Génesis 1:1 - Biblia Yanowamö

¹ Jaba däjä, judu mösö ma cui, bita a ma cui, Yai Bada tänö tä bluca bädamalema.

Génesis 1:1 Iomraidhean Croise

2 Crónicas 2:11

Ö̦jö däjä, Diloteli bada Ilama a wa̦ fuo ja, Salomo lija oni si shimölema. Ö̦jö si oni jamö, abenaja a cuma. Cafä bada Salomo wa lija ya si oni shimaö lä cule. Jeobaanö cama ebä nofimaö cudeenö, cafä bada wa tablamalema, wa ebä ca̦i cuobä.

Éxodo 20:11

’Jeobaa ya lä cuinö, 6 ya tä mö didi tablamalanö, ya täbä bluca malä tablaleno wei. Judu mösö ma cui, bita a ma cui, ö̦jamö täbä bluca lä cublai täbä ma cui, ya täbä bluca tablalema. Modu ubä ma cui, ö̦jamö täbä lä cubodi täbä ma cui, ö̦jö täbä ca̦i showawä. 7 tä mö jalu ja, ya ojodamou yanöcöblaliyoma. Ö̦jö cudeenö, wamacö yanöcöobä tä mö jalu lä cui, ya tä a̦fa jalu shomi wäa showadaquema, tä mö jalu yaiobä.

Éxodo 31:18

Sinai cäcö jamö, Moisesi nija Jeobaa a wa̦ wayou fa waiconö, cama a wa̦ lä oniblamolayono wei, maa acadafu macö jöböquema, tä a̦ nofi jaducubobeje. Cama Yai Bada tä showawänö macö oniblalema.

Proverbios 3:19

Jeobaa a bufi jaducäwä anö, bita a tablalema. A bufi moyawe anö, mösö lelemaquema.

Mateo 11:25

Ö̦jö däjä, abinaja Jesús a cuma, Yai Bada nija. —Fabe. Fedu jamö ma cui, bita jamö ma cui, cafä lä wa shino Bada cua ayaa. Ei ya tä a̦ lä wäyäfe, bä bufi a̦fa moyawä lä taö wejei bä nija wa tä a̦ nofi mojodumabou. Bä bufi a̦fa dao lä taö wejei bä ma cui nija, inaja showawä. Inaja ö̦jö wa bä ma taamabou däjä ma cui, jai ijilu täbä lä cule bä nija wa tä a̦ yai wawäblamalema.

Marcos 13:19

Täbä nö nia yai malä bleaaö wei. Yedu ja Yai Bada tänö täbä bluca lä tablaleno wei däjä, täbä nö bleaaö ma showaono wei ma cui, ö̦jö tä lä cublole däjä täbä nö nia shino yai bleaaö. Inaja täbä nia ca̦i cuaaö co̦o ma mlai ma cui, ö̦jö lä däjä moli bei bä nö nia shino yai bleaaö dodijio.

Hechos 14:15

—¿Wedi tabä inaja wamacö li cuaaö dicoa cule? Cafä wamacö lä culenaja, yafäcö cuwä mö feduwä yafäcö. Yanowamö bämacö bluca. ¿Ö̦jö tawä? Yafä tä a̦ dodijidawä bälaö mö juu lä cufe. Wama bä jole lä bufiblaö wei wama bä fa dacönö, Yai Bada nija wamacö bufi yai cuobä. Ö̦jö a shino ba̦limi cua ayaa. Judu mösö ma cui, bita a ma cui, modu u ma cui, ö̦jö bä bluca tablalema. Ö̦jö bä jamö bä bluca lä cule, bä ca̦i tablaö showaoma.

Hechos 17:24

’Bei —Pablo a cuma—. Mashita a bada lä tablaleno wei a lä cui, jödödöwä bä lä cublai bä ca̦i lä tablaleno wei a showawä lä cui, ö̦jö Yai Bada cätä. Fedu jamö ma cui, bita jamö ma cui, ö̦jö a shino Bada cua ayaa. Ö̦jö cudeenö, wamacö nö bayeli nacaobä wama e yano ma tablalei wei ma cui, a nia bälöomi.

Hechos 4:24

Ö̦jö cäcöbö a̦ fa ji̦liläjenö, Yai Bada nija cama bä a̦ bluca faö showadaoma. —Bada tä. Yai Bada wa tä. Judu wa mösö lä tablaleno wei wa. Ulifi a bada ma cui, modu ubä lä cublai ubä ma cui, wa ubä tablalema. Fedu jamö bä bluca lä culadi bä ma cui, bita jamö bä bluca lä cule bä ma cui, mau jamö bä bluca lä cublai bä ma cui, wa bä bluca lä tablaleno wei, ö̦jö cafä wa dodijiwä.

Romanos 11:36

Camanö täbä bluca malä tablaleno wei. Cama a showawänö täbä bluca li fuwäbou. Camanö täbä tabobä täbä. ¿Ö̦jö tawä? Cama a wa̦fa shi̦lo doblao tamou shi wa̦libä. Inaja lä tä cuobä.

1 Corintios 8:6

¡ma! Camiyä bämacönö moli bäma tä a̦fa Yai Bada jayumaö, bämacö lä Fö̦ömole, bluca täbä lä tablaleno wei tä lä cui. Cama bäma ecö befi li. Moli tä shi̦lo Bada cua, Jesucristo a wa̦fa lä cule. Ö̦jö lija täbä bluca tablamolayoma. Ö̦jönö bämalecö fa co̦länö Yai Bada bäma ecö cua lä cule.

