Génesis 21:3 - Biblia Yanowamö

³ Saranö bei ijilubö e fa tablalönö, Ablaamö a lä cuinö, Isaacö a wa̦fa ijilu jilaquema.

Génesis 21:3 Iomraidhean Croise

Génesis 17:19

—Ma, ö̦jö mlai —Yai Bada a cuma—. Suwäböfä Sara a yainö, ijilufä a nia tablaö. Isaacö wa wa̦fa nia jilaö. Ö̦jö lä ya nia fa bayelibonö, ya wa̦ nö mada wäoblei. Cama bei ijilubö ya ebä nodiwä ca̦i bayelibou juo showaobä.

Génesis 17:21

’Ö̦jö ma cui, ijilufä ya bayelibobä ya wa̦ nö da wäoblei, ö̦jö Isaacö bei a waiquiwä. “¿Wedi däjä dodijiwä tawä?”, wa bufi cuu mlaobä, ya wa̦ wawädoo showadaa lä cule. Ei tä lä cule tä fa mladalunö, ai tä lä cui tä cublou co̦o däjä, wa mamo leicu. Ö̦jö däjä, Saranö ijilu bei a nia oshe wawämaö —Yai Bada a cuma.

Génesis 21:12

A bufi ma jo̦lijiblaliyono wei ma cui, abinaja Yai Bada tänö Ablaamö a nowa tama. —Ijilu a ja, a bufi jalujo dijä. Wafäcö nosie juamobä wafä a suwä lä tabole a ja, a bufi ca̦i jalujo dijä. Sara a lä cuu wei wa wa̦ nia juaö. Afä ya bä a̦fa nodiwä bluca lä wäyäno wei, ijilufä Isaacö nija bä nia lä nodiblou wei, ya ebä a̦fa yai malä wäyäno wei.

Génesis 21:6

Abinaja Sara a cuma. —Ya bufi doblalanö ya i̦cablalobä, Yai Bada tänö wale dobälema. Wale a̦fa ji̦liaöje ja, bä bluca ca̦i i̦cablalou mö feduo wä —a cuma.

Génesis 22:2

—Ijilufä wa moli lä tabole, Isaacö a lä cui, wa lä nofimaö wei, wa fa nocamalänö, Molia tä ulifi jamö a ca̦i da alufälö. Tä ulifi lä jefubö wei jamö wa ca̦i fa waloicunö, ya jefu lä jömaö wei jamö wa ca̦i fa dolequebofälönö, camiyä nija a da dodobojolu. Yalo bä ö̦shö dodobou lä cuaaö wejeinaja, wa dodobou cuo mö feduobä —a nowa tama.

Génesis 25:19

Ablaamö bei ijilubö Isaacö, cama ebä nodiwä lä cublaliyono wei, ei tä a̦ li nomöjöwä.

Mateo 1:2

Ablaamö bä ijilubö, Isaacö e cuoma. Isaacö bä ijilubö, Jacobo e cuoma. Jacobo bä ijilubö, Judawä ebä mashi ca̦i cuoma.

Hechos 7:8

Ö̦jö däjä, Ablaamö a nia lä bayeliblano wei tä a̦ fa wäcönö, bei bä mosi sicö joyamaö bufima, cama ebä nö ö̦jöböamobä. A wa̦ nofi jaducubolajenö, bei bä mosi sicö joyamaö nodiablalobeje. Ö̦jö cudeenö, Ablaamö bä ijilubö Isaacö e oshe lä cublono wei däjä, 8 tä mö didi fa tablamalönö, bä fö̦ö enö mosi sicö joyalema. Ö̦jö Isaacö a lä cuinö, inaja showawä bä ijilubö Jacobo e taamaö nomöjöoma. Jacobo a lä cuinö, inaja showawä bä ijilubö 12 ebä taamaö nomöjöo nodiama. Ö̦jö 12 ebä nija bämacö yaiablalou nodiablalou showawä.

Romanos 9:7

Inaja showawä, Ablaamö bä ijilubö nodiwä ebä ca̦i ma bluca wei ma cui, ö̦jö lija bä nodiblou lä bädao wei tänö bä nofi ca̦i tamamoimi. Ablaamö lija Yai Bada a lä cuno weinaja showawä. Abenaja tä a̦ oni cuu. Isaacö lija bä yai lä nodiblou wei, bä a̦fa nia shi̦lo ijilufä jilamou. Einaja tä a̦ cuu.

Hebreos 11:18

Yai Bada tänö a wa̦fa wäyäö ja, abenaja a cuma. Afä ya bä a̦fa nodiwä bluca lä wäyäno wei, ijilufä Isaacö lija bä nia bluca nodiblou. Einaja a cuma.