Génesis 4:4 - Biblia Yanowamö

⁴ Inaja bei fääshä e ca̦i nia fa cuaanö, yalo ocalo a dodobobä a ca̦i waloa mö feduquema. Yalo oweja jaba a lä cui a fa yailönö, a fa bacäcälalönö, a ya̦jicö daböjöwä dodoboyoluma. Inaja a cuaaö ja, Abele nija, Jeobaa a bufi doblaloma. Yalo a lä dodobono wei a ma cui ja, a bufi ca̦i doblaloma.

Génesis 4:4 Iomraidhean Croise

Génesis 15:17

Ö̦jö däjä, motoca a queo fa jödödöonö, tä mö fa dödölönö, ö̦jö däjä wa̦queshi a befi ca̦i bädaliyoma. Fii defi wacö lä wao wei defi ca̦i. Yalo bä mashi jilao mö lä feduduono wei jamö, wacö jayuaö möamoablalou cuaama.

Génesis 4:3

Tä nö fa dedelönö, Jeobaa nija, Cainonö nii bä dodobou ja, a waloquema.

1 Reyes 18:24

Ö̦jö däjä, afä wama a lä bufiblale a lä cui lija, wamacö nö bayeli nacao däjä, Jeobaa lija ya nö nia bayeli nacao mö feduo. ¿Ö̦jö tawä? A wa̦ yai lä fuo wei a lä cui, cowa wacä shimaö ja, ö̦jö a nia shi̦lo yai bufiblamou —Elia a cuma. —Awei, inaja lä tä yai cuobä. Wa wa̦ cadidou —bä bluca cuma.

1 Reyes 18:38

Ö̦jö däjä, Jeobaanö cowa e wacä quea showadamalema. Wacä fa quelunö, yalo bä lä dodobono wei bä ma cui, co̦wa a̦yobä ma cui, maa mabä ma cui, coshi coshi bä lä jilaono wei bä ma cui, bä mö bluca watäa showadaquema. Mau uca ma cui, uca ca̦i wejea showadaquema.

Éxodo 13:12

bä ijilu cublou lä balöo wei bä lä cui, Jeobaa ebä cuobä, wama bä nia yaimabou. Cafä wamacö yalobö ma cui nija bei ijilubö jaba bä wa̦lo lä cui, Jeobaa nija wama bä yalo dodobobä, ebä nia yaio.

Proverbios 3:9

Afä wa tä lä tabou wei tä ja, Jeobaa a da dobälö, afä nii bä jaba lä lalou wei bä ca̦i ja. Inaja wa cuaalanö, Jeobaa wa nofi lä tabou wei tä nia dablamou.

Números 16:15

Ö̦jö cäcöbö wa̦no ja, Moisesi bejedi lä a jushudaliyoma. A fa jushudalunö, abinaja Jeobaa nija a cuma. —Cafä wa nia ma dobäböö däjä ma cui, etä da wailö. Ji̦ima bulo a bädawä ma cui, ya e däaö bädaonomi. Ya cöbä nö ca̦i bleaamaö buonomi —Moisesi a cuma.

Números 16:35

Jeobaa nija täbä wa̦queshi ni cle̦deli lä u̦cucamou wei täbä befi ca̦i lä dodobono wejei bä nö ca̦i blea showadaamalalema. ¿Ö̦jö tawä? Jeobaa a lä cule jamö wacö bada fa famalönö, ö̦jö 250 bä mö bluca watäblamaö showadalayoma.

Hebreos 11:4

Abele a lä cuinö, Yai Bada a wa̦ nofi mölaboma yalo, dodijidawä etä dodoboma. Bä a̦iyobö Cainonö täbä dodobou lä cuono weinaja mlai. Ö̦jö cudeenö, Abele lija Yai Bada a dobämamou bufi doblaoma. A wa̦fa dodijidawä wäyäma. ¿Ö̦jö tawä? Abele a nomamalema ma cui, Yai Bada a wa̦ nofi lä mölabono wei tä lä cui, fei däjä ma cui tä a̦ ji̦limamou showawä.

Hebreos 9:22

Moisesi tä a̦ oni jamö, showadi i̦yäbö a̦fa malä wäyämou wei. Täbä jödödöwä nia lä aublou wei, i̦yä i̦yä bänö täbä fa taamajenö täbä nia shi̦lo dodijidablou co̦o. Bei i̦yä bä faö mlao däjä, täbä doblou lä mlai etä nowa mladobä tä cuami waiquiwä.

Apocalipsis 13:8

¿Ö̦jö tawä? Bita jamö bä yanowamö bluca lä cublai bä lä cui, ö̦jö nija bä möfe bolanö a wa̦fa nia bada doblao taöje. Bä nia ba̦limi lä cudio wei, Yai Bada tänö bä a̦fa lä onibole si ja bä a̦fa lä cule, ö̦jö bä lä cui bä nö bayeli nia shino nacaomi ayao. Ulifi a tablamou showao mlao däjä, ö̦jö bä a̦fa bluca tabou showadaoma. Ö̦jö si lä cui, Oweja a wa̦fa ocalo lä jilamou wei, ö̦jö esi li oni, a lä shämono wei a lä cui.

Jueces 6:21

Ö̦jö däjä, fii fi lä bono wei tefinö, Jeobaa etä a̦jelenö bä yalo fa bacämanö, nii juluno mlai bä ca̦i fa bacämalönö, maa ma ma cui ja, cowa wacä bada falayoma. Yalo bä ma cui, nii juluno mlai bä ma cui, cowa wacänö bä mö bluca watäa showadaquema. Ö̦jö däjä, Jeobaa etä a̦jele mlaa co̦layoma.