Génesis 23:2 - Biblia Yanowamö

² Eblono jamö Sara a nomalayoma, Canaana tä ulifi jamö. A nomawä lä tabono wejei jamö bä suwäbö e nomöa yubobä, Ablaamö a lucälayoma. A ö̦cöma.

Génesis 23:2 Iomraidhean Croise

Génesis 13:18

Inaja Jeobaanö Ablamö a nowa fa tanö, a shu̦lucou showadaoma. A jocäa fa co̦lunö, Eblono jamö a waloquema, Mamle efibä bada lä ublajaono wei jamö. Ö̦jamö a bälöa fa yanöcöicunö, Jeobaa nija bä yalo lä dodoblamou wei bä maqueblamobä etäcö i̦taquema.

Génesis 23:1

Sara a demi bälöo showao däjä, lasha 127 a fa famalönö, a bufi ya̦cumö mlaquema. Inaja Sara a nö bälöa fa cudalunö, a mladaliyoma.

Génesis 24:67

Ö̦jö däjä, cama e yano jamö Isaacönö Lebeca a fa lululäfälönö, a däa cadidia showadalema. Lobe a nofia showadalema. A fa nofilänö, bä nöö nijamö Isaacö a wajäaö ma showai ma cui, a bufi lojodoblou co̦layoma.

Génesis 27:41

Bei. Esau bä fö̦ö e a̦ lä fano wei däjä, Jeobaa nija bä fääshä e shino bayeliblamou ayalayoma yalo, Jacobo a nofi wa̦lilema. Abinaja Esau a bufi cuablaloma. “Fei däjä fayä a bufi dao lä mlaaimadi däjä, a bufi mlaqueno wei ja, fääshäyä Jacobo a lä cui, ya demi tamabou ja yamocu”, a bufi cuma.

Génesis 35:27

Bä fö̦ö Isaacö nijamö, Jacobo a co̦layoma. Mamle tä ulifi jamö a co̦layoma, Eblono tä ajede jamö. Ö̦jamö Ablaamö a jaba fa bälöonö, bei ijilubö Isaacö a ma cui, ö̦jamö e bälöo nomöjöoma.

Génesis 37:14

Inaja José a fa cunö, bä fö̦ö e a̦ wäa cadidiquema. —Bei. A da alufälö. A̦iyofä bä demi showawä da mö. Yalo bä ca̦i demi showawä da mö. Ö̦jö däjä, wale yömölaö co̦ojolobä —a cuma. Einaja a fa cunö, Eblono tä fe yalö jamö culanö, José a fa shömölönö, Siquemö tä jamö a waloquema.

Génesis 50:1

Bä fö̦ö e bufi lobe fa blocodalunö, yedu Josénö a nomöa däbolanö a fa̦locolema. Wäyäcu jo̦cocoablalama.

Génesis 50:10

Jodana u jamö bä fa bucadubalunö, tä lä wawädole jamö, Josénö bä ca̦i yanöcödaliyoma. Adada jamö, showadi nii bä lä lo̦shiblamou wei jamö, Jacobo a nomöa bou showaoje däjä, 7 tä mö didi cublaliyoma. Bä a̦ nacläama. Bä a̦ nö dedeama.

2 Samuel 2:11

¿Ö̦jö tawä? Judawä ebä lija, Eblono jamö David a bada läo showalanö, lasha 7 a famalema. Ai a lasha famaö co̦obä a bäshäcublamalema.

2 Samuel 5:3

Inaja bä bufi cuma yalo, David lijamö Isaeli bada ebä bluca fuma, Eblono jamö. Ö̦jamö, Jeobaa a lä cule jamö, bada tä David sho bä nowa tayoma. Ö̦jö däjä, cama bä lija David a bada cuo wawädoobä, täbä lä jölöcamou wei toubä dabönö David a jölöcölemaje.

2 Samuel 5:5

¿Ö̦jö tawä? Judawä ebä lija, Eblono jamö David a bada läo balölanö, lasha 7 a famalema. Ai a lasha famaö bäshäcublamaö co̦layoma. Ö̦jö däjä, Isaeli bluca ebä lija, Jelusale jamö a bada läo nomöjölanö, lasha 33 a faa co̦malema.

Números 13:22

Neque tä ulifi jamö bä fa alufälönö, Eblono tä jamö bä waloa nomöjöquema. Ö̦jamö lä, Anaco nodiwä bä lä yaläjei bä bälöoma, Aimano, Sesai, Damai bä a̦fa lä cule. Eblono tä shabono lä cui, yedu ja tä blao balöoma. Täbä nö badabö jaba lä cuono wei bänö, Ejido jamö Soana tä shabono taö fa balöojenö, lasha 7 a fa famalöjenö, ö̦jö Eblono tä shabono taö nomöjöomaje. Ö̦jö bä yafibö cuo showaoma. Tä ulifi bomabeje ö̦jamö bä fa waloicunö,

Números 20:29

Aaloni a cuami fa dalalöjenö, Isaeli ebä bluca wajäblaliyoma. A nomöa yubou showaoje däjä, 30 tä mö didi cublaliyoma.

Juan 11:31

¿Ö̦jö tawä? María yedu a fa jocädalunö, a sibolayofälöma. A nofi ojode tabeje, yafi jamö a ca̦i lä loono wejei bä judio lä cuinö a juu dalalemaje. “A nomawä maquebobeje jamö a ö̦cödayobä”, a nofi fa tabojenö, bä yaua showalayofälöma.

Juan 11:35

Jesús a ö̦cöma.

Hechos 8:2

Yai Bada nija bä bejedimou bufi lä doblaono wei ai bä lä cuinö, Esteban a nomawä fa co̦löjenö, a didiquemaje. A nomöa ca̦i däbou fe balojoomaje.

Deuteronomio 34:8

Ö̦jamö, Moaba ebä ulifibö lä yalöbe jamö, Isaeli ebä lä cuinö Moisesi a nomöa bouje ja, 30 tä mö didi tablamalajenö bä öcöma. Ö̦jö däjä, a nomöa nia lä bono wejei etä waicoma.