Génesis 4:10 - Biblia Yanowamö

¹⁰ Öjö däjä, Jeobaa a wa̦ faö co̦oma. —¿Wedi wa tä taö dicoo cufe? Mashita jamö, fääshäfä wa i̦yäbö nofi jushua dodijimaquema. Camiyä nija i̦yäbö nö jo̦wa yuamamou bufio lä cule.

Génesis 4:10 Iomraidhean Croise

Génesis 18:20

Einaja Jeobaa a bufi fa cudalunö, Ablaamö nija a wa̦ fama. —Sodomateli, Comolateli bä a̦ wa̦no ji̦limou wa̦lioblou ja, tä lä taö wejei tä doemi dodijiwä yalo,

Génesis 3:13

Ö̦jö däjä, Jeobaa a lä bufiblamou wei a lä cuinö, suwä a wa̦lii nomöjöoma. —¿Wedinaja wa li cuaaö dicoo cufe? —a cuma. Ö̦jö däjä, suwä a wa̦ wawälayoma. —Olu cäcönö wale fa mölamalönö, ya täcö waa dicolei culoi —a suwä cuma.

Génesis 9:5

Ai tänö wamacö shäö ja, bämacö nö i̦yäbö yuaö wä. Yanowamö a ma cui nija, yalo a ma cui nija, bämacö i̦yäbö nö yumalei.

Éxodo 3:7

Ö̦jö däjä, Jeobaa a wa̦ faö co̦oma. —Ejido jamö iba bä nö lä bleaale ya bä dablaö waiquia. Bada bä lä lämou wei bänö, bä shömaö fe blacäjouje ja, ya bä a̦ nö bleaaö ji̦liaö waiquia. Bä nö lä bleaale ya tä daö.

Hechos 5:3

Ö̦jö ma cui, abinaja Pedronö a nowa tama. —Anania. ¿Wedi tä tabä fecula bada a Sadanasi nija bei wa bufi li lulumoa dicolayoma? ¿Wedi tabä Yai Bada a Bufi nija wa li jolemolayoma? Afä ficali wa täca lä nomöjöqueno wei täca nowa ja, wa bä blada lä däleno wei, wa bä mashi tabou malä showale.

Hechos 5:9

Einaja a cuu ja, abinaja Pedronö a nowa tama. —¿Wedinaja wafäcö bufi cuu fa dicoonö, inaja bei wafäcö nowa li tayoma? ¿Wedi tabä Yai Bada wafä a Bufi mölamabä, bei wafäcö li wabäo dicoblaoma? Bei. ¡Fe̦yalofä a nomawä lä didiqueno wejei, bä mamicö jo̦wa blölölömou co̦a lä cuimi! Ö̦jamö lä, cafä wa nomawä nia bälaö nomöjöoje —a cuma.

Hebreos 11:4

Abele a lä cuinö, Yai Bada a wa̦ nofi mölaboma yalo, dodijidawä etä dodoboma. Bä a̦iyobö Cainonö täbä dodobou lä cuono weinaja mlai. Ö̦jö cudeenö, Abele lija Yai Bada a dobämamou bufi doblaoma. A wa̦fa dodijidawä wäyäma. ¿Ö̦jö tawä? Abele a nomamalema ma cui, Yai Bada a wa̦ nofi lä mölabono wei tä lä cui, fei däjä ma cui tä a̦ ji̦limamou showawä.

Hebreos 12:24

Jesús a lä culadi jamö wamacö cua, dude tä a̦ ca̦i lä läle a lä cui lija, cama i̦yäbö lä yomösamodayono wei jamö. Abele i̦yäbö nö yuamou lä bufiono weinaja mlai, camiyä bämalecö nofi nia lä ojodabou wei i̦yäbö a̦fa shi̦lo wäyämamou.

Santiago 5:4

¿Ö̦jö tawä? Cafä wamacö ficalibö ca jamö wama bä lä shömöleno wei bä lä cui, bä ma ojodamono wei ma cui wama bä nowa co̦amanomi dicowä. Wama bä mölaa dicomalema. Bei. Cama bä nowa co̦amamobä bä blada lä cule, wama bä blada jibäano lä mlai, bä a̦ blada ji̦lio lä cule. Wama bä blada nofi jo̦wa tabou fa showaonö bä co̦möö, wamacö jolemou dablamobä. Wama bä lä ojodamomano wei bä ma cui, i̦cali bä nacömou. Bada tä shino lojode cua lä ayaladinö bä a̦ ji̦liaö culadi.

1 Samuel 13:11

—¿Wedi wa tä li taö dicooma? —Samuel a cuu mö baoma. Abenaja Saulo a cuma. —Iba bä quilili sheleleblaliyoma —a cuma—. Cafä wa nia ma waloono wei ma cui wa waloblonomi. Mimasa jamö filideo bä co̦camoa waiquilayoma. ¿Ö̦jö tawä? Ö̦jö ya tä bluca fa dalalönö,