Génesis 7:9 - Biblia Yanowamö

⁹ Noewänö bä yalo ca̦i bluca lucäö bolacadou showaoma. Canawä a jamö suwä a, wa̦lo a̦, bolacabö bä cudawä, bä yalo lucäa showalayoma, Yai Bada tänö Noewä a nowa lä tano weinaja showawä.

Génesis 7:9 Iomraidhean Croise

Génesis 2:19

Ö̦jö cudeenö, mashita bä ja bä yalo bluca lä jumöblaleno wei bä a̦fa jilamabä, wa̦lo nija Jeobaa a lä bufiblamou wei a lä cuinö, bä ca̦i waloquema. Bä yalo bluca lä juu wei, bä bluca lä yäö wei bä ma cui, ö̦jö bä ca̦i bluca waloquema. Ö̦jö däjä, yanowamö a lä cuinö, bä a̦fa bluca jilaa lä taqueno weinaja, bei bä a̦fa bluca cublou showalayoma.

Génesis 6:22

Inaja showawä Noewä a cuaama. Yai Bada tänö a nosiemaö lä cuaano weinaja, a nosie juaö cadidio showaoma.

Génesis 7:10

Ö̦jö däjä, bolacadabö 7 tä nö fa cublalunö, modu u bada o̦quinö, ulifi a fe baoblaliyoma.

Génesis 7:15

Canawä a jamö Noewä a lucäö däjä, jödödöwä bä yalo demi lä cuono wei bä mashi lucäö bolacadou showaoma. Wa̦lo a, suwä a, einaja bä cudawä, bä lucälaliyoma.

Génesis 7:16

¿Ö̦jö tawä? Bä lä lucälaliyono wei bä lä cui, wa̦lo a, suwä a, einaja bä cudawä, bä lucäö cololodou showaoma. Noewä nija Yai Bada a lä cuno weinaja, inaja showawä bä lucäa culayoma. Ö̦jö däjä, Jeobaanö Noewä a fe laquema.

Génesis 7:8

Yalo shami bä bluca lä cublai, bä shami lä mlai bä ca̦i bluca lä cublai, bä lä yäö wei bä ca̦i bluca lä cublai, bä wajaquemi wai lä joleaö wei bä ca̦i bluca lä cublai,

Gálatas 3:28

¿Ö̦jö tawä? Jesucristo lija täbä moliblou. Judio bä ma cui, judio bä lä mlai bä ma cui, bä nosie fuamobä bä lä tabou wejei bä ma cui, bä tabou lä mlajei bä ma cui, wa̦lo bä ma cui, suwä bä ma cui, Jesucristo lija, moli bä bluca cublou.

Colosenses 3:11

Ö̦jö bäma ecö bluca waiquiwä cudeenö, moli bäma ecö mashi waiquiwä. Clesiateli bä ma cui, judio bä ma cui, bä mosi sicö lä joyamou wei bä ma cui, bä mosi sicö joyamou lä mlai bä ma cui, ö̦jö bäma ecö bluca. Shomi täbä ma cui, oni sibä daö lä mlajei täbä ma cui, täbä a̦ fuamobä bä lä tabou wejei bä ma cui, bä tabou lä mlajei bä ma cui, inaja showawä. Camiyä bämacö nofi yaimamobä bämacö mlai, bäma a nofi nia lä yaibou wei, ö̦jö Cristo a waiquiwä. Cama bäma ecö bluca lija a cua.