Génesis 39:3 - Biblia Yanowamö

³ Ö̦jamö a fa cuonö, cama bada e lä cui, a bufi jaducublaliyoma. Jeobaanö José a ca̦i lä cuono wei, tä dalalema. Jeobaanö a bayeliblama cudeenö, José showadi a lä dodijano wei tä ca̦i daa showalalema.

Génesis 39:3 Iomraidhean Croise

Génesis 21:20

Ö̦jö ijilu a lä cui, Yai Bada tänö a ijilu bayelibou showao däjä, a badafälöma. Tä ulifi lä blocoono wei jamö a fa bälöalunö, shälacawä bä niyaö fa dalalunö, a nöjödablaliyoma.

Génesis 30:27

Ö̦jö ma cui, abinaja bä shö̦ö e cuma. —Wale a̦ ji̦lia da balölä, ¿ö̦jö tawä? Äyämö cafä wa cua yalo, Jeobaa nija ya bayeliblamou dodijia lä cule. Ö̦jö tä ja, ya bufi malä daobe. Ya tä malä möö wei.

Génesis 30:30

Ya waloonomi showao däjä, yalofä bä bluca cuono ma mlai ma cui, bä balaö dodijia lä cule. Wale lä lämabou wei tä bädawä ma cui ja, ö̦jö tä ja, Jeobaa nija wa malä bayeliblamole. Ö̦jö ma cui, abinaja ya bufi cuu “¿Wedi tabä iba ya bä yai bayeliblaö mlai ja, shomi täbä nija bei ya li cudia cule?” ya bufi cuu —Jacobo a cuma.

Génesis 39:2

Jeobaanö José a ca̦i fa cuonö, a bayeliblamou fe yadioma. A bayeliblamoma cudeenö, a dodijaö fe yadioma. José a lä tabono wei, Ejidoteli a lä cui e yano ja, a cuo cadidioma.

Génesis 39:21

Ö̦jamö a fe ma laqueno wei ma cui, Jeobaanö showadi José a ca̦i cuo showaoma. Showadi a nofimama yalo, a nofimaö showaoma. ¿Ö̦jö tawä? Täbä fe lä laono wei jamö a bada lä läono wei a lä cui, Jeobaanö a bufi tamalema, José a nofi ojodabobä.

Génesis 39:23

Jeobaa a lä cuinö, José a ca̦i cuoma yalo, a dodijama. A ojodamobä jamö, bada a läobä tä ma cuono wei ma cui, cama a läo mlai ja, José a shino yai läoma. Tä taö lä bädao wei tä ma cui ja, showadi Jeobaanö a fa bayelibonö, tä dodijidaoma.

1 Crónicas 22:13

Jeobaa a lä cuinö Isaeli bäma ecö taamaö lä bufii wei, Moisesi lija tä a̦ bluca wäyäma, camiyä bämacö lija tä nabä bluca lä shimaö wei tä a̦ lä cui. Ö̦jö wa tä a̦ nofi bluca cadidibou ja, dodijidawä wa nia cuo. A nö da wa̦lojoicu, ö̦jö lä. A bufi ca̦i lofote cua da dodijiicu. A quili dijä. A bufi ca̦i mla dijä.

2 Crónicas 1:1

David bä ijilubö Salomo a bada läo lä juono wei ja, dodijidawä a bada bälöo juoma. Jeobaa a lä bufiblano wei a lä cuinö, Salomo a ca̦i fa cuonö, a nö wa̦lojomabou fe balojooma.

Mateo 5:16

Inaja showawä, shi̦i wacacawä wamacö lä cui, wawädowä bä da damolalu. Wamacö dodijaö fa dalalöjenö, Faafä a lä culadi a wa̦fa doblao tabeje —a cuma.

1 Corintios 16:2

Wama bä blada lä doaö wei bä ja, domingo däjä showadi ai wama bä mashi fa sheleleblalönö, wama bä shimomabä. Bluca wama bä doaö ja, bluca wama bä nia sheleleblaö. Wiisibö wama bä blada däaö ja, wiisibö wama bä nia sheleleblaö. Yanöcö wama bä fa shimomalönö, wama bä blada ajedebou waiquio däjä ya waloobä.

Josué 1:9

¿Ö̦jö tawä? Bä nowa taö malä waiquiofe. A nö da wa̦lojoicu. A bufi da lofotoicu. A quili dijä. A bufi ca̦i mla dijä. Wa fuu lä bädao wei jamö ma cui, cafä lija Jeobaa ya lä bufiblamou wei yanö, bä ca̦i malä cule —a cuma.

Apocalipsis 3:9

¿Ö̦jö tawä? Ö̦jö bä a̦fa jole jole judio lä jilou wei bä lä cui, bä jolemou. Sadanasi a nofi yai co̦camoaöje. ¿Ö̦jö tawä? Iba Filadefiateli bä cotä jamö, ya bä möfe nia bomabou. Iba ö̦jö ya bä showadi lä nofimaö wei, ya tä nia dablamaö.

1 Samuel 18:14

Jeobaanö a ca̦i cuoma yalo, a fuu lä bädao wei jamö ma cui, showadi a nö wa̦lojoablaloma.

1 Samuel 18:28

Ö̦jö ma cui, Jeobaanö David a ca̦i lä cuono wei tä möö wawädoo däjä, Isaeli ebä blucanö a lä nofimano wejei tä ca̦i dablaö wawädoo däjä,

1 Samuel 3:19

Bei. Samuel a yawäfälöma. Jeobaanö a ca̦i fa cuonö, a bejedimoma. A wa̦ lä faö wei tä bejedi cublobä, Jeobaanö tä bluca wawämaö nocamoma.