Génesis 7:5 - Biblia Yanowamö

⁵ Inaja showawä Noewä a cuaama. Jeobaanö a nowa lä tano weinaja a cuaaö cadidio showaoma.

Génesis 7:5 Iomraidhean Croise

Génesis 6:22

Inaja showawä Noewä a cuaama. Yai Bada tänö a nosiemaö lä cuaano weinaja, a nosie juaö cadidio showaoma.

Génesis 7:16

¿Ö̦jö tawä? Bä lä lucälaliyono wei bä lä cui, wa̦lo a, suwä a, einaja bä cudawä, bä lucäö cololodou showaoma. Noewä nija Yai Bada a lä cuno weinaja, inaja showawä bä lucäa culayoma. Ö̦jö däjä, Jeobaanö Noewä a fe laquema.

Éxodo 40:16

Inaja Moisesi a cuaaö cadidioma, Jeobaanö a nosiemaö ja a lä cuno weinaja showawä.

Éxodo 7:6

Inaja cäcöbö cuaaö showaoma. Moisesi, Aaloni cäcöbö nowa taö ja, Jeobaa a lä cuno weinaja, inaja showawä cäcöbö cuu cadidio showaoma.

Mateo 3:15

Einaja Juan a ma cuno wei ma cui, abinaja Jesús e cuu mö feduoma. —Fei däjä, inaja lä tä yai cuo balöobä. Yai Bada tänö tä tamaö lä bufii wei bäfä tä bluca tabä bäfäcö malä cui —e cuma. Einaja e fa cunö, Juannö a wa̦ julema.

Lucas 8:21

Ö̦jö ma cui, abinaja Jesús a cuu mö feduoma. —Yai Bada etä a̦ ji̦liaöje däjä, tä a̦ juaö lä showadao wejei bä lä cui, ö̦jö iba nayä cäbä, iba mashi ö̦jö bä ca̦i li showawä —Jesús a cuma.

Juan 13:17

¿Ö̦jö tawä? Bämacö lä yömölale tä ja, wamacö bufi fa jaducuicunö wamale a̦ juaö ja, wamacö bufi nia yai doblalou.

Juan 2:5

Ö̦jö däjä, cama e yafi lä cuono wei a wa̦ juamobä ebä lä cui, Jesús bä nöö enö bä yömölama. —Ijiluyänö wamacö nowa taö ja, wama a wa̦ nia juaö —a cuma.

Filipenses 2:8

A fa yanowamöblalunö, a ojodaoma. A fa ojodaonö, a shämobä tä ma cui ja a ojodao fe yadioma. Fii ficö ma cui ja, täbä nofi yai jushuaö fe lä balojoo wei täbä shäö lä cuaaö wejeinaja, a ca̦i tablamou ojodao fe yadioma.

Hebreos 5:8

¿Ö̦jö tawä? Yai Bada tä Ijilubö ma cui, bä Fö̦ö e a̦ fuaö dablobä, a wabamoma. A nö lä bleaaö wei tänö, Yai Bada a wa̦ nia fuaö fe lä yadio wei tä dalalema.