Génesis 13:9 - Biblia Yanowamö

⁹ Tä ulufi malä blaucui, ¿ö̦jö tawä? ’¿Wedi jamö tä lä cui wa tä ulifi bufii, U̦asi? —a cuma—. Motoca a lä juimaö wei jamö, afä wa bä ca̦i cuo bufi doblao ja, tä mö weyaö lä cuaaö wei jamö, iba ya bä ca̦i jilao mö feduo weicätä. Ö̦jö ma cui, tä mö weyaö lä cuaaö wei jamö, wa tä bufii ja, ö̦jamö afä bä ca̦i da cualu, U̦asi. Motoca a lä juimaö wei jamö, iba ya bä ca̦i bälöo mö feduo weicätä —Ablamö a cuma.

Génesis 13:9 Iomraidhean Croise

Génesis 13:10

Ö̦jö däjä, Lodonö tä ulifi möö fa cuaanö, Jodana u sibo lä cui, tä yalöwä dodijidawä dalalema. Tä ulifi jäläläoma yalo, Jeobaa etäca liyäo lä cuono weinaja, inaja showawä tä mömou cuoma. Ejidoteli bä ulifibö ca̦i liyäo lä cuono weinaja, inaja showawä tä cuo mö feduoma. Soalateli bä bälöo ma blajaono wei ma cui, ö̦jamö tä liyäjäwä fe wädöblamoma. Jeobaanö Sodomateli bä ulifibö wa̦liaö showaono mlai ja, Comolateli bä ulifibö ca̦i wa̦liaö showaono mlai ja, ö̦jö tä ulifi liyäjäwä jödödöoma.

Génesis 13:8

Ö̦jö tä a̦ fa ji̦lilänö, abinaja Ablamö a cuma, Lodo nija. —¡Ushu, U̦asi! Inaja mlai. Moli bäfäcö mashi waiquiwä malä cui. Inaja bäfäcö nowa tayobä bäfäcö malä mlai. Iba yalo bä lä lulubou wejei bä sho, afä bä ca̦i lulubou mö lä feduo wejei bä sho, bäfä bä shäyomaö dicoobä mlai.

Romanos 12:18

Dodijidawä wama bä ca̦i bluca cuobä, bä wabäo fe da yadio. Wamicai bä da bälöo.

1 Corintios 6:7

Wamacö a̦fa lä tayou wei däjä, shomi täbä lija wama tä cadidamaö dicoo ja, wamacö dobloimi waiquiwä. ¿Wedi tabä wamicai wamacö nö shi̦lo bleaaö bädaomi, ö̦jö lä? ¿Wedi tabä “Wale mölamaö bädao”, wamacö li cuimi, ö̦jö lä?

Hebreos 12:14

Bufi yanöcöwä wama bä ca̦i cuo fe yadiobä bä nö shi̦lo da wa̦loja. Yai Bada dodijidawä wama ecö yaiobä bä cuo fe da yadio. ¿Ö̦jö tawä? Inaja bä cuaaö lä mlai bänö Bada tä nia möimi waiquiweje.