Génesis 13:8 - Biblia Yanowamö

⁸ Ö̦jö tä a̦ fa ji̦lilänö, abinaja Ablamö a cuma, Lodo nija. —¡Ushu, U̦asi! Inaja mlai. Moli bäfäcö mashi waiquiwä malä cui. Inaja bäfäcö nowa tayobä bäfäcö malä mlai. Iba yalo bä lä lulubou wejei bä sho, afä bä ca̦i lulubou mö lä feduo wejei bä sho, bäfä bä shäyomaö dicoobä mlai.

Génesis 13:8 Iomraidhean Croise

Génesis 13:9

Tä ulufi malä blaucui, ¿ö̦jö tawä? ’¿Wedi jamö tä lä cui wa tä ulifi bufii, U̦asi? —a cuma—. Motoca a lä juimaö wei jamö, afä wa bä ca̦i cuo bufi doblao ja, tä mö weyaö lä cuaaö wei jamö, iba ya bä ca̦i jilao mö feduo weicätä. Ö̦jö ma cui, tä mö weyaö lä cuaaö wei jamö, wa tä bufii ja, ö̦jamö afä bä ca̦i da cualu, U̦asi. Motoca a lä juimaö wei jamö, iba ya bä ca̦i bälöo mö feduo weicätä —Ablamö a cuma.

Génesis 14:14

Ablamönö cama e mashi lä dälefälöno wejei tä a̦ fa ji̦lilänö, camanö bä ca̦i lä jilaono wei bä ca̦i itoblou showalayofälöma. Cama Ablamönö bä ca̦i lä cuono wei, 318 ebä wayu cublaliyofälöma. Lodo a lä däleno wejei bä lä cui, bä nosi däa fa showalöfälöjenö, Dani nodiwä ebä ulifibö jamö bä nabä blacälayomaje.

Génesis 45:24

Ö̦jö däjä, Josénö cama ebä mashi shömaö yalo, abinaja bä nowa tama. —Bufi yanöcöwä, dodijidawä wamacö co̦ofälöbä —a cuma.

Génesis 46:34

abinaja wama ecö cubä. “Cafä wa nosie juabä yamacö lä cuinö, showadi yalo yama bä ca̦i lä juu wei yamacö. Yamacö fiyao däjä, yamacö jaba lä cuaano weinaja, yamacö cuaaö showawä. Camiyä yamacö ma cui, iba bada bä jaba lä cuono wei bä ma cui, showadi inaja yamacö lä cuaaö wei yamacö”, wama ecö cubä —Josénö bä nowa tama—. Inaja wama ecö cuu ja, Cosena tä ulifi jamö wamacö nia bälömabou yaio. Ejidoteli bänö, oweja bä ca̦i lä juu wejei, showadi bä coyocomabou nofi malä wa̦libou wejei —a cuma.

Éxodo 2:13

Ö̦jö tä fena ja, a aa fa co̦lufälönö, cama ebleo cäcöbö showawä ma cui, cäcöbö shäyou daa nomöjölalema. A yai lä ishole a wasöbä, a wa̦ fama. —Cafä wafäcö bluca ma cui, ¿wedi wa tä tabä, aifä wa li shäö dicoa cule? —a cuma.

Mateo 5:9

’Täbä bufi lä yanöcömabou wejei bä lä cui, ö̦jö bä bufi yai doblalobä cäbä. Yai Bada ijilubö ebä a̦fa nia malä jilamou wei.

Hechos 7:26

’Ö̦jö tä fena ja, a aa fa co̦lunö, cama Isaeli ecöbö a̦fa tayou dalalema. Cäcöbö nofimayou co̦obä, a wa̦ faö läoma. “Iba wafäcö. Cafä wafäcö ma cui, ¿wedi tabä wafäcö a̦fa tayou dicoa cule? Wafäcö nö bleaamayobä wafäcömi”, a cuma.

Romanos 12:10

Cama täbä bluca nofimayou lä culenaja, bä nofimayou da cuo. Dodijidawä täbä nofi ca̦i wawädowä da taboje. Inaja lä wamacö yai showadi taamayobä.

Filipenses 2:14

Wama tä bluca lä taö wei tä ja, dodijidawä bä da cuo. Wamacö bufi jushujuablalou mlai, wamacö a̦ lafujou mlai, wamacö dodijabä.

1 Tesalonicenses 4:9

Aifä wama bä nofimabä, bämacö yömölabä tä cuami. Dodijidawä wamacö nofimayou malä waiquii. Wamacö nofimayobä, Yai Bada tänö wamacö damaö malä waiquii.

Hebreos 12:14

Bufi yanöcöwä wama bä ca̦i cuo fe yadiobä bä nö shi̦lo da wa̦loja. Yai Bada dodijidawä wama ecö yaiobä bä cuo fe da yadio. ¿Ö̦jö tawä? Inaja bä cuaaö lä mlai bänö Bada tä nia möimi waiquiweje.

Hebreos 13:1

Jesucristo wama ecö nofimayou lä cuaaö weinaja, inaja showawä bä shi̦lo yai da cuaa.

1 Pedro 1:22

Jesucristo nija tä a̦ bejedi lä cule, wama tä a̦ julema. Wama tä a̦ lä juleno wei tänö wamacö bufi aublaliyoma, cama wama ebä nofimabä. ¿Ö̦jö tawä? Bufi cadidilanö bä da nofimayo, ö̦jö lä.

1 Pedro 2:17

Yanowamö jödödöwä täbä lä cui, wama täbä nofi nia bluca tabou. Jesucristo ebä lä cui, ö̦jö wama ebä nia yai nofimaö. Yai Bada a lä cui, ö̦jö wama a nö nia yai quili taö. Bada a yai bälöo lä dodijio wei a lä cui, wawädowä wama a nofi nia tabou. Inaja wamacö nia shino yai cuaaö.

1 Pedro 3:8

Bei. Fei däjä bluca wamacö nija ya wa̦ faö majöa lä cule. Wamacö bufi shedecou dicoo mlai, moli tä ja bä bufi bluca shino da shalilo, ö̦jö lä. Täbä nofi ca̦i da ojodaboje. Jesucristo ebä ca̦i bluca da nofimaje. Bä nofi ca̦i bluca da jo̦lijiboje. “Camiyä ya shino yai”, bä bufi ca̦i cuu dicoo dijä.

1 Pedro 4:8

Showadi bä ca̦i shino yai da nofimayo. Ö̦jö däjä ai a doblou ma mlai ma cui, wamacö bufi nofio cudeenö wama tä nowa nia taboimi.

2 Pedro 1:7

Yai Bada nija bufi shaliliwä wamacö culanö, cama bä mashi nofimayou lä culenaja bä da taamayo. Inaja wamacö cuaaö waiquiwä ja, bei bä bufi yai da nofio.

1 Juan 4:7

Iba wamacö. Bämacö yai da nofimayo, ö̦jö lä. Nofimou tä lä cui, ö̦jö Yai Bada etä waiquiwä malä cui. Täbä yai lä nofimaö wejei bä lä cui, ö̦jö Yai Bada bei ijilubö ebä waiquiwä. Ö̦jö bänö a ca̦i daöje.