Génesis 1:6 - Biblia Yanowamö

⁶ Ö̦jö tä fena ja, Yai Bada a wa̦ faö co̦oma. —Bei. Mau u möamo jamö, judu mösö da cublalu. Wa mösö fa cublalunö, mau wa ubä shedequemabobä. Ai wa ubä bäfätämabobä, ai wa ubä feyacamabou mö feduobä —a cuma. Einaja lä tä cublou showadalayoma.

Génesis 1:6 Iomraidhean Croise

Génesis 1:14

Ö̦jö tä fena ja, Yai Bada a wa̦ faö co̦oma. —Bei. Wamacö shi̦i wacacaobä, judu mösö jamö bä da cuicudu. Didi däjä, ai wa shi̦i lä cuinö, wa tä wacacamabou fe yadiobä. Jalu däjä, ai wa shi̦i yai li wacacawä cuobä. Belibo wa lä cui, motoca wa ma cui, tä no nia lä cublou wei wafäcö wababeje. Täbä nia lä cuaaö wei tä ja, tä nö dabobeje. Wamacö nosi lä blacäcou wei tä ja, täbä moyawäobä.

Génesis 1:20

Ö̦jö tä fena ja, Yai Bada a wa̦ faö co̦oma. —Bei. Mau u jamö wamacö shulilobä, bä da wawäolalu. Ösö jamö wamacö yäaabä, bä bluca wawäblou mö fedua da showadalo —a cuma.

2 Pedro 3:5

Einaja bä mojodi cudalou bufi fa doblaonö bä li cuu. Tä a̦ lojode ma cui, tä a̦ nofi mojodubou bufi doblao dicooje. Bäma tä a̦ lojode daö waiquia, ¿ö̦jö tawä? Judu mösö ma cui, bita a ma cui, Yai Bada tä a̦nö täbä bluca bädaliyoma. Judu mösö fa lelemacödunö, mau ubä shedequeblamalema. Bäfätä jamö u lä cuono wei u fa co̦camomalönö, mashita wejediwä a wawäblamalema.