Génesis 12:2 - Biblia Yanowamö

² Cafä bäfä fa balamalönö, wamacö bälöo fa lojodoonö, wamacö bälöo nia yaio. Bäfä nia bayelibou. Cafä wa wa̦fa nia yai ji̦limou blaucou lä cuaaö wei, bäfä nia tablamaö. Cafä inaja bäfä bayeliblaö cuo ja, cafä nija ai bä nia bayeliblamou mö feduo.

Génesis 12:2 Iomraidhean Croise

Génesis 13:16

Coshi coshi bä lä̦cashi bluca lä culenaja, afä ijilufä ya bä nodiwä bluca tablamaö wä. Coshi coshi bä nö wabamou doblobimi lä culenaja, inaja showawä, ijilufä bä nodiwä lä cui, bä nia wabamou dobloimi cuo mö feduo.

Génesis 15:5

Ö̦jö däjä, Jeobaanö Ablamö a ca̦i fa sibolunö, a wa̦ bädou co̦oma. —Ösö jamö wa mö fa nonoicunö, shidicali bä da wabäbla. ¿Ö̦jö tawä? Bä nö wabamobimi malä cui. Ö̦jö shidicali bä bluca lä culenaja, ijilufä bä bluca cublou nodio wä —a nowa tama.

Génesis 17:20

Isimali wa wa̦fa lä jayumafe, ö̦jö ya ca̦i bayeliblaö weicätä. Bäfä a̦ malä ji̦liale. Ya fa bayeliblalönö, cama ya ebä ca̦i nia balamaö mö feduo. Ya ebä nia ca̦i blucablamaö mö feduo. Cama bei ijilubö ebä nija, bä ca̦i bälöo lä dodijio wejei bä lä cui, 12 ya ebä bada nia tablamaö. Cama etä ulufi nofi taa fa dodijiabodujenö, cama bä nia ca̦i yaiblou mö feduo.

Génesis 18:18

Cama ebä fa blucablalunö, bä nia bälöjou lojodoo malä yaiblamou wei. Bluca bä lä yaiblai, cama nija bä nia bayeliblamou fe malä dolemou wei.

Génesis 18:19

Ya mojodumabou mlaicätä. Cama bei ijilubö ebä fa yömölabonö, ebä cadidou juo nomöjöobä, ya malä yaileno wei. Cama ebä bluca lä cuinö, Jeobaa wale a̦ juaö nodiablalobeje. Ya tä tamaö lä bufii wei tä tabeje. Inaja bä cuaaö showao däjä, ya bä bluca bayelibobä. Ya wa̦ nö wäo lä balöono wei däjä, ya lä cuno weinaja showawä”, a bufi cuma.

Génesis 19:29

¿Ö̦jö tawä? Inaja tä fa cublalunö, tä ulifi lä yälöi jamö, Yai Bada tänö bä mö bluca lä watäblaleno wei däjä, Ablaamö a nofi jaducubou showaoma. Lodo a nowamama. Lodonö bä ca̦i lä bälöono wei, bä mö ma watäblaleno wei ma cui, Lodo a docua fa balömalönö, a shino ishou juoma.

Génesis 24:1

Bei. Ablaamö a bälöaö nö dedeama yalo, a wa̦lobadaoma. Jödödöwä tä taö lä bädaono wei tä ma cui ja, Jeobaanö showadi a bayeliblaö fa cuaanö, bejedi lä, a bayeliblamoma.

Génesis 24:35

Yale lä shömaö wei a lä cui, showadi Jeobaanö a bayeliblaö fa dodijionö, a bälöa dodijia lä cule. Jeobaanö a fa dobänö, yalo bä bluca tabou dodijia. Oweja bä ma cui, shibo bä ma cui, baca bä ma cui, bä bluca tabou lä cule. Blada bä ma cui, olo bä ma cui, ö̦jö bänö a nö madofibö dodijiwä. A nosie juamobä, wa̦lo bä ma cui, suwä bä ma cui, ebä ca̦i bluca cua. Cameyo ebä ca̦i bluca, bulo ebä ca̦i.

Génesis 27:29

’Wa fa bayeliblalönö, bluca täbä lä bälöblai, cafä nija bä nosiemamobä —a cuma—. Afä bä mashi ma cui, cafänö wa bä nosiemabä. Bä bälöjou lä yaiblai, cafä nija showadi bä möfe boobä. Naafä bä ijilubö ma cui, wa ebä möfe ca̦i bomabobä. Wa nö bleaamaö bufi lä doblao wejei bä lä cui, inaja showawä Jeobaanö cama bä nia ca̦i taamaö mö feduo. Wa bayeliblamaö bufi lä doblao wejei bä lä cui, inaja showawä, ö̦jö bä ma cui, Jeobaanö bä ca̦i nia bayeliblaö cuo —a cuma.