Efesios 3:9

Yai Bada tänö tä a̦ jaba lä jo̦yabono wei tä a̦ wawäblou fe yadiobä, camiyä lija täbä bufi nia bluca jaducäblamama. ¿Ö̦jö tawä? Yai Bada a lä cuinö, täbä bluca lä tablaleno wei a showawä lä cuinö, cama a nia cuaaö lä ja̦toono wei tä a̦ nia ya̦cumö wawäblamama.

Hebreos 1:10

Abenaja Yai Bada a ca̦i jo̦wa cuma, bä Ijilubö e lija. Cafä Bada wa lä cui, jaba däjä bita wa colo lä lofotoblamaleno wei wa. Judu mösö ma cui, cafä wa showawänö, wa mösö ca̦i lelemaquema.

Hebreos 1:2

Ö̦jö ma cui, fei däjä, Yai Bada tänö täbä nia lä jimaö wei tä cublou ajedou däjä, camiyä bämacö lija a wa̦no wäyämamou nomöjöobä, bä Ijilubö e yai shimöledayoma. ¿Ö̦jö tawä? Bä Ijilubö e lija, Yai Bada tänö jödödöwä tä lä cule tä bluca tablamalema. Ö̦jö täbä bluca ja a Bada läobä, a yaia showadalema.

Hebreos 11:3

Yai Bada bäma a wa̦ nofi mölabou yalo, bämacö bufi jaducäwä. Yai Bada a wa̦nö, jödödöwä tä lä tablamolayono wei bäma tä daö. Bäma täbä lä möö wei täbä lä cui, tä dablamou lä mlai tä ja täbä li tablamolayoma täbä.

Hebreos 3:4

Yafi bä bluca lä cublai, yanowamö täbä lija bä ma tablamou wei ma cui, jödödöwä täbä lä cublai, Yai Bada lija täbä li tablamolayoma.

2 Pedro 3:5

Einaja bä mojodi cudalou bufi fa doblaonö bä li cuu. Tä a̦ lojode ma cui, tä a̦ nofi mojodubou bufi doblao dicooje. Bäma tä a̦ lojode daö waiquia, ¿ö̦jö tawä? Judu mösö ma cui, bita a ma cui, Yai Bada tä a̦nö täbä bluca bädaliyoma. Judu mösö fa lelemacödunö, mau ubä shedequeblamalema. Bäfätä jamö u lä cuono wei u fa co̦camomalönö, mashita wejediwä a wawäblamalema.

1 Juan 1:1

Jaba tä a̦ cuo showao lä balöono wei a lä cui, ö̦jö ya wa̦fa wäyäbä ya tä a̦ oniblaö lä cule, täbä lä ba̦limiblamaö wei a lä cui. ¿Ö̦jö tawä? Yama a wa̦ ji̦lii cublelei. Bei yamacö mamocunö yama a ca̦i möö cublelei. Bei yamacö imicönö yama a ca̦i jubaö cublelei.

Apocalipsis 10:6

Boco fa yalejedalunö abinaja a cuma. —Ya wa̦ nö wäo cadidia lä cule. Tä demi cua shi̦ lä wa̦lile tä malä cule. Judu mösö tablalema, ö̦jamö täbä bluca lä culadi täbä ca̦i. Bita a ca̦i taa mö fedublalema, ö̦jamö täbä bluca lä cublai täbä ca̦i. Modu u ca̦i bada tablalema, ö̦jamö täbä bluca lä cubodi täbä ca̦i. Fei däjä a nö nia dadiomi.

Apocalipsis 14:7

A wa̦ i̦cali faö ja, abinaja a̦jele a cuma. —Yai Bada tä nö quili da taje. A wa̦fa Bada lojode ca̦i da taje. Täbä bluca lä bälöblai täbä jömabä, etä malä cublalufe. Wamacö möfe fa boalunö a wa̦fa Bada doblao da taje. Judu mösö ma cui, bita a ma cui, modu ubä ma cui, ubä fe lä jojoblai ubä ma cui, ö̦jö täbä bluca tablalema —a cuma.

Apocalipsis 21:6

Abinaja wale nowa ca̦i tama. —Bei tawä. ¡Inaja lä waiquiwä! Camiyä jaba ya, jödödö ya ca̦i. Camiyä ya lä cuinö täbä jaba bluca cublaliyoma. Camiyä ya showawänö täbä jödödöwä waicou. Bä lä amishaö wei bä lä cui, no mlai ja ya bä amishi nia co̦amaö. Ba̦limiblamodima u fe lä jojole u ja, ya bä nia dobäö.

Apocalipsis 22:13

Camiyä jaba ya, jödödö ya ca̦i. Camiyä ya lä cuinö täbä jaba bluca cublaliyoma. Camiyä ya showawänö täbä jödödöwä waicou —a cuma.

Apocalipsis 3:14

Ya tä lä möno wei, abinaja a cuu nomöjöoma. —Laodisea jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Yai Bada nija bä nacou ja, “Inaja lä tä cuobä”, bä ola lä cudou wei tä a̦ bejedi cublobä, camiyä ö̦jö lä ya. Ya tä a̦fa bejedi wäyäö lä shalilio wei, ö̦jö lä ya showawä. Yai Bada tänö täbä bluca lä tablaleno wei däjä, camiyä ya lä cuinö täbä bluca tablamolayoma. Ö̦jö ya lä cui wale wa̦no nia oniblaö.

Apocalipsis 4:11

Cafä bäfä nofi lä Badabou wei wa Bada. Bäfä lä bufibou wei cafä wa. Wa wa̦fa doblao tamou ayaobä, ö̦jö wa waiquiwä. Cafä wa lä cui, wa nofi dodijidawä tabou ayaobeje, ö̦jö wa. Cafä wa nofi ca̦i lojode doablamou ayaobä. Jödödöwä wa täbä malä tablaleno wei. Wa täbä tablaö fa bufinö wa täbä tablalema. Einaja bä amowabö a̦ cuu.