Génesis 3:8 - Biblia Yanowamö

⁸ Ficali ca jamö, Jeobaa a lä bufiblamou wei a jo̦wa weyade juu fa ji̦libölänö, fii defibä jamö cäcöbö jo̦yaaliyoma, a möböö fa quilinö.

Génesis 3:8 Iomraidhean Croise

Génesis 18:33

Ö̦jö däjä, Jeobaa a wa̦ faa co̦daanomi. Ablaamö a yömölaa fa jödödöblalönö, a alayoma. Ablaamö a ca̦i co̦a showalayoma.

Génesis 3:10

—Ficali ca jamö wa lä juu wei, bäfä a̦ fa ji̦lilänö, ya shinoco dablamou fa quilinö, eja ya jo̦yaa lä cuboyoi —Adana bei a cudaliyoma.

Jeremías 23:24

Ya täbä dablaö mlaobä, ¿täbä nia yanowamö jo̦yao daanö? Mlaicätä. Fedu jamö ma cui, bita jamö ma cui, ya jödödöwä cublawä —Jeobaa a cuu.

Jonás 1:3

Ö̦jö ma cui, Jeobaa lija Jobe jamö Jonasi a docua yaclälayoma. Ö̦jamö, Dasi jamö bä lä bälamamou wei a bada canawä ca̦a fa dalalönö, a bälabeje etä nowa fa co̦macönö, a dicäquema. Jeobaa lija a nia fa docufälönö, Dasi jamö a nia fuma.

Romanos 2:15

Moisesi etä a̦ ja bä cadidou fe lä yadio wei tänö, bei täbä bufi jamö tä a̦ cua lä ja̦tole tä dablamou. Bä bufi dao lä. Tä nö wa̦lidiwä ö̦jöböaöje yalo, ai däjä bä bufi quilijou. Tä nö dodijidawä ca̦i ö̦jöböaöje cudeenö, ai däjä dodijidawä bä cua.

Hebreos 4:13

Yai Bada lijamö a nia lä jo̦yao wei, moli ma cui a cuami waiquiwä. Täbä jödödöwä wawädobou. Ö̦jö a showawä lä cuinö bämalecö a̦ nö nia wäamaö.

Apocalipsis 6:15

Ö̦jö däjä, jödödöwä bä lä bälöblai bä fa quililalunö, bä jötäolaliyoma. Bä bälöo lä dodijii bä bada lä cublai bä ma cui, ai bä bada lä blowäjäi bä ma cui, wayu bä lä lulubou wejei bä ma cui, bä nö lä madofibö wei bä ma cui, bä lä lojode wei bä ma cui, bä bluca quililaliyoma. Bä nosie juamobä bä lä tabou wejei bä ma cui, bä tabou lä mlajei bä ma cui, ö̦jö lä täbä bluca lä cui, bei mabä jamö bä fa cuicunö mabä lä yalejeblai jamö bä jötäolaliyoma. Bei maca cabä lä cublai jamö ma cui, bä ca̦i lucäolaliyoma.