Génesis 32:3 - Biblia Yanowamö

³ Bei a̦iyobö nija, Jacobo a wa̦fa wäyämamou balöobä, Esau nija, cama ai ebä shömöa balölema. Jacobo bei a̦iyäbö Esau e lä cui, Edomö jamö a bälöoma, Seili täbä a̦fa jefu lä cublai jamö.

Génesis 32:3 Iomraidhean Croise

Génesis 14:6

Ö̦jö däjä, Seili mabä jamö, Seiliteli bä nabä quea fa nomöjötojolujenö, Balana tä fe yalö jamö bä yashua yafeliaquemaje, tä ulifi lä bloqueono wei tä casö jamö.

Génesis 25:30

A ofili fa co̦bonö, Jacobo nija a nacojoloma. —Miji täbä lä wacäjäi täbä ja, wale da iyamaliyo. Ya bufi ofili mlao cä a lä cule —a cuma. ¿Ö̦jö tawä? Täbä lä wacäjäi täbä nacama yalo, Edomö a wa̦fa jilabomaje.

Génesis 32:11

—A̦iwä Esau a lä cuinö yale shäö mlaobä, yale noshi da umabo —a cuu co̦oma—. Suwä bä ma cui, ijilu bä ma cui, “Yamalecö bluca shäö da mlatawä”, ya bufi fa cunö, ya malä quilii wei.

Génesis 32:7

Ö̦jö tä a̦ fa ji̦lilänö, a quilia fe fa balojolalunö, a nö quilili bleaama. A quilii yalo, yanowamö ebä ma cui, yalo ebä ma cui, ai bä mashi cuo mö feduobä, bä sheleleblalema. Yalo oweja bä ma cui, shibo bä ma cui, baca bä ma cui, cameyo bä ma cui, bä bluca fa sheleleblalönö, bä bolacaa mö feduquema.

Génesis 33:14

Cafä wa shino balöö showaofälöbä, bada tä. ¿Ö̦jö tawä? Cafä bäfä nosie juabä ya lä cuinö, yanöcöwä ya bä ca̦i obisai cuaaö jeimabä. Ijilu bä obisi lä cuaaö weinaja, yalo bä ca̦i obisi lä cuaaö weinaja, yamacö obisi cuaaö fa jeimanö, ya̦cumö Seili täbä jefu jamö, yamacö waloa jequei. Cafä bada wa lä bälöle jamö, ya bä ca̦i waloquei —Jacobonö a nowa tama.

Génesis 33:16

Einaja a cuma yalo, Seili täbä jefu jamö, Esau a co̦o showaobä, cama ebä ca̦i co̦a showaa co̦layoma.

2 Samuel 2:8

Bei. Nelo bä ijilubö Anelo e̦ afa lä cui, Saulo ebä wayu lä lulubono wei a lä cui, abenaja a cuaama. Saulo a lä shäleno wejei däjä, bä ijilubö Ibosei a nofi mölabou waiquilanö, Maanaimi jamö a lululefälöma.

Números 24:18

Edomöteli bä nia yashublaöje, Seili tä jamö bä lä bälöle. Isaeli ebä nö wa̦lojaö showalanö, bä nö lä nabämou wei bä fa yashublalöjenö, bä ulifibö nia däaö läoje.

Lucas 9:52

Cama a wa̦no taö balöodayobeje, bä shömöa balölema. Samalia tä ulifi jamö, ai bä shabonobö jamö bä fa waloicunö, Jesús dodijidawä a waloamabeje bä a̦ faö balöodayoma.