Génesis 13:7 - Biblia Yanowamö

⁷ Ö̦jamö Canaanateli bä sho, feleseo bä sho, bä bluca ca̦i bälöjömou showao mö feduoma. Ya̦cumö Lodo ebä yalo lä lulubono wejei bä lä cui sho, Ablamö ebä yalo lulubou mö lä feduono wejei bä sho, bä nofi wa̦liayoma. Cama bä yalobö iyabä, tä nö ulifi lä niji wei, tä ulifi noshi umabou ayamomaje.

Génesis 13:7 Iomraidhean Croise

Génesis 12:6

bä jayublaliyoma. Siquemöteli bä bälöo lä ajedeono wei jamö bä waloquema, Mole tä a̦fa ulifi lä jilabono wejei jamö. Ö̦jamö, Canaanateli bä bluca bälöjömou showaoma. Täbä nö bayeli nacaobä, showadi täbä lä yododoblaano wei defi bada lä ublaono wei jamö, Ablamönö cama ebä ca̦i waloquema.

Génesis 46:34

abinaja wama ecö cubä. “Cafä wa nosie juabä yamacö lä cuinö, showadi yalo yama bä ca̦i lä juu wei yamacö. Yamacö fiyao däjä, yamacö jaba lä cuaano weinaja, yamacö cuaaö showawä. Camiyä yamacö ma cui, iba bada bä jaba lä cuono wei bä ma cui, showadi inaja yamacö lä cuaaö wei yamacö”, wama ecö cubä —Josénö bä nowa tama—. Inaja wama ecö cuu ja, Cosena tä ulifi jamö wamacö nia bälömabou yaio. Ejidoteli bänö, oweja bä ca̦i lä juu wejei, showadi bä coyocomabou nofi malä wa̦libou wejei —a cuma.

Éxodo 2:17

wa̦lo shomi bänö, cama oweja ebä ca̦i waloa fa nomöjöicujenö, bä suwä bayäcamamaje. Inaja bä ma cuaano wei ma cui, Moisesinö suwä bä nia fa bayeliblanö a icua läquema. Suwä bänö oweja bä ca̦i lä juno wejei, bä amishi co̦amaö fe yadioma.

Marcos 3:25

Cama bä mashi ma cui, bä nofi wa̦liayou dicoo ja, bä bälöo lojodoo mlaicätä.

1 Corintios 3:3

Cafä wamacö bufi cuu lä bädao wei tä ja, wamacö cuaaö bufi doblao showao dicoo. Ai täbä dodijaö ayao ja, wamacö jushuo si malä ijejei. Ai wama täbä nofi malä wa̦libou wei. Inaja wamacö cuaaö dicoo ja, mojodi bä lä culenaja wamacö cuaaö mö feduwä malä showai.

Gálatas 5:20

Yai Bada a bufiblaö mlajei ja, shomi täbä shi̦lo li bufiblaöje. Bä feculamou. Bä nofi ca̦i wa̦liayou. Bä a̦fa ca̦i lafujayou. Ai täbä dodijaö ayao däjä, täbä nofi ca̦i wa̦libouje. Bä ca̦i jushudou si ijejewä. Bä shi ca̦i imi. Bä a̦ ca̦i lämou. Täbä nofimaö fe usucuwä mlajei, ai täbä ca̦i shi̦lo nofimaö ayaoje.

Colosenses 4:5

Bä bufi da moyaweicu, Jesucristo ebä lä mlai wama bä ca̦i cuo däjä, showadi wamacö dodijabä. ¿Ö̦jö tawä? Wamacö dodijabä tä cua ja, bä dodijaö da showadao.

1 Tesalonicenses 4:12

Inaja wamacö cuaaö ja, Yai Bada ebä lä mlai wama bä bufi jaducäblamabä. “¡Ei bä bufi nofi dao yai!” wamacö nofi tabobeje. Ai täbä lija wamacö mölaö mlai ja, cafä wamacö showawä lä cui wamacö dodijidawä cuobä.

Tito 3:3

¿Ö̦jö tawä? Camiyä bämacö ma cui, bämacö dodijaö mada mlaoblei. Bämacö bufi mojoduo bufi fa doblaonö, bämacö fe mada blacäjoblei. Bämacö bufi yaclälayoma. Bufi waiyou tänö bämacö nö bleaaö fa balalönö, bämacö bayeliblamobä tä cuonomi. Bämacö bufi wa̦lidiwä ca̦i fa bälöonö, bä dodijaö lä ayao wei showadi bäma bä nofi wa̦liboma. Bämacö nofi bluca wa̦liayoma.

Santiago 3:16

¿Ö̦jö tawä? Täbä dodijaö lä ayao wei täbä nofi wa̦libouje ja, “Camiyä shino yai”, bä bufi cuablalou dicoo ja, tä nia jödödöwä wa̦lidiblou. Wa̦lidiwä tä bluca lä cui ja, täbä nia yai cublou majöo.

Santiago 4:1

¿Wedinaja wamacö bufi fa cunö wamacö li ishou? ¿Wedi tabä wamacö li shäyou? Wedi tabä mlai. Wamacö wasömamou bufio fa mlacunö wamacö inaja cuaaö, cafä wamacö cuaaö lä ojode wei wama tä nofi yaibou fa dicoonö.

1 Pedro 2:12

Yai Bada tä daö lä mlajei jamö wamacö cuo ja, showadi bä da dodija. Wamacö a̦fa dobloimi ma wäyäö wejei ma cui, wamacö lä dodijaö wei tä nö ö̦jöböaö fe yadiobeje. ¿Ö̦jö tawä? Ya̦cumö Yai Bada tänö täbä bluca jömaö däjä, bä bufi nia möblou. Yai Bada nija wamacö showadi lä bayeliblamono wei tä nia dablaöje. Ö̦jö däjä Yai Bada a wa̦fa nia doblao taöje.