Jonás 1:3 - Biblia Yanowamö

³ Ö̦jö ma cui, Jeobaa lija Jobe jamö Jonasi a docua yaclälayoma. Ö̦jamö, Dasi jamö bä lä bälamamou wei a bada canawä ca̦a fa dalalönö, a bälabeje etä nowa fa co̦macönö, a dicäquema. Jeobaa lija a nia fa docufälönö, Dasi jamö a nia fuma.

Jonás 1:3 Iomraidhean Croise

Génesis 3:8

Ficali ca jamö, Jeobaa a lä bufiblamou wei a jo̦wa weyade juu fa ji̦libölänö, fii defibä jamö cäcöbö jo̦yaaliyoma, a möböö fa quilinö.

Génesis 4:16

A fa oniblamolunö, Jeobaa a daa showadaquefälöma. Ö̦jö däjä, Caino a blajaa showalayofälöma. Nodo tä ulifi jamö a culayoma. Edena ai tä mashi jamö, motoca a lä faö wei tä mashi jamö, a bälöaliyoma.

1 Reyes 19:3

Ö̦jö a wa̦no fa ji̦lilänö, Elia a quililaliyoma. A quilili docua fa showadalunö, Beeseba jamö a jayuquefälöma, Judawä nodiwä ai ebä lä bälöono wei jamö. A nosie fuamobä e lä cui, ö̦jamö a daquefälöma.

1 Reyes 19:9

Ö̦jamö maa maca jamö a fa waloicudunö, a bälöblaquema. Ö̦jamö a culanö, cama lija Jeobaa a wa̦ bädaliyoma. Abenaja e cuma. —Elia. Eja ¿wedi wa tä taö cuboyoi? —e cuma.

2 Crónicas 2:15

¿Ö̦jö tawä, bada tä? Wa bä nii a̦fa lä wäyäno wei mobä da shimölö, cafä bä a̦ lä fuaaö wei yamacö lija. Dabö dabö ubä ca̦i, nashiwä toubä ca̦i.

2 Crónicas 2:16

Libano jamö, fii wa fibä lä bufii wei yama fibä nia duyäö. Modu bada u jamö yama fibä befi ca̦i fa calälöfälönö, Jobeteli bä lijamö yama fibä nia ca̦bou. Ö̦jamö lä fii wama fibä fa co̦alalönö, Jelusale jamö wama fibä bälabä. Inaja waiquiwä. Ilama yanö, ya oni shimaö lä cule.

2 Crónicas 9:21

¿Ö̦jö tawä? Bada tä Salomonö canawä bä ca̦i bada taboma. Ilama a wa̦ lä fuano wejei bänö bä ca̦i cadidiblaafälömaje. Dasi jamö bä bada ca̦bou fa balöojenö, lasha 3 a famaöje däjä, madofi bä befi ca̦i co̦blaayolumaje. Olo bä ma cui, blada bä ma cui, jai yalo bä yo̦lacö cuwä täbä nowa lä bluca wei täbä ma cui, basho bä bada mashi ma cui, baluli bä bada mashi liyäjäwä ma cui, ö̦jö bä ca̦i co̦blaayolumaje.

Esdras 3:7

Ö̦jö cudeenö, maa mabä maquecaö lä daö wejei bä lija, blada bä jibäquemaje, bä ojodamobä. Fii fibä ja täbä tablaö lä daö wejei bä lija ca̦i. Canafali bä bälabeje, Sidonoteli bä ca̦i dobälemaje, Diloteli bä ca̦i. Nii bä ma cui ja, toubä lä coamou wei toubä ma cui ja, dabö dabö ubä ma cui ja, ö̦jö bä ja bä dobälemaje. Libano jamö canafali bä fa duyäjenö, modu bada u jamö bä befi ca̦i nia caläfälömaje, Jobeteli bä lijamö bä ca̦bobeje, Besiateli Silo a bada lä cuinö bä nowa lä tano weinaja showawä.

Jonás 1:10

A wa̦ fa ji̦liläjenö bä bluca quililaliyoma. Jeobaa lija a lä doculayono wei tä nö fa ö̦jöbölöjenö, abenaja ebä cuma. —¿Wedi wa tä li taö dicoa cule?—ebä cuma.

Lucas 9:62

Abinaja Jesúsnö a nowa tama. —Ficali täca jamö a nia ma ojodamou wei ma cui, a bufi shaliliomi dicowä ja, a nia dobloimi. Inaja bä bufi lä jujeblou wei bä lä cui, Yai Bada tänö cama ebä ca̦i nia lä cuo wei tä a̦ wäyäbeje jamö, ö̦jö bä yädäobä bämi—a nowa tama.

Hechos 15:38

Pablo a wa̦ lämoma. —Ö̦jö a mlai —a cuma—. Ba̦filia jamö bäfäcö da cuoblei däjä, ö̦jönö bäfälecö daa fa dicocufälönö, bäfälecö bayeliblaö mada maoblei —a cuma.

Hechos 26:19

Pablo a wa̦ faö showaoma. —Bada tä, Acliba. Ö̦jö cudeenö fedu jamö culanö, camiyä nija Jesús a lä bädaleyoluno wei ya wa̦ fa ji̦lilänö, ya wa̦ jua showadalema.

Hechos 9:36

Bei. Jobe jamö, a wa̦fa suwä Dabida cuoma. Jesucristo nija a lä nocaono wei a suwä cuoma. Clesiateli bä caficö a̦ ja, Doca a wa̦fa jilabomaje. A dodijama. Bä lä jo̦li wei showadi bä shino bayelibladima.

Hechos 9:38

¿Ö̦jö tawä? Jobe tä ajede jamö, Lidateli bä shabonobö blao mö feduoma, Pedronö bä fe lä walono wei jamö. Ö̦jö cudeenö, ö̦jamö Pedro a jo̦wa juu fa ji̦liläjenö, Jesucristo nija bä lä nocao wei ebänö, bolacabö cäcöbö shömölemaje, Pedro a nacaböbä. Cäcöbö fa co̦blalunö, Pedro nija cäcöbö a̦ fajaloma. —Lobe, lobe —cäcöbö cuma—. Camiyä yafäcö nija a yaua da showaiquiyo, ¿ö̦jö tawä?

Hechos 9:42

Jobeteli bä nija ö̦jö tä a̦ ji̦limou fa blaucublalunö, ö̦jö ai bä bluca lä cuinö, Bada tä Jesús a bejedi bufia showalemaje.

Hechos 9:43

Jobeteli Simón a wa̦fa lä cule nija Pedro a fa cualunö, ö̦jamö lä a fe weyablaama. Ö̦jö a Simón lä cui, showadi yalo sibä lä dodijamano wei a li cuoma.

1 Corintios 9:16

Jesucristo dodijidawä ya tä a̦ wäyäö tä nowa ja, ya dodijaö jimöobä tä cuami. Ya tä a̦ wäyäbä ya waiquiwä malä cui. Ya tä a̦ wäyäimi dicoo ja ya nö bleaaö cuquei.

2 Tesalonicenses 1:9

Ö̦jö däjä bä nö nia bleaaö shi wa̦lii cuquei. Bä fa waimolunö, Bada tä Jesús a cuobä jamö bä nia icuomi. A nofi nia lofote lä doamou wei jamö bä nia cuomi.