Génesis 11:3 - Biblia Yanowamö

³ Bä fa yanöcöblalunö, bä a̦ wayolayoma. —Bei. Mashita bäma bä da ta, bämacö yafimobä. Cowa wacö ja, bäma bä fa jifumalönö, cofibö bä cublobä —bä nowa tayoma. Inaja bä fa cuaanö, maa mabä mlai ja, mashita bä li jifuwä shömomamaje. Maa anö bä jou mlaobä, bä lä sudimaö wejei toubä ca̦i bluca ajedemabou yädäo showaomaje.

Génesis 11:3 Iomraidhean Croise

Génesis 11:4

Abinaja bä cuu nomöjöoma. —Bei. Eja bämacö bälödiobä, yafi bluca bäma bä da ta. Yafi ösöwä dodijiwä bäma a ca̦i i̦tamaö showadaobä. Judu mösö jamö, a yafi ola fe wädöodayobä. Bämacö nö wa̦lojoablalou dodijio ja, bämacö a̦fa wayoamou blaucobä. Jödödöwä tä ulifi jamö, bämacö shelelou dicoo mlaobä —bä cuma.

Génesis 11:7

Bei. Bämacö itou da co̦fälö. Bäma bä caficö a̦ fa shomiblamalönö, bä a̦ ji̦liayou mladobä —Jeobaa a cuma.

Génesis 14:10

¿Ö̦jö tawä? Sidimö tä fe yalö lä cui, tä ulifi dodijidaonomi. Shoniqui toubä lä didiono wei täcabä bluca cublamou dodijioma. Ö̦jö däjä, Quedolaomo a badanö, cama ebä nö ca̦i wa̦lojaö fa dodijiicunö, bä yashublalemaje. Sodomateli a bada lä cuinö, cama ebä ca̦i docufälöbä jamö, ö̦jö täcabä lä cublamono wei jamö ai ebä queobefälöma. Comolateli a bada mö feduwä lä cuinö, cama ebä ca̦i docuu cuaaö mö feduobä jamö, ai ebä ca̦i queo mö feduolaliyofälöma. Jefu bä jamö, ai bä shee lä cui, bä docua culayoma.

Éxodo 1:14

Showadi bä nosiemamaje yalo, bä bufi nö bleablalamamaje. Yafi bä i̦tamabeje, mashita cofibö bä taamamaje. Mashita bä lä sudimamou wei toubä ja, bä ca̦i ojodamomamaje. Ficali ca jamö bä ca̦i nosiemamaje. Bä nofi ojodabou mlajei, showadi bä nosiemaöje ja, bä nö bleaamamaje.

Éxodo 2:3

Ya̦cumö, a jo̦yabou nö doblobimi ja, a befi ca̦i ca̦abä, jai wöö a cuwä tä dälema. Dulucama a̦casibä ja tä diyäblalemaje tä cuoma. Mau ubä faö mlaobä, sho̦liqui toubänö tä sibo jölöcölema. Fii defi shuu ma cuinö, tä ca̦i ya̦lelema. Ö̦jö däja, bei ijilubö a fa didicönö, bei u casö jamö dulucama acasibä cuobä jamö a befi ca̦i ca̦quema.

Proverbios 1:11

Abenaja bä cuu dao. —Jabo. Camiyä yamacö lija a da nocaiquiyo. Ai bäma bä shäö showadao bädaobä, bämacö da lämo. Bä mojoduo däjä bäma bä shäö da showadao.

Hebreos 10:24

Dodijidawä bämacö nia lä cuo wei tä ja, bämacö bufi ca̦i da daeo. Bämacö bufi fa lofotoamayonö, bämacö bufi bluca nofiobä. Dodijidawä tä jamö bämacö bluca cuobä.

Hebreos 3:13

Showadi bä da yömölayo, Yai Bada bäma a wa̦ nia lä ji̦liaö wei tä cuo showao däjä, ai wa bädawä ma cui wa bufi jifublou dicoo mlaobä. ¿Ö̦jö tawä? Wa̦lidiwä tä ja täbä mölaö yalo, täbä bufi li jifublou.

Santiago 4:13

Bei tawä, cafä wamacö a̦ faö lä dicoblao wei. Shomi jamö wamacö nia jo̦wa lä juu wei, wamacö a̦fa wäamamou. Madofi wama bä nia jo̦wa nomöjaö. Wamacö jo̦wa nia madofiböblou. Fei däjä wamacö juimi ja, fena ja wamacö nia jo̦wa juu. Ö̦jamö lä wamacö bälöaö showao däjä, lasha moli wama a nia jo̦wa lalomaö.

Santiago 5:1

Bei tawä, wamacö nö lä madofibö wei wamacö lä cui. Wamacö bufi doblalou mlai ja, bä yai da ö̦cö. Cafä bä nomöa yai da yuamamo. Wamacö nö nia lä bleaaö wei tä ajedewä waiquiwä.