Génesis 40:3 - Biblia Yanowamö

³ cäcöbö fe laquema. Bada a nowamabeje bä sodado ca̦i lä cule e yafi ja, cäcöbö fe laquema, José a fe lao lä waiquiono wei jamö.

Génesis 40:3 Iomraidhean Croise

Génesis 39:1

Bei. Isimali nodiwä ebänö, Ejido jamö José a ca̦i fa dömöbalufälöjenö, Ejidoteli nija, Bodifalo a wa̦fa lä cuono wei nija, a nomöjöquemaje. Ö̦jö Bodifalo a lä cuinö, blada bä ja, a dälema. Ö̦jö a lä cui, Ejidoteli bada a nija, a yädäoma. Bada a nowamabeje, ö̦jönö bä sodado ca̦i cuoma.

Génesis 39:20

José a juwäa fa showalänö, a shi wa̦limaquema. Bada a yai lä cuinö täbä fe lamabobä jamö, José a ca̦i fa didicönö, a fe laquema.

Génesis 39:22

Ö̦jö däjä, bada anö José a nofi mölaboma yalo, a lämaquema. Ai bä fe lao mö lä feduono wei jamö, José a läo mö feduobä a tamaquema. Ö̦jamö tä bluca lä tamono wei, cama Josénö tä bluca tama.

Génesis 39:23

Jeobaa a lä cuinö, José a ca̦i cuoma yalo, a dodijama. A ojodamobä jamö, bada a läobä tä ma cuono wei ma cui, cama a läo mlai ja, José a shino yai läoma. Tä taö lä bädao wei tä ma cui ja, showadi Jeobaanö a fa bayelibonö, tä dodijidaoma.

Génesis 40:4

Ö̦jö däjä, sodado bä ca̦i lä cuono wei a lä cuinö, José a nosiemama, cäcöbö fe lä laqueno wei cäcöbö bayeliblabä. Ö̦jamö cäcöbö fe lao showao däjä, tä nö dedeama.

Génesis 41:10

Camiyä yafäcö nija, cafä bada wa lä cui, wa fa jushudalunö, yafälecö fe laquema. Camiyä ma cui, afä nii bä tabeje jamö a läo mö lä feduono wei a ma cui, yafälecö fe laa bolacaquema. Wa nowamabeje bä sodado ca̦i lä cule e yafi ja, yafälecö taamaquema. ¿Ö̦jö tawä?