Génesis 5:1 - Biblia Yanowamö

¹ Adana bei ijilubö ebä nija, bä bluca yanöcö wawäö lä nodiablalono wei, ei bei tä a̦ li nomöjöwä. Yai Bada tänö yanowamö a jaba tablaö däjä, cama a lä culenaja a cuwä, a tablalema.

Génesis 5:1 Iomraidhean Croise

Génesis 2:4

Inaja Yai Bada a jaba fa cuaanö, judu mösö tablalema. Bita a ca̦i tablaö mö fedulayoma. Jeobaa a lä bufiblamou wei a lä cuinö, judu mösö lä tablaleno wei däjä, mashita a ca̦i lä tablaleno wei däjä,

Génesis 6:9

Noewänö cama ebä ca̦i lä cuaano wei, ei tä a̦ li oni. Bei ijilubö 3 ebä cuoma, Semö, Camö, Jafede bä a̦fa lä cuono wei. Ai bä nofi bluca ma jushuano wei ma cui, Noewä a dodijaö ayaoma. Yai Bada nija a bufi cadidioma. Ö̦jö sho cäcöbö nofi shino tamayoma.

Mateo 1:1

Jesucristo a yanowamöblou showao mlao däjä, bada ebä cuo lä balöono wei, ei lä tä a̦. Jesucristo a lä cui, David e li nodiwä cuoma, Ablaamö nodiwä e ca̦i.

1 Corintios 11:7

Wa̦lo täbä fe yojoobä tä cuami. Yai Bada tänö cama a lä culenaja a wa̦lo tablaö malä cadidiono wei. Täbä fe yojoomi anö, Yai Bada tä nö lä wa̦lojaö wei tä jimaöje. Ö̦jö ma cui suwä bä fe nia shi̦lo yojoo. Bä fe yojoo anö, jai bä fe̦yalobö e a̦fa doblao taöje tä cuwä.

2 Corintios 3:18

¿Ö̦jö tawä? Bämacö quilii mlai ja, Bada tä lä doblale jamö bämacö mö yaidalou ja, cama a lä culenaja bämacö yanöcö nia cublou mö feduo. Bada tä Bufinö, inaja lä showadi bämalecö taamaö malä cui, Cristo a lä culenaja bämacö cublou mö feduobä.

Efesios 4:24

Yai Bada tänö dude wamacö bufi tablamalema, cama a lä culenaja showawä. Wamacö bufi yai dude lä cui ja bä da luluamo, wamacö yai bejedimobä. Dodijidawä wama ecö yaiobä.

Colosenses 3:10

Yai Bada lija, dude wamacö bufi tablamoa waiquilayoma. Cama a lä culenaja wamacö bufi cuo mö feduobä wamacö bufi malä jaducäamaimadi, cama wama a yai daö shaliliobä.

Hebreos 1:3

Yai Bada bä Ijilubö e lä cuinö, bä Fö̦ö e doblao damalalema. Yai Bada a cuwä lä dodijiinaja, inaja showawä bä Ijilubö e cuwä mö feduwä. Cama a wa̦ lofotenö, jödödöwä tä fuwäbou showaa lä cule. ¿Ö̦jö tawä? Yanowamö täbä doblou lä mlai täbä bufi aublobä tä tama. Ö̦jö däjä, Yai Bada tä nö shi̦lo wa̦lojaö lä ayai tä lä dicäladi jamö, a dicäquedayoma. Yai Bada jayu boco mashi jamö a dicäquedayoma.

Hebreos 12:9

Eja bämacö lä fö̦ömole bä lä cuinö bämalecö cadidamaöje ja, bäma bä nö quili talanö bäma bä a̦ fuaö malä cui. Bei bämacö bufinö bäma a nofi yai lä Fö̦ömale a lä cui, ö̦jö bäma a wa̦ shi̦lo yai fuabä a, bämacö demi cuobä.