Jonás 1:2 - Biblia Yanowamö

² —Bei. Ninibeteli bä lijamö a da alufälö, “Ei bä yai lofote”, bä nofi lä tabolajei bä lijamö. Camiyä lija bä a̦no ji̦limou wa̦lioblou waiquiwä yalo, cafä lija ya bä nabä shimaö lä cule, wale a̦no wäyäbä —e cuma.

Jonás 1:2 Iomraidhean Croise

Jonás 3:2

—Bei. Ninibeteli bä lijamö a da fu, “Ei bä yai lofote”, bä nofi lä tabolajei bä lä cui lijamö. Ö̦jö bä lija wale a̦no wäyäö dodijiobä —e cuma.

Jonás 3:3

Ö̦jö cudeenö, Ninibeteli bä lijamö Jonasi a fuu showadaoma, Jeobaa a lä cuno weinaja showawä. Bei. Ninibeteli bä shabonobö blaucuo dodijioma. Bä yanobö lä cublai jamö wa jayuyaö cuaafälöbä, 3 wa fe nia didi cublou.

Mateo 10:18

Iba wamacö yalo, bada bä yai bälöo lä dodijio wei bä nijamö wamacö nia lulubou fe yadioje. Bada bänö cama ebä lämabou mö lä feduo wejei bä ma cui nijamö, inaja showawä. Judio bä ma cui nija, judio bä lä mlai bä ma cui nija, ö̦jö bä nija wamale a̦fa wäyäbä, ö̦jö tä ca̦i nia cuo.

Mateo 12:41

’Wamacö fei däjä lä bälöblai wamacö jömadayobä jamö, Ninibeteli bä nia ca̦i ublao yädäo mö feduo —a cuma—. Ö̦jö bä ma cuinö wamacö nia ca̦i jömaöje. Wamacö ca̦i nia waimaö bufiije. Jonasi nija Yai Bada etä a̦ fa ji̦liläjenö, wa̦lidiwä tä ja bä bufi lädou malä showadalayono wei. ¿Ö̦jö tawä? Jonasi a bada ma cui, camiyä bei ya yai bada dodijiwä. Fei däjä, cafä wamacö nijamö camiyä ya yai cua ma cule, wamale a̦ ji̦liblaimi.

Santiago 5:4

¿Ö̦jö tawä? Cafä wamacö ficalibö ca jamö wama bä lä shömöleno wei bä lä cui, bä ma ojodamono wei ma cui wama bä nowa co̦amanomi dicowä. Wama bä mölaa dicomalema. Bei. Cama bä nowa co̦amamobä bä blada lä cule, wama bä blada jibäano lä mlai, bä a̦ blada ji̦lio lä cule. Wama bä blada nofi jo̦wa tabou fa showaonö bä co̦möö, wamacö jolemou dablamobä. Wama bä lä ojodamomano wei bä ma cui, i̦cali bä nacömou. Bada tä shino lojode cua lä ayaladinö bä a̦ ji̦liaö culadi.

Apocalipsis 18:5

Täbä wa̦lidiwä bluca lä tamou wei täbä yaiblou fa cunoja, fedu jamö täbä fe nö malä wädöblaledayobö wei. ¿Ö̦jö tawä? Bä doblou lä mlai ya tä nofi bluca ca̦i jaducubou —a cuma.