Génesis 9:3 - Biblia Yanowamö

³ Bä bluca lä juu wei bä ja, bämacö dobäö lä cule, wamacö naiqui waobä. ’Bä bluca lä cauu wei ya sibä jaba jöbäö lä cuaano weinaja, fei däjä yalo bä ma cui, ya bä jöbäö nomöjöa lä cule. Afä bä bluca cuobä.

Génesis 9:3 Iomraidhean Croise

Génesis 9:2

Yalo bä bluca lä cuinö, showadi wamacö nö quili tabeje, ya bä tablamaö a lä cule. Mashita jamö bä yalo lä juu wei bä ma cui, bä lä yäö wei bä ma cui, bä wajaquemi wai lä joleaö wei bä ma cui, modu u jamö bä bluca lä juu wei bä ma cui, cafä wamacö nija, ya bä nabä shömöaö a lä cule.

Romanos 14:14

Ei ya tä daö. Bada tä Jesucristo lija ya cua yalo, ya bufi shaliliwä waiquiwä. Bäma bä lä waö wei bänö bämacö bufi nia shamibloimi. Ö̦jö ma cui, “Yai Bada tänö ö̦jö bä waö wasöö”, ai bänö bä nofi tabouje. “Shädayai”, bä bufi cuolanö bä iyaö fe yadio ja, bä bufi wa̦lidiblou. ¿Ö̦jö tawä?

Romanos 14:17

Yai Bada tänö bämalecö dodijidawä ca̦i cuobä, nii bä a̦fa jayumamobä tämi. Toubä lä coaö wejei toubä ca̦i mlai. Ö̦jö täbä nowa cua malä mlai. Bämacö nia lä bejedimou wei, ö̦jö tä nowa shi̦lo yai bluca. Bämacö bufi nia ca̦i lä yanöcöo wei tä ca̦i. Yai Bada tä Bufinö bämacö bufi nia ca̦i lä doblalou wei tä ca̦i. Ö̦jö tä nowa shi̦lo yai bluca.

Romanos 14:20

Yai Bada tänö cama ebä bufi bluca bayeliblaö. Yalo wama bä waö bufi lä doblao wei tänö, ö̦jö tä wa̦lia dijejä. Yai Bada tänö yalo bä waö wasöö ma mlai ma cui, wamacö lä iyaö wei tä ja, Jesucristo ai wama ebä yaclämaö dicoo ja, tä wa̦lidiwä waiquiwä.

Romanos 14:3

¿Ö̦jö tawä? Yalo wama bä waö lä ayao wei wamacönö, bä lä waio wei bä nofi wa̦libo dijejä. Inaja showawä, wamacö lä waio wei wamacö lä cuinö, yalo bä lä waö wejei bä jima dijejä. Yai Bada tänö bä nofi tabou malä cui.

1 Corintios 10:23

Abenaja täbä cuu. “Ya cuaaö bufi lä doblao weinaja ya cuaabä lä. Tä a̦ läa malä mlai”, täbä ma cuu wei ma cui, inaja bä lä cuaaö wei tänö bä bayeliblamoimi. “Tä a̦ läa malä mlai”, bä ma cuu wei ma cui, inaja bä lä cuaaö wei tänö, täbä bufi lofotoblamaimije.

1 Corintios 10:31

Abenaja. Wamacö lä iyaö wei tä ma cui ja, wama toubä lä coaö wei tä ma cui ja, jödödöwä wama tä lä taö wei tä ma cui ja, Yai Bada wama a nofi dodijaö doablamabä wamacö.

Colosenses 2:16

¿Ö̦jö tawä? Wamacö bayeliblamobä, ö̦jö lä tä waiquiwä. Wamacö a̦fa nö bleaaö ma taöje däjä ma cui, bä a̦ ji̦lia dijejä. Nii ai bä ja wamacö lä waio wei wamacö bayeliblobä, tä a̦fa ma wäyäö wejei ma cui, bä jolemou. Judio täbä iyaö ca̦i co̦camobä jamö wamacö ca̦i lä loo wei tänö ca̦i mlai. Ai wama a nofi belibo lä jaducäbou wei tänö ca̦i mlai. Sábado däjä täbä lä yanöcöo wei, ö̦jö wama tä nofi jalu ca̦i ma jaducäbou wei ma cui, ö̦jö tänö wamacö nia ca̦i bayeliblamoimi. Bä a̦ ji̦lia dijejä.