Génesis 28:14

’Coshi coshi bä bluca lä culenaja, ijilufä bä nia nodiwä cublou —a majali cuma—. Motoca a lä juimaö wei jamö ma cui, tä mö lä weyaö wei jamö ma cui, tä motoca faö lä mlai jamö ma cui, tä mö weyaö mö feduo lä mlai jamö ma cui, ijilufä bä nia nodiwä jödödöwä bälöjou cuaaö. ’Cafä wa ma cui, ijilufä bä nodiwä ma cui, bämacö bluca fa bayeliblanö, cafä wamacö nija, ai bä nia bluca bayeliblamou mö feduo —a majali cuma—. Bluca bä bälöblawä lä yaiblai, cafä wamacö nija bä nia bayeliblamou fe doleo.

Génesis 35:11

Abinaja Yai Bada tänö a nowa ca̦i tama. —Yai Bada ya nö lä wa̦lojaö wei, ei cä ya. A da balalö. Ijilufä bä nodiwä ca̦i balaö nomöjöobä. Ijilufä bä nodiwä nija, bä nia bälöaö lä lojodoo wei bä nia yaio. Bä nia bälöblamou yaiblamou cuaaö. Bada bänö bä nia ca̦i lä bälöo wejei, afä ai bä nia cublou juo.

Génesis 46:3

Ö̦jö däjä, ö̦jamö lä Yai Bada a wa̦fa wämoquema. —Camiyä Yai Bada cä ya. Faafänö wale bufiblaö lä balöono wei, ö̦jö lä ya e. Ejido jamö a dömöö quili dijä. Ö̦jamö bäfä bayeliblaö ja, wamacö fa balalönö, ijilufä nodiwä ebä nia bälöo lojodoo yaiblamou cuaaö.

2 Samuel 7:9

A fuu ma bädao wei jamö ma cui, ya ca̦i cudia lä showale. Cama lija bä nö lä nabämou wei, ya bä mö bluca watäblalema. Bada bä lä bälöblai bä a̦fa ji̦libou lä cuaadujeinaja, David ya wa̦fa nia ji̦liamaö cuaaö mö feduo.

Éxodo 1:7

Öjö ma cui, Isaeli ebä balaa fe balojoa jälayoma. Bä nö fa wa̦lojoblalunö, bä ca̦i bälöo lojodooma. Bä balaa dodijilayoma cudeenö, Ejidoteli bä ulifibö jödödöblalemaje.

Éxodo 32:10

Bä dobloimi waiquia ja, fei däjä wa wa̦ nia lämou co̦daaimi. Ya jushuo lä, ya bä waicaö showadaobä. Ö̦jö ma cui, cafä bäfä yai bayeliblaö ja, bäfä fa balamalönö, afä ya bä bälöa fa lojodomabonö, bä bälöo yaiobä, afä ya bä nia taamabou —a cuma.

Números 14:12

Shawala tä wayunö ya bä nö nia bleaamaö, ya tä a̦fa ulifi lä wäyäno wei jamö bä bälöo mlaobä. Ö̦jö däjä, afä bä lä nodiblou wei ya bä nia shino yai bayelibou nomöjöo. Fei bä ma bluca wei ma cui, afä ya bä nia yai blucablamaö. Fei bä ma lojode wei ma cui, afä ya bä nia yai lojodomabou —Moisesi nija a cuma.

Números 22:12

Abinaja Yai Bada a cuma, Balaama nija. —Fei bä nija wa nia nocaomi. Täbä wafäblaö ma bufii däjä, quiji wa bä nia wafäblaimi. Bä li bayeliblamobä bä li waiquiwä —a cuma.

Números 23:20

’Bei. Ya bä yai bayelimabä wale nosiemöledayou lä cufe. Camanö inaja täbä bayeliblaö cuo waiquio däjä, camiyä ya e a̦ nö läblou bashiobimi.

Romanos 4:11

¿Ö̦jö tawä? Ablaamö mosi sicö joyamou showao mlao däjä Yai Bada a nofi mölaboma yalo, jai a cadejewä waiquiwä a nofi taboma. Ö̦jö däjä, Yai Bada tänö a nofi tabou lä waiquile a nö ö̦jöböamobä, mosi sicö li joyamaö bufima. ¿Ö̦jö tawä? Jai bä cadejewä waiquiwä Yai Bada tänö bä nofi tabou lä nodio wei bä lä cuinö, Ablaamö a nofi fö̦ömaö nodiobeje, inaja a li taamaö balöoma. Ö̦jö bä lä cui, bä mosi sicö joyamou ma mlai, Jesucristo a bejedi bufii cudeejenö bä nofi li tabou nomöjöa lä cule.

Gálatas 3:14

¿Ö̦jö tawä? Judio bä lä mlai, Jesucristo lija bä bayeliblamou mö feduobä bä nowa comaquema. Ablaamö a bayeliblamou lä culayono weinaja bä bayeliblamou cuo mö feduobä. Jesucristo bäma a nofi fa mölabonö, Yai Bada tä Bufi a̦fa lä wäyämono wei bäma tä Bufi däabä.

Gálatas 3:7

¿Ö̦jö tawä? Yai Bada tä a̦ nofi lä mölabou wejei bä lä cui, ö̦jö Ablaamö nodiwä bei ebä yai.