Génesis 24:3 - Biblia Yanowamö

³ bäfä a̦ nö nia wäamaö showadao. A jolemo dijä. Jeobaa a malä cule, judu mösö ma cui jamö, bita a ma cui jamö, Yai Bada a nosiemou lä ayai a lä cui. ¿Ö̦jö tawä? Ijiluyä nija, Canaanateliyoma a suwä däama dijä. Ö̦jö bä nija ya ma co̦cao wei ma cui, ei Canaanateliyoma bä nabä suwä shöma dijä.

Génesis 24:3 Iomraidhean Croise

Génesis 14:19

Yai Bada tä nija, Ablamö a bayeliblamaö bufima. Abinaja a cuma. —Yai Bada a Bada lä ayai a nija, showadi wa bayeliblamobä, judu mösö ma cui, bita a ma cui, täbä bluca lä bädamaleno wei a lä cui nija.

Génesis 14:22

A ma cuno wei ma cui, abinaja Ablamönö Sodomateli bada a nowa taa mö fedulema. —Mlaicätä. Ya jolemoimi. Jeobaa a malä cule, a lä bufiblamou wei a lä cui. Ö̦jö a Bada lä ayai a lä cuinö, judu mösö ma cui, bita a ma cui, täbä bluca lä bädamaleno wei a. Ö̦jö nija ya wa̦ faö malä waiquiono wei.

Génesis 24:7

Jeobaa a lä cuinö, fedu jamö tä Yai Bada lä culadinö, eja wale tamabou malä waiquile. Fayänö bä ca̦i lä bälöono wei bä nijamö, ya oshe lä cublaliyono wei jamö, wale co̦a waiquilema yalo, wale yömölaö cadidio malä waiquiono wei. A wa̦ nö wäo ja, abinaja a cuma. “Ijilufä bä nodiwä bä nija, ei ya tä ulifi jöböaö wä”, a cuma. Ö̦jö a wa̦ nö lä wäono wei a lä cuinö, cama etä a̦jele fa junö, wa lulubou cadidofälöö weicätä. Wa fa lulubofälönö, ö̦jö bä nija, ijiluyä nija suwä wa däamabä.

Génesis 27:46

Ö̦jö däjä, Isaacö nija abinaja Lebeca a cuma. —Esau bei suwäbö cäcöbö nija, ö̦jö idida cäcöbö suwä lä cui nija, ya bufi uomou waiquiwä. Ö̦jö cäcöbö lä culenaja a suwä cuwä, Jacobonö a däaö mö feduo dicoo ja, ya bufi nö doblobimi —a cuma.

Génesis 28:1

Isaacönö bei ijilubö Jacobo a fa nacalänö, Jeobaa nija a bayelimaö bufima. A ca̦i yömölaö showaoma. —Ei Canaanateliyoma bä nija, afä a suwä däa dijä.

Génesis 28:8

Ö̦jö däjä, bä fö̦ö Isaacönö Canaanateliyoma bä däamaö nofi wa̦libou fa dalalönö,

Génesis 47:31

—A wa̦ nö wäa da showabo —a fa cunö, a wa̦ nö wäo cadidioma. José a wa̦ fa ji̦lilänö, ö̦jamö, a lä mile jamö, a bufi ayäyaimolanö, Isaeli a möfe booma.

Génesis 50:25

Ö̦jö däjä, Isaeli bei ijilubö ebä a̦ nö wäamaö ja, abinaja José e cuma. —Wamacö bayeliblabä, Yai Bada tänö wamacö fe nia walou. Wamacö nia ca̦i dolecou co̦ofälöö. Wamacö dolecou co̦ofälöbä jamö, wamale ubä fa co̦länö, wamale ubä ca̦i co̦ofälöbä —a cuma.

Génesis 6:2

yai täbä bälöo mö lä feduono wei täbänö, bä moco liyäjäwä dalalemaje. Bä fa yaialalöjenö, bä dolalemaje.

