Filemón 1:22 - Biblia Yanowamö

²² Abenaja ca̦i. Ya fama nia lä bälöo wei, a yano ca̦i da dodijidablalö. Wale nö bayeli nacaö yalo, cafä bä fe nia lä waloo wei, Yai Bada lija ya mölaö waiquia.

Filemón 1:22 Iomraidhean Croise

Hechos 27:24

abinaja wale nowa tama. “A quili dijä, Pablo. Sesa nija wa icuobä wa waiquiwä. Wa bä befi ca̦i lä caläle bä ma cui, Yai Bada tänö ö̦jö bä bayeliblaö bufi doblaa mö fedua lä cule”, wale nowa tama.

Hechos 28:23

Pablo a lä bälöono wei a yafi jamö bä co̦cablou co̦obä, tä a̦fa mö jalu fa wäyäjenö, bluca bä waloa co̦queyoluma. Ö̦jö bä nija Pablonö tä a̦ jaba wäyäö fa fenaonö, a wa̦ wayou showai a fe weyalayoma. Yai Bada tänö cama ebä ca̦i lä cuo wei tä a̦ wawäblamalema. Jesús a wa̦fa wäyäö ja, Moisesi tä a̦ ma cui, Yai Bada a wa̦no wäyälewä bä a̦ ma cui, ö̦jö tä a̦fa bluca jayumaö showaoma, bä bufi jaducublamaö fe yadiobä.

Romanos 15:24

Ö̦jö cudeenö bämacö nia lä möö wei tä ja, ya mölaö waiquia. España jamö ya fuu däjä, bämacö möö jayuabä. Cafä wamacö lijamö dodijidawä ya cublaa fa balöicunö, ya fuu co̦ofälöö däjä wamale bayeliblafälöbä.

2 Corintios 1:11

Cafä wamacö ma cuinö, Yai Bada lija wamalecö ca̦i da bayelima, bluca bänö yamalecö nö bayeli fa nacajenö yamacö bayeliblamobä. Yamacö lä bayeliblamou wei tä ja, Yai Bada lija bluca bä bufi a̦fa ca̦i doblalou wäyämou mö feduobä. Inaja lä yai.

Filipenses 1:19

¡Ya bufi doblalobä lä! Abenaja ya bufi malä cuu wei. “Ya nö lä bleaale, cafä wamacönö wamale bayelimaö malä cui. Yai Bada lija wamacö a̦ fa fanö, Jesucristo a Bufinö wale fa bayelibonö, ya bayelio fe yadio weicätä”, ya bufi cuu talei.

Filipenses 2:24

Camiyä ya ma cui, cafä wamacö lija ya ca̦i fuu jaödaobä, Bada tä lija ya mölaö showaa lä cule.

Hebreos 13:19

¿Ö̦jö tawä? Wamale bayelimaö da dodijio, cafä wamacö lijamö Yai Bada tänö wale shimaö co̦obä.

Hebreos 13:23

Timoteo a fujeblaö co̦layou lä cufajei. Ö̦jö lä wama tä dabä ya wa̦. Eja a waloo jaödaoyoluu ja, ö̦jö sho bämacö fe nia walou.

Santiago 5:16

Ö̦jö cudeenö wamacö doblou lä mlai, wawädowä wamacö a̦ nö fa wäonö, Yai Bada nija bä da bayelimayo, wamacö jalou co̦obä. Yai Bada nija a lä cadidou wei a wa̦ faö ja, a wa̦ nia ji̦liaö si ijejeo. A nö bayeli nacao däjä cama etä nia yai cublou.

2 Juan 1:12

Cafä wamacö nija ya tä a̦ oni shömabä ya tä a̦ bluca tabou ma cule, inaja lä balöwä. Ya tä a̦ oni shömaö mlai, bämacö fe walobä ya nö shino daa lä cule. Bämacö möyou däjä bämacö a̦ yai wayobä, bämacö bufi yai doblamayobä.

3 Juan 1:14

Bäfäcö dablayou fa jaödaonö, dodijidawä bäfäcö a̦ yai wayobä.