Génesis 3:1 - Biblia Yanowamö

¹ Abinaja tä cuoma. Jeobaa a lä bufiblamou wei a lä cuinö, yalo bä bluca tablalema, ulifi jamö bä yalo jubä. Ö̦jö bä bluca lä tablaleno wei bä nija, olu cäcö shino yai moyawäo fe balojooma. Suwä nija cäcö fa icuicunö, cäcö a̦ falayoma. —Ei täca jamö, defibä bluca lä ublajale täcö nii ja, ¿Yai Bada tänö wafäcö iyaö wasöma daanö? —cäcö cuma.

Génesis 3:1 Iomraidhean Croise

Mateo 10:16

’Bämacö shömaö lä cule —Jesús a cuma—. Ji̦ima bä waiteli lä läle jamö, oweja bä shäablamou si ijejewä lä cuo weinaja, wamacö nia cuo. Olu bä moyawe lä culenaja, bä moyawäa da cuicu. Joledo bä a̦ ji̦limamou oquejewä lä culenaja, bä a̦ ca̦i oquewä cuo mö da feduo.

Mateo 4:3

Ö̦jö däjä, yabäcalewä e waloqueyoluma, fecula bada a lä cui. Abinaja e cuma. —Yai Bada wa Ijilubö ja lä, ei maa mabä da nosiema, nii bä cublobä —e cuma.

Mateo 4:6

abinaja a nowa tama. —Bei. Yai Bada wa Ijilubö ja lä, a da quelufälö. Abinaja tä a̦ oni malä cuu wei. Cafä nija a̦jele etäbä nia läamaö. ’Einaja tä a̦ oni cuu. Abinaja ca̦i. Dodijidawä wa nia ya̦caaöje, maa mabä ja wa mamicö shäo mlaobä. ’Einaja tä a̦ cuu —fecula badanö a nowa tama.

Mateo 4:9

Abinaja a nowa tama. —Camiyä ya cotä jamö wa möfe bolanö wale a̦fa bada doblao taö ja, ei täbä bluca lä cublai täbä ja, bäfä dobäö weicätä —a nowa tama.

2 Corintios 11:14

¿Ö̦jö tawä? Inaja bä nia jole lä cuaaö wei, öjö bä waiquiwä. Sadanasi a ma cuinö, a̦jele bä shi̦i lä wacalai bä ca̦i jole malä owäblalaö wei.

2 Corintios 11:3

Ö̦jö ma cui, bämacö nofi fo̦lijibou. Mölamalewä cäcönö, Ewa a mölaa lä tamaleno weinaja wamacö cublou mlaobä. Cristo wama a shi̦lo yai bejedi nofimaö cadidiobä a ma cui, shomi tä a̦ ja wamacö bufi li majöblou dicoo mlaobä.

1 Pedro 3:7

Bä fe̦yalobö wama ecö ma cui, cafä bämacö yömölaö majöa lä cule, wa̦lo wamacö dodijidawä ca̦i cuo mö feduobä. ¿Ö̦jö tawä? Dodijidawä suwäböfä bä ca̦i da cuoje. Bä da bayeliblaje. Cafä wamacö nö wa̦lojaö lä culenaja bä suwä cuwä malä mlai. Bä nofi ca̦i da taboje. Ba̦limi wamacö cuobä, Yai Bada tänö cafä no mlai ja wamacö dobäö lä cuo weinaja, inaja showawä, suwäböfä bä ma cui bä nia ca̦i dobäö cuo mö feduo malä cui. ¿Ö̦jö tawä? Dodijidawä bä ca̦i da cuoje, ö̦jö lä, wamacö bluca bayeliblamobä. Yai Bada nija wamacö nö bayeli nacao däjä, afä tä wa̦lidiwä läo dicoo mlaobä.

Apocalipsis 12:15

Suwä a docufälöbä jamö, ö̦jö yaitawä täcö lä cuinö, mau bada u lä culenaja u joblalema, a nia fa bacayuafälönö.

Apocalipsis 12:9

Ö̦jö däjä Yaitawä täcö bada shäyäbalemaje, täcö cuo lä balöono wei täcö lä cui. Fecula bada täcö a̦fa jilou. Sadanasi täcö a̦fa ca̦i jilou. Jödödöwä bä lä bälöblai bä lä mölamaö wei täcö. Cama täcö ma cui, cama ebä ma cui, bita jamö ö̦jö bä bluca shäyäbalemaje.

Apocalipsis 20:2

Yaitawä täcö lä cui täcö bada juwäa showadaalema, täcö cuo lä balöono wei täcö lä cui. Fecula Bada täcö a̦fa cua. Sadanasi täcö a̦fa ca̦i jilamou. Täcö fa juwälönö täcö o̦caquema. Täca nö lä quilijibodi jamö täcö quea fa showadamabafälönö, yoca cofiböquema. Yoca caloblaö mlaobeje, etä ca̦i taa mö feduquema. ¿Ö̦jö tawä? Lasha 1.000 a lalou jaöo mlao däjä, täbä bälöblawä lä yaiblai bä mölamaö jaödao co̦o mlaobä, ö̦jamö täcö nia didibou balöoma. Lasha 1.000 a lalou co̦o däjä, a jujeblamobä etä nia cuo ma cui, a nö nia dedejeblamaimi.