Génesis 2:7 - Biblia Yanowamö

⁷ Ö̦jö lä däjä, Jeobaa a lä bufiblamou wei a lä cuinö, mashita a fa jumöblalönö, yanowamö bei a tablalema. Ö̦jö däjä, a demi cuobä, bei fi̦yocacö fa jolashimanö, cama a fö̦shöacönö a demi cublaliyoma.

Génesis 2:7 Iomraidhean Croise

Génesis 1:27

¿Ö̦jö tawä? Cama Yai Bada tä lä culenaja a cuwä, a yanowamö tablalema. Wa̦lo a, suwä a, cäcöbö tablalema.

Génesis 2:6

Maa a queno ma mlai ma cui, cama mashita a jele faö fa bädaonö, a ulifi bluca jäläläoma.

Génesis 3:19

Wa wa̦quefe falanö, wa nia iyaö. Wa demio däjä, inaja wa fa cuaadaloimadunö, ya̦cumö mashita a ja, wa nia co̦cablou co̦o. Mashita a ja, wa tablamolayoma yalo, ö̦jö wa cublou co̦obä wa malä cui —Yai Bada a cuma.

Génesis 3:23

Inaja a yanowamö cuaaö mlaobä, Edena täca noshi umlaa fa nomöjölönö, a sibomalema. Mashita a ja, a jaba lä tablamolayono wei a mashita showawä ja, a ficalimobä. Bei suwäbö sho cäcöbö siboa showamalema.

Génesis 7:22

Mashita jamö bei bä fö̦shöacönö bä bluca lä demiono wei bä lä cui, bä nomaa jödödöolaliyoma.

Números 16:22

Ö̦jö däjä, mashita jamö Moisesi, Aaloni sho cäcöbö möfe boblaquema, Yai Bada tä nija. Abinaja cäcöbö cuma. —Yai Bada wa tä lä bufiblamou wei wa tä. Cafä Yai Bada wa tä lä cuinö, bluca yamacö lä bälöblai yamalecö demi tabou. Yanowamö moli a doblou lä mlale jamö, bluca bä showadawä nija ¿bei wa nia jushudou showadao daanö? Inaja wa cuaabä wami —cäcöbö cuma.

Juan 20:22

Einaja a fa culunö, cama ebä nija a fa jolashicönö, abinaja bä nowa tama. —Yai Bada tä Bufi da taaleje.

Hechos 17:25

’Camiyä bämacö nija a nia bayeliblamoimi. A jo̦liimi. Camanö bämalecö nia shilo yai bayeliblaö ayao. Camanö bämalecö bayelibou yalo bämacö demi, bämacö ca̦i je̦le je̦lemou. Täbä bluca lä cublai täbä ja, bämacö dobäö talei.

Romanos 9:20

¿Cafä wedi bei wa wa̦ li bashiwä? Cafä yanowamö wa ma cui, Yai Bada lija, ¿inaja bei wa wa̦ nia fuo li cuaaö? Oshoboli a lä taö wei a lä cui lija, ¿cama oshoboli a wa̦ nia faö daanö? “Wedi tabä inaja bei wale tablaö li cua cule”, ¿oshoboli a nia cuu daanö?

1 Corintios 15:45

Abenaja tä a̦ oni cuu. Yanowamö a jaba cuo lä balöono wei, Adana a lä cui, a demi cublaliyoma. Einaja tä a̦ cuu. Yanowamö a cuo lä nodiono wei, Cristo a lä cui, täbä demi tamabou shi wa̦liobä bei a cublaliyoma.

1 Corintios 15:47

Yanowamö a jaba lä cuono wei, mashita a ja a tablamolayoma. Coshi coshi bä ja a cuoma. A yanowamö lä nodiono wei, Cristo a lä cui, fedu jamö a li cuoma a.

2 Corintios 4:7

¿Ö̦jö tawä? Yama tä a̦ lä tabole tä a̦ nowa yai bluca ma cui, mashita yamacö ma cuinö yama tä a̦ didibou. Cama tä nia lofote fa dablamonö, inaja tä li taö. Camiyä jai jaboca yamacö lä cule yamacö lä cui, yamacö lofote malä mlai.

2 Corintios 5:1

Yanowamö bei bämacö lä cui, jai bei bämacö yafibö cuwä, bämacö bufi lä didile. ¿Ö̦jö tawä? Bämacö yafibö wa̦lioblou bädao ja, ai bämacö yafibö cua mö feduadayoa, Yai Bada tänö bämalecö yafibö lä taboladi. Ö̦jö lä bä yafi lä cui, yanowamö täbänö bä lä tablaö wejei mlai, ba̦limi bä yafi cuadayoa.

1 Timoteo 2:13

Adana a tablamoa malä balölayono wei. Wa̦lo a nojamö, Ewa a cuo nomöjöoma.

Hebreos 12:9

Eja bämacö lä fö̦ömole bä lä cuinö bämalecö cadidamaöje ja, bäma bä nö quili talanö bäma bä a̦ fuaö malä cui. Bei bämacö bufinö bäma a nofi yai lä Fö̦ömale a lä cui, ö̦jö bäma a wa̦ shi̦lo yai fuabä a, bämacö demi cuobä.