Génesis 5:3 - Biblia Yanowamö

³ Adana a lä cuinö, lasha 130 a fa famalönö, bei ijilubö ai a taa co̦quema. Sede a wa̦fa jilaquema. Cama a lä culenaja a cuwä, bei ijilubö e cua fa nodiicunö, bä fö̦ö e owäboma.

Génesis 5:3 Iomraidhean Croise

Génesis 4:25

Adananö bei suwäbö nija, ijilu ai a taa fa co̦cönö, Ewa a shibönaböa co̦layoma. Bei ijilubö e lä wawämaleno wei däjä, abinaja a suwä cuma. —Caino a ishou fa dicoonö, ya jaba lä bufiblano wei nija, ya wajäwä nö bleaama. Ö̦jö ma cui, Yai Bada tänö wale bufi lojodoblamaö co̦a lä cule. Ei ya bufibou majöobä, wale dobäa co̦lema yalo, Sede bei ya wa̦fa nia jilabou —a cuma.

Génesis 5:2

Wa̦lo a, suwä a, cäcöbö tablalema. Cäcöbö lä tablaleno wei däjä, cäcöbö nia bayeliblaö showaoma. Yanowamö bei cäcöbö a̦fa jilaquema.

Génesis 5:4

Sede a oshe fa cublalunö, bä fö̦ö e bälöo nö dedeaö showaoma. Lasha 800 a faa co̦malema. Bei ijilubö ai ebä cublaliyoma, bä tää ebä ca̦i.

Lucas 1:35

Ö̦jö däjä, abinaja a̦jele e cuma. —Yai Bada tä Bufinö wa fe walou däjä, Yai Bada tä Bada lä ayai tä lojodenö wa nia jo̦yablaö. Ö̦jö cudeenö ijilufä a nia yaio. Yai Bada Ijilubö e a̦fa nia jilamou.

Lucas 3:36

Sala bä fö̦ö, Cainana e a̦fa cuoma. Cainana bä fö̦ö, Afasada e a̦fa cuoma. Afasada bä fö̦ö, Semö e a̦fa cuoma. Semö bä fö̦ö, Noewä e a̦fa cuoma. Noewä bä fö̦ö, Lameco e a̦fa cuoma.

Juan 3:6

¿Ö̦jö tawä? Yanowamö täbä nija bä lä tablamou wei, yanowamö täbä ijilubö. Yai Bada tä Bufinö bä tablamou lä co̦o wei bä lä cui, ö̦jö Yai Bada bei ijilubö ebä li.

Romanos 5:12

Yanowamö moli anö, wa̦lidiwä tä taö balöoma yalo, nomaö tä wawäblaliyoma. Bluca täbä wa̦lidiblou fa nodilonö, tä jödödöblaliyoma. Yanowamö bluca täbänö wa̦lidiwä tä taöje yalo, täbä jödödöwä nomablou cuaaö.

1 Corintios 15:39

Inaja showawä, täbä demi lä cublai täbä shomi mö malä fedui. Yanowamö bämacö ya̦jicö lä culenaja, yalo bä ya̦jicö cuwä mö feduwä malä mlai. Yalo bä lä yäö wei bä ya̦jicö ca̦i shomi mö feduwä malä cui. Yuli bä ya̦jicö ma cui, bä ya̦jicö ca̦i shomi mö feduwä.

1 Corintios 15:49

Mashita a ja a lä tablamolayono wei bäma a ujudi nodibou lä culenaja, fedu jamö a lä culadi bäma a nia ca̦i lofote nodibou mö feduo.

Efesios 2:3

Ö̦jö bä lä cuaaö weinaja, camiyä bämacö bluca ma cui, inaja bämacö ca̦i jaba cuaama. Wa̦lidiwä bäma tä lä didibole tä ja, bämacö showadi luluamoma. Bämacö cuaaö bufi lä doblaono wei tä ja, bämacö cuaaö shalilioma. Wa̦lidiwä bämacö cuo waiquioma yalo, Yai Bada tä nö wa̦lowä lä jushudou wei a lä cuinö bämalecö nö nia blemaboma, ai bä nö nia lä blemabou weinaja showawä.