Génesis 2:4 - Biblia Yanowamö

⁴ Inaja Yai Bada a jaba fa cuaanö, judu mösö tablalema. Bita a ca̦i tablaö mö fedulayoma. Jeobaa a lä bufiblamou wei a lä cuinö, judu mösö lä tablaleno wei däjä, mashita a ca̦i lä tablaleno wei däjä,

Génesis 2:4 Iomraidhean Croise

Génesis 1:1

Jaba däjä, judu mösö ma cui, bita a ma cui, Yai Bada tänö tä bluca bädamalema.

Génesis 1:28

Ö̦jö däjä, Yai Bada tänö cäcöbö nia fa bayeliblanö, cäcöbö balamaö bufima. —Bei. Cäcöbö da balalö. Wamacö balaa fa dodijilönö, wamacö bälöjou fa cuaanö, wama tä ulifi nofi tabou jödödobä. Modu u jamö bä bluca lä juu wei bä ma cui, bä yalo lä yäö wei bä ma cui, mashita jamö bä yalo bluca lä juu wei bä ma cui, afä lä täbä, wama täbä nofi bluca tabobä —a cuma.

Génesis 1:3

Ö̦jö däjä, Yai Bada a wa̦ falayoma. —Bei. Tä da wacacablalu —a fa cunö, tä wacacablaliyoma.

Génesis 1:31

Ö̦jö däjä, camanö bä bluca lä tablaleno wei, bä möö fa cuaanö, jödödöwä tä dodijidao fe balojooma. Ö̦jö däjä, tä mö weyaa fa co̦lunö, 6 bei tä mö jaba dödölayoma.

Génesis 1:4

Tä lä wacacai tä dodijidawä fa dalalönö, tä ayablamalema. Ai tä mö dödöobä, ai tä mö wacacao mö feduobä, ö̦jö Yai Bada tänö täcöbö tabou shedequeoma.

Génesis 11:10

Semö bei ijilubö ebä nija, bä bluca cublou lä nodiablalono wei, ei bei tä a̦ li nomöjöwä. Semönö lasha 100 a fa famalönö, bei ijilubö Afasada a wawäa nomöjömalema. Canawä ajamö bä faa lä co̦maleno wei däjä, lasha bolacabö a mladou waiquilayono wei ja, Afasada bei a oshe wawälayoma.

Génesis 2:3

Inaja tä fa cuonö, 7 tä jalu lä cui, tä nofi jalu tabobeje, tä tablamalema. 7 tä mö jalu cublou däjä, täbä bluca lä bädamaleno wei täbä ja, cama a jaba ojodamou fa yanöcöblalunö, 7 tä a̦fa jalu shomi wäa showaquema, tä mö jalu yaiobä.

Génesis 25:19

Ablaamö bei ijilubö Isaacö, cama ebä nodiwä lä cublaliyono wei, ei tä a̦ li nomöjöwä.

Génesis 5:1

Adana bei ijilubö ebä nija, bä bluca yanöcö wawäö lä nodiablalono wei, ei bei tä a̦ li nomöjöwä. Yai Bada tänö yanowamö a jaba tablaö däjä, cama a lä culenaja a cuwä, a tablalema.

1 Reyes 18:39

Ö̦jö tä dablaöje däjä, mashita jamö yedu bä möfe bluca boo showaolaliyoma. Abenaja bä cudoma. —¡Joo yai! Jeobaa a lä cui, ¡ö̦jö a yai bufiblamobä a! Jeobaa a lä cui, ¡ö̦jö a shi̦lo yai bufiblamobä a! —bei bä cudoma.

Éxodo 15:3

Jeobaa a wayu lä juu wei jamö, ¡showadi a waitelimou dodijio! Jeobaa a wa̦fa lä cule.

Apocalipsis 1:4

Camiyä Juan cä ya. Asia tä ulifi jamö Jesucristo 7 wama ecö lä yododoblai wamacö nija, ei ya tä a̦ oni shömaö lä cule. Yai Bada nija ya nö bayeli nacaö, a jaba cuo lä showaono wei, a cua lä showale a lä cui nija. A nia juu lä co̦o wei a showawä lä cui nija. Bada tä lä döcäo wei etäcö ajede jamö, *yai 7 bä lä culadi bä ma cui nija ca̦i. Ö̦jö bä nija ya nö bayeli nacaö, wamacö nofi ojodabobeje, wamacö bufi ca̦i yanöcömabobeje.

Apocalipsis 1:8

Bada tä lä bufiblamou wei a lä cui, abinaja a cuu. —Camiyä ya lä cuinö täbä bluca cublaliyoma. Camiyä ya showawä ma cuinö täbä nia bluca waicou —a cuu. Einaja a lojode shi lä wa̦lile a cuu, jaba däjä a cuo fa showaonö a cua lä showale a lä cui. A nia juu lä co̦o wei a lä cui.

Apocalipsis 11:17

Abinaja bä cuma. —Bada wa lä bufiblamou wei, wa shino lojode lä ayai wa lä cui nija yamacö bufi a̦fa doblalou wäyämobä yamacö a̦. Jaba däjä wa cuo fa showaonö, wa cua lä showale. Cafä wa nö yai lä wa̦lojaö wei wa lojode fa damolalunö, fei däjä cafä wa yai Bada läobä wa cuquema. Ö̦jö cudeenö, yamacö bufi doblalou.

Apocalipsis 16:5

Ö̦jö däjä mau ubä lä nowamaö wei a a̦jele lä cui, Yai Bada nija a wa̦ fama. Ya wa̦ ji̦lilema. Abinaja a cuma. —Cafä yami wa lä yaile wa lä cui, wa bä nö lä bleaamafe tä ja wa bejedimou. Jaba däjä wa cuo fa showaonö wa cua lä showale wa.