Génesis 7:1 - Biblia Yanowamö

¹ Ö̦jö däjä, Noewä nija Jeobaa a wa̦ fama. —Bei. Bluca täbä lä bälöjöi täbä nija, cafä moli bäfä dodijaö dablaö yalo, canawä a jamö afä bä ca̦i da lucälö.

Génesis 7:1 Iomraidhean Croise

Génesis 6:18

Abinaja Noewä a nowa ca̦i tama. —Ö̦jö ya bä mö nia bluca ma watäblaö wei ma cui, cafä dodijidawä wamacö cuobä, ya tä a̦ nia wäaö. Cafä bämacö nia lä bayelibou wei tä ja, ya wa̦ nia wäo cadidio. ’Canawä a bada jamö wa nia lucälayou. Ijilufä bä sho, suwäböfä sho, tatäfä bä sho, ö̦jö wa bä nia ca̦i bluca lucälayou.

Génesis 6:9

Noewänö cama ebä ca̦i lä cuaano wei, ei tä a̦ li oni. Bei ijilubö 3 ebä cuoma, Semö, Camö, Jafede bä a̦fa lä cuono wei. Ai bä nofi bluca ma jushuano wei ma cui, Noewä a dodijaö ayaoma. Yai Bada nija a bufi cadidioma. Ö̦jö sho cäcöbö nofi shino tamayoma.

Génesis 7:13

¿Ö̦jö tawä? Maa a jaba lä queno wei däjä, canawä a jamö, Noewänö cama ebä ca̦i lucäa showadalayoma, bei ijilubö Semö, Camö, Jafede bä a̦fa lä cuono wei bä sho. Noewä bei suwäbö e sho. Bei ijilubö ebä suwäbö ca̦i sho.

Génesis 7:7

Inaja tä fe nia ulifi baoblou cuaaö yalo, canawä a jamö, Noewänö cama ebä nofi ca̦i yashulayoma. Bä mishi duo mlaobä, bei suwäbö e, bei ijilubö ebä, bei tatä ebä, ö̦jö bä nofi ca̦i bluca bäyälayoma.

Lucas 1:6

Ö̦jö cäcöbö lä cui, Yai Bada nija cäcöbö cadidoma. Bada tänö tä tamaö lä bufii wei tä ja, showadi cäcöbö cadidoma yalo, cäcöbö a̦fa tamobä etä cuonomi.

Lucas 17:26

’¿Ö̦jö tawä? —a cuma—. Noewä däjä bä yanowamö lä cuaano weinaja, inaja showawä, camiyä ya lä yanowamöblaleyoluno wei ya juu co̦o lä bufiole däjä, bä nia cuaaö co̦o.

Hechos 2:39

Cafä wamacö ma cui nija, wamacö ijilubö nodiwä ma cui nija, bä blajawä lä bälöle bä ma cui nija, bluca wamacö bayeliblamobä tä a̦ wäa malä balöqueno wei. ¿Ö̦jö tawä? Yai Bada bäma a lä bufiblaö wei a wa̦ nö wäoma, bäma a nofi lä Badabole a lä cui. Cama nija bä ajedou co̦obä bä bufi lä taamaö wei bä lä cui nija a wa̦ nö wäquema, täbä bluca bayeliblabä —a Pedro cuma.

Hebreos 11:7

Noewä a lä cuinö, Yai Bada a wa̦ nofi mölaboma yalo, a wa̦ li fulema. Tä nia lä cublono wei tä ja Yai Bada tänö a yömölaa fa balölönö, canawä a tablalema, cama ebä nofi ca̦i yashuobä. Yai Bada a nosie fuaö lä ayaono wei tänö, ai täbä lä bälöblai bä dobloimi jimamoma. Ö̦jö cudeenö, Yai Badanö bä nö bluca blemalalema. ¿Ö̦jö tawä? Noewänö a wa̦ nofi mölaboma cudeenö, Yai Bada tänö jai a cadejewä waiquiwä a nofi tabou showaoma.

1 Pedro 3:20

Noewä däjä bä lä bälöono wei, ö̦jö bä bufi li cuoma. Canawä a lä tano wei däjä, ö̦jö lä bänö Yai Bada tä a̦ juanomije. Ö̦jö ma cui, canawä a tamaö showao däjä, Yai Bada tä yanöcöblao balöoma. A ishou jaöonomi. Ö̦jö däjä, canawä a jamö bolacadabö bä nofi shino yashulayoma, 8 bä lä cui. Modu u jamö bä befi ca̦i ca̦o däjä bä bayeliblamou fe yadioma.