudujou wei unö, wa bä tablamaö showadalayoma.

Números 11:31

Jeobaanö wadoli a bada fa shömölönö, modu u fedu jamö culanö, bocolamö bä yaläimama. Bä bluca yajadodoaö yäö fa shuliloimanö, bä yäö jö̦lölou cuaaimama. Isaeli ebä lä bälöblamono wei jamö ma cui, tä ulifi fe lä fayoono wei jamö ma cui, ebä queolaliyoma. ¿Ö̦jö tawä? Moli tä jalu ja, bä juu fe nö lä wädöquebö wei jamö, bä blajawä bläläö fe fayoomobodayoma.