Génesis 17:3 - Biblia Yanowamö

³ Ö̦jö tä a̦ fa ji̦lilänö, a fa blaalunö a möfe quilili boaliyoma. Inaja a möfe quilili boo cuo showao däjä, Ablamö nija Yai Bada a wa̦ faö co̦oma.

Génesis 17:3 Iomraidhean Croise

Génesis 17:17

Ö̦jö däjä, Ablaamö a fa blaalunö, a möfe quilili fa boalunö, a i̦cablaloma. “¿Inaja dodijiwä mada tawä?”, a bufi cudaliyoma. “Einaja ya wa̦lobada cuo däjä, lasha 100 ya faa ma waiquimaleno wei ma cui, ¿ijilu ya taaö da yai tawä? Einaja Sara a suwäbada cuo däjä, lasha 90 a faa ma waiquimaleno wei ma cui, ¿ijilu wa etä cublou da yai tawä?”, a bufi cuma yalo, a i̦cablaloma.

Génesis 18:2

Ablaamönö tä fa mödalönö, cama a mö yaiobä jamö, fama 3 bä ublaa dalalema. Lobe a fa ubladalunö, bä nabä läläa showaquema. Dodijidawä bä waloamaö ja, mashita jamö a möfe deialiyoma.

1 Reyes 18:39

Ö̦jö tä dablaöje däjä, mashita jamö yedu bä möfe bluca boo showaolaliyoma. Abenaja bä cudoma. —¡Joo yai! Jeobaa a lä cui, ¡ö̦jö a yai bufiblamobä a! Jeobaa a lä cui, ¡ö̦jö a shi̦lo yai bufiblamobä a! —bei bä cudoma.

Éxodo 3:6

Abinaja a ca̦i cuma. —Faafä nija ya lä bufiblamou wei, ö̦jö ya. Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija ya lä bufiblamou wei ya—a cuma. Yai Bada tä möö fa quilinö, Moisesi a mö jö̦cöoma.

Números 14:5

Ö̦jö däjä, cama Isaeli ebä mamo bluca mötale ja, mashita jamö Moisesi, Aaloni sho cäcöbö möfe boblaquema, Jeobaa nija.

Números 16:22

Ö̦jö däjä, mashita jamö Moisesi, Aaloni sho cäcöbö möfe boblaquema, Yai Bada tä nija. Abinaja cäcöbö cuma. —Yai Bada wa tä lä bufiblamou wei wa tä. Cafä Yai Bada wa tä lä cuinö, bluca yamacö lä bälöblai yamalecö demi tabou. Yanowamö moli a doblou lä mlale jamö, bluca bä showadawä nija ¿bei wa nia jushudou showadao daanö? Inaja wa cuaabä wami —cäcöbö cuma.

Números 16:45

—Fei bä bluca lä co̦camole bä nija cäcöbö da bayäcädalu, ya bä mö watäblaö showadaobä —a cuma. Ö̦jö däjä, mashita jamö cäcöbö möfe boblaa showadaquema, Jeobaa nija.

Mateo 17:6

Bä lä nocamabono wei bä lä cuinö a wa̦ fa ji̦liläjenö, bä quilili fa dijoblaicunö, bä möfe quilili boblaquema. Bä quilia fe balojolaliyoma.

Josué 5:14

Abenaja tä cuma. —Ma, inaja ya nia cuaanomi. Jeobaa ebä wayu lä fuu wei bä lija camiyä ya Bada lä läle ya fuu lä cufe —tä cuma. Ö̦jö däjä, a wa̦fa Bada doblao tabä, mashita jamö Josué a möfe deidaliyoma. Abenaja a cuma. —Cafä Bada bä a̦ fuabä ya waiquiwä. ¿Wedinaja wale li taamaö bufio cule? —a Josué cuma.

Apocalipsis 1:17

Ya dablaö däjä, ö̦jö lä a cotä jamö jai nomawä ya wäcäblaquema. Ö̦jö ma cui, camiyä nija jayu imicö maquelanö, abinaja wale nowa tama. —A quili dijä. Camiyä jaba ya, jödödö ya ca̦i.

Jueces 13:20

¿Ö̦jö tawä? Maa ma ja bä yalo lä maquebono wei jamö culanö, wacä bada yäblou lä ösöno wei däjä, ö̦jö wacä showawä ja, Jeobaa etä a̦jele befi ca̦i ösöa co̦layoma. Ö̦jö däjä, Manoa, bä suwäbö e sho cäcöbä mamo showao däjä, cowa wacä jamö a̦jele a befi ca̦i ösölayoma. A befi ca̦i fa ösöludunö, mashita jamö cäcöbä möfe boblaa showadaquema.