Génesis 4:9 - Biblia Yanowamö

⁹ Ö̦jö a lä shäleno wei ja, Jeobaa a wa̦ fama. Caino a wa̦lima. —¿Wedi jamö fääshäfä bei a li? —a cuma. —Cuwi. ¿Wedi jamö a cua mada culawä? ¿Camiyänö ö̦jö ya nofi tabobä ya tawä? —Caino a jushuolibö ca̦i cuobloma.

Génesis 4:9 Iomraidhean Croise

Génesis 37:26

Ö̦jö bä juu fa dalalöjenö, bei fääshä ebä nija, abinaja Judawä a cuma. —¿Wedi tabä fääshäyä bäma a li shäa ja̦toa bälei?

Génesis 37:32

Bä fö̦ö nija, José dodijidawä bococu labe ecö ca̦i fa co̦lujenö, bä fö̦ö nija, ecö i̦yä dodobojolomaje. —Ei yama cäcö blaa dalalei cublei —bä jole cuma—. Cäcö da möblaa. Ijilufä ecö da mö, wa cö nö ö̦jöböabä —bä cuma.

Génesis 4:10

Öjö däjä, Jeobaa a wa̦ faö co̦oma. —¿Wedi wa tä taö dicoo cufe? Mashita jamö, fääshäfä wa i̦yäbö nofi jushua dodijimaquema. Camiyä nija i̦yäbö nö jo̦wa yuamamou bufio lä cule.

Juan 8:44

’Faafä fecula bada wama ecö yai ijilubö. Ö̦jönö tä tamaö lä bufii weinaja, wamacö cuaaö bufi doblao. Jaba däjä ma cui, täbä shäö bufi doblao showaoma. A bejedimou daimi yalo, tä lä bejedi wei tä julii daimi waiquiwä. A jolemou däjä, cama a bufi lä cuaaö wei etä wawälayou. Jolemolewä a waiquiwä malä cui. Bä lä jolemou wei bä lä cui, ö̦jö nija bä li fö̦ömou.