Génesis 6:4

Ö̦jö lä däjä, yaläjäwä täbä ca̦i bälöo mö feduoma. Yanowamö täbä tääbö nija, yai täbänö bä ijilu lä taaqueno wejei bä lä cui, bä yaläjäwä nö quilijio fe balojooma. Jaba däjä, täbä a̦fa nö badabö waiteli lä ji̦limono wei, ö̦jö bei bä cuoma.

2 Crónicas 2:12

Isaeli wama a Jeobaa lä bufiblaö wei a wa̦fa dodijaö tamobä a. Fedu tä lä cui, ulufi a ca̦i lä cui, tä bluca tablalema. ¿Ö̦jö tawä? Ijilu a bufi lä dao wei a ja, faafä David a bada lä cui a dobälema, cafä wa lä cui ja. Bufi walalawä, bufi jaducäwä wa tabou. Jeobaa wa etä yafi nia jo̦wa tablaö. Cafä wa bada bälöobä, afä wa yafi nia ca̦i tablaö mö feduo showao.

Éxodo 20:7

’Camiyä Jeobaa ya, cafä wamacö nija ya bufiblamobä ya lä cui. Wamale a̦fa nia jole jole jayumaö buomi. ¿Ö̦jö tawä? Wale a̦fa jole jole jayumaö lä buo wejei bä nija, camiyä Jeobaa ya nö yulayou.

Éxodo 34:16

Ijilufä bä nija, ö̦jö wama bä tääbö ca̦i däamaö dicoo mlaobä. ¿Ö̦jö tawä? Inaja wamacö cuaaö dicoo ja, ö̦jö bä suwänö ijilufä bä nia yaclämaöje. Tä bufiblabeje, shomi tä lä lämabolajei tä nija, cama suwä bä bufi yabäcäo lä culenaja, ijilufä bä nia yabäcamaö mö feduo dicooje.

1 Corintios 7:39

Bä fe̦yalobö e demi showao däjä, ö̦ja bä suwäbö e shi̦lo cudiobä. Bä fe̦yalobö e mladou ja, ai a wa̦lo däaö bufi doblao ja, a däaö majöobä. Culenaja Bada tä lä daö wei a lija a shi̦lo ajedobä.

Hebreos 6:16

Showadi täbä malä cuaaö wei. Täbä a̦ nö wäo bufio däjä, bada täbä a̦fa shi̦lo wäyäöje. Abenaja bä cuu. “Ya wa̦ wawädoo da showadao. Bada tä malä cule”, bä cuu. ¿Ö̦jö tawä? Ai bä a̦ ma läablalou wei ma cui, bada a wa̦fa yai wäyäö cadidioje ja, bä a̦ faimi majöwä.

Josué 2:12

’¿Ö̦jö tawä? —a cuma—. Bei. Cafä wafäcö lija ya bufi lä cudalufenaja, inaja showawä fayänö yamalecö ca̦i bluca lä cule yamalecö nofi bluca da tadabölö. Fayä a ma cui, nayä a ma cui, iba mashi bä ma cui, cama ebä ca̦i bluca mö feduwä ma cui, demi yamacö cuobä. Yamacö nomaö mlaobä. ¿Ö̦jö tawä? Jolemou mlai ja, cäcöbä a̦ nö da wäbo. Jeobaa a malä cule. Ya mölaö showalanö ya cuobä —Laaba a cuma.

Jueces 14:3

Inaja a cuma ma cui, abenaja bä fö̦ö, bä nöö sho ecöbä cuma. —Uo. Camiyäteli bämacö lija wa suwä däabä, ¿a cuami daanö? ¿Isaeli bäma ecö bluca lä bälöblai jamö a cuami daanö, Jeobaa a daö lä mlajei bä filideo lä cui lija wa suwä däaö dicoblaobä? —cäcöbä cuma. Ö̦jö ma cui, abenaja Sasononö bä fö̦ö e nowa tama. —Ma. Ö̦jönö wale bufi shi̦lo yai doblamabou waiquia lä cule. Iba wafä a wa̦fa nia bou —e nowa tama.