Génesis 19:3 - Biblia Yanowamö

³ Ö̦jö ma cui, Lodo a wa̦ fe fa blacäjonö, ya̦cumö cama nija täcöbö yauquema. Lodo yafibö jamö täcöbö fa falönö, cama ebä nija, nii bä bluca tamaö bufima. Ji̦bä ca̦i laamaö showadao fa bufinö, bä bluca iyalayoma.

Génesis 19:3 Iomraidhean Croise

Génesis 19:2

—Bada wafäcö. Cäcöbö jayublou showadao dicoo dijä. Camiyä nija wafäcö mio fe jalubä. ¿Ö̦jö tawä? Bäfäcö a̦ juabä ya waiquiwä. Wafäcö mamicö ca̦i fa yalumolunö, dodijidawä wafäcö cuobä. ¿Ö̦jö tawä? Wafäcö la̦a fa fenablalunö, wafäcö juu fenao co̦ofälöbä —a cuma. —Ma. Eja yafäcö cuo fe jaluu bädao weicätä —täcöbö cuma.

Génesis 21:8

Ö̦jö ijilu a lä cui a fa badalönö, a shadio mablaliyoma. Isaacö aca lä jayoblaliyono wei däjä, Ablaamö a bufi fa doblalonö, bä bluca iyabä bä nacalema.

Génesis 24:31

Abinaja e nowa tama. —¿Wedi tä tabä, cafä Jeobaa nija wa lä bayeliblamou wei wa lä cui, sibo ja wa li cua dicoa cuboyoi? A da co̦blaliyo. Wa nia lä cuo wei yafi ya wawäblaö waiquilayoma. Cameyo bä ca̦i cuo mö feduobä, ya tä jödödöwä wawäblaö waiquilayoma —a cuma.

Éxodo 12:15

Abinaja Jeobaa a cuu co̦oma. —Wamacö iyaö ca̦i lä co̦camou wei däjä, abinaja wamacö nia cuaaö. Nii bä juluno lä mlai bä ja, wamacö iyaö showao däjä, 7 wama tä mö didi nia tablamaö balöo. Wamacö jaba lä iyaö wei däjä, ö̦jö däjä showawä, cafä wamacö yafibö jamö julumamodima wama bä nia joyaö. ¿Ö̦jö tawä? Ö̦jö 7 wama tä didi lä taamafälöö wei däjä, ai a bädawä ma cuinö, nii juluno bä waö dicoo ja, Isaeli wama ecö nija a nia malä waimou wei.

Éxodo 12:39

Ejido jamö bä lä alayono wei däjä, liyä ji̦bä lä dälefälöno wejei ji̦bä fa löbölalöjenö, nii bä juluno lä mlai bä tablalemaje. Liyä ji̦bä juluu malä mlaono wei. Ejido jamö lobe bä shömaö fa showadaojenö, bä yanöcöablalobä tä cuonomi. Bä wayumö jufälöbä jamö bä iyafälöbä, bä nii ca̦i taö balöono malä mlajei.

Lucas 11:8

Ö̦jö ma cui, abinaja bämacö nowa taö lä cule. Ya̦cumö a fa itoblalunö, wa nia dobäö fe yadio. Wa nofimaö cudeenö mlai. Quilii mlai ja wa nacodii cudeenö, a nia ya̦cumö jocäblou. Wa bä lä bufii wei bä nia bluca jöböaö.

Lucas 14:23

Ö̦jö cudeenö, cama e nija abinaja bada e cuu co̦oma. “Sibo jamö bä lä bälöblai yobö jamö wa jublou fa cuaanö, casö jamö bä lä bälöblai bä nacaa fe da yadialalö. Iba yafi jamö ya bä nia ca̦i lä iyaö wei, bä ou fe yadiobä.

Lucas 5:29

Ö̦jö däjä, Jesús sho bä iyabä, Lewinö cama e yafi jamö nii bluca bä tama. Lomateli bada bä befi bä blada lä doaö wejei bä bluca ma cui, ai bä ma cui, bä iyaö ca̦i lä loono wei jamö, ö̦jö bä bluca loo mö feduoma.

Juan 12:2

Ö̦jamö Jesús a ca̦i iyabeje, bä yododama. Martanö nii bä bablaaö cuaama. Bä iyabä bä lä loono wei jamö, Lasalo a ca̦i cuoma.

1 Corintios 5:8

Ö̦jö cudeenö, täbä bufi doblalou ca̦i lä iyaö weinaja bämacö bufi ca̦i doblalou da cuo. Nii ajamö, julumamodima tä coyocaö mlajei ja, täbä iyaö lä cuaaö weinaja showawä. Wa̦lidiwä tä lä cui, nofi wa̦liayou tä lä cui, bäma tä coyocobou mlai ja. Bämacö bufi lä cadidou wei tänö, bämacö ca̦i lä bejedimou wei tänö, bämacö bufi doblalou ca̦i cuo showaobä.

2 Corintios 5:14

Yai Bada tänö yamalecö nofimaö fe balojowä yalo, showadi ö̦jö yama a wa̦ fuabä tä malä cule. Abenaja yamacö bufi yai cuu dodijia lä cule. Yanowamö täbä nia bluca lä nomaö wei jamö Jesucristo a nomaa läa waiquilayoma cudeenö, ö̦jö lija täbä bluca nomaa yädäa waiquilayoma.

Hebreos 13:2

Shomi täbä yafia bädalayou ja, täbä shi̦lo bälömabou bufi da doblaoje. Ai bänö shomi täbä bälömabou bufi fa doblaojenö, a̦jele täbä tabou malä ja̦toono wejei. ¿Ö̦jö tawä?

Jueces 6:19

Inaja a nowa tama yalo, Jedeoni a lobe cublaa balöquema. Shibo oshe a fa shälönö, a löbömalema. Talö ji̦bä bada ja, nii juluno mlai bä ca̦i tablalema. Ö̦jö däjä, shode bada fe ja, yalo bä tablalema. Jaboca a jamö, bei boubä löquema. Ö̦jö däjä, fii tefi bada cotä jamö, a̦jele a loo lä juono wei jamö, bä ca̦i bluca aa co̦layoma. A̦jele a lija bä dodobou showadaoma.