Génesis 2:1 - Biblia Yanowamö

¹ Inaja tä jaba fa cublalunö, bluca täbä lä cule täbä tablaö jödödölayoma. Judu mösö ma cui, bita a ma cui, ö̦jö tä bluca befi ca̦i jödödöblaliyoma.

Génesis 2:1 Iomraidhean Croise

Génesis 1:1

Jaba däjä, judu mösö ma cui, bita a ma cui, Yai Bada tänö tä bluca bädamalema.

Génesis 1:10

Tä wejediwä lä wawäblaliyono wei, mashita a wa̦fa jilaquema. U lä co̦camolayono wei, modu u a̦fa jilaa mö feduquema. Inaja tä fa cublalunö, Yai Bada tänö tä dodijidawä dalalema.

Génesis 2:4

Inaja Yai Bada a jaba fa cuaanö, judu mösö tablalema. Bita a ca̦i tablaö mö fedulayoma. Jeobaa a lä bufiblamou wei a lä cuinö, judu mösö lä tablaleno wei däjä, mashita a ca̦i lä tablaleno wei däjä,

2 Crónicas 2:12

Isaeli wama a Jeobaa lä bufiblaö wei a wa̦fa dodijaö tamobä a. Fedu tä lä cui, ulufi a ca̦i lä cui, tä bluca tablalema. ¿Ö̦jö tawä? Ijilu a bufi lä dao wei a ja, faafä David a bada lä cui a dobälema, cafä wa lä cui ja. Bufi walalawä, bufi jaducäwä wa tabou. Jeobaa wa etä yafi nia jo̦wa tablaö. Cafä wa bada bälöobä, afä wa yafi nia ca̦i tablaö mö feduo showao.

Éxodo 20:11

’Jeobaa ya lä cuinö, 6 ya tä mö didi tablamalanö, ya täbä bluca malä tablaleno wei. Judu mösö ma cui, bita a ma cui, ö̦jamö täbä bluca lä cublai täbä ma cui, ya täbä bluca tablalema. Modu ubä ma cui, ö̦jamö täbä lä cubodi täbä ma cui, ö̦jö täbä ca̦i showawä. 7 tä mö jalu ja, ya ojodamou yanöcöblaliyoma. Ö̦jö cudeenö, wamacö yanöcöobä tä mö jalu lä cui, ya tä a̦fa jalu shomi wäa showadaquema, tä mö jalu yaiobä.

Éxodo 31:17

Camiyä ya lä cuaano wei wama tä nofi jaducubobä, Isaeli wama ecö lä cuinö, wamacö yanöcöobä wama tä nofi nia jalu jaducubou shi wa̦lii. 7 tä mö jalu cubloimi showao däjä, judu möso lä cui, bita a ca̦i lä cui, ya tä bluca tablalema. Ö̦jö 7 tä mö jalu ja, ya ojodamou fa waiconö, ya yanöcöblaliyoma —a Jeobaa cuma.

Lucas 2:13

Ö̦jö däjä, yedu a̦jele a lä cule jamö ai bä ca̦i a̦jele bluca wawälaliyoma. Yai Bada a nofi doaöje ja, abinaja bä cuma.

Hechos 4:24

Ö̦jö cäcöbö a̦ fa ji̦liläjenö, Yai Bada nija cama bä a̦ bluca faö showadaoma. —Bada tä. Yai Bada wa tä. Judu wa mösö lä tablaleno wei wa. Ulifi a bada ma cui, modu ubä lä cublai ubä ma cui, wa ubä tablalema. Fedu jamö bä bluca lä culadi bä ma cui, bita jamö bä bluca lä cule bä ma cui, mau jamö bä bluca lä cublai bä ma cui, wa bä bluca lä tablaleno wei, ö̦jö cafä wa dodijiwä.

Hechos 7:42

Ö̦jö cudeenö, wa̦lidiwä tä ja Yai Bada tänö bä noshi ö̦jödabou nomöjöoma, judu mösö jamö bä bluca lä culadi bä nija, bä jole bayeliblamou nomöjöobä. Ö̦jö bä nija bä möfe bolanö, bä nö jole bayeli nacaobä. Yai Bada a wa̦no wäyälewä bänö, tä lä oniblaleno wejeinaja showawä. Yai Bada a wa̦no wäyäö ja, abinaja ai a cuma. Isaeli wama ecö. Ulifi bloque jamö, lasha 40 wama a famaö lä cuaafälöno wei däjä, ¿cama Yai Bada a dodijiwä nija wama bä yalo ö̦shö yai dodobou yaio nowa tawä? Ma. Inaja wamacö nofi cuaanomi.

Hebreos 4:3

Yai Bada bäma a wa̦ bejedi lä bufibou wei bämacö lä cui, camiyä bämalecö bufi nia shi̦lo yai yanöcömabou. A wa̦ bejedi bufi lä mlaono wejei bä a̦fa wäyäö ja, abenaja a malä cuno wei. Ya fa jushudalunö, ya wa̦ nö wäo ja abenaja ya cudaliyoma. “Ö̦jö ya bä nia lä yanöcömabono wei, obi ma cui tä nia cuomi”, ya cuma. Einaja Yai Bada a cuma. Jaba däjä, bita a colo lä lofotoblamaleno wei däjä, a nia yai lä cuaano wei tä daö showaoma.