Filemón 1:16 - Biblia Yanowamö

¹⁶ Wa wa̦ fuamou buobä mlai, fei däjä Jesucristo e yai cublaliyoma yalo, wa nia yai nofimaö. Wa nofi nia yai tabou. ¿Ö̦jö tawä? Camiyänö ya nofi tabou ma cui, cafänö wa nofi tabobä wa yai. Afä wa tabou malä balöono wei. Fei däjä Bada a lija a bufi cuquema yalo, wa nofi nia yai tabou majöo.

Filemón 1:16 Iomraidhean Croise

Mateo 23:8

’¿Ö̦jö tawä? —a cuma—. Ö̦jö ma cui, cafä wamacö lä cui, “Tä a̦ wäyäle”, bä nowa tamamou bufio dijä. Cafä wamacö nija ya tä a̦ lä wäyäö wei, ei ö̦jö moli lä ya waiquiwä malä cui. Cafä wamacö lä cui, moli wamacö ca̦i mashi.

Hechos 9:17

Inaja a nowa fa talönö, Anania a aa showalayofälöma. A fa yafilönö, Saulo a dalalema. Imicö maquelanö, abinaja a nowa tama. —U̦asi. Saulo. Cafä nijamö, Bada tä Jesúsnö wale shömölei lä cufe, wa juimabä jamö a dablamou lä läono wei a lä cuinö. Wa mamocu dodijidablou co̦obä wale shömölema, Yai Bada tä Bufinö wa ca̦i jödödöblou showaobä —a cuma.

1 Corintios 7:22

Bä nosie fuamobä wa lä tabou wejei wa lä cui, Bada tä lija wa bufi cuo ja, jai wa fujemoa waiquilayoma Bada tänö wa nofi tabou. Jesucristo lija wa bufi cuobä wa bufi malä fujeblamono wei. Inaja showawä, bä nosie fuamobä wa tabou lä mlajei wa lä cui, shomi täbä lija wa ojodamou ma mlai ma cui, Jesucristo lija wa bufi cuo ja, cama Jesucristo lija wa yai ojodamobä wa tabou malä cui.

Colosenses 3:22

Bä nosie fuamobä wamacö lä tabou wejei wamacö lä cui lija ya wa̦ faö majöo. Bita jamö wamacö bälöo showao däjä, wamacö lä tabou wejei dodijidawä bä a̦ da fuaje. Bä mamo showao däjä shi̦lo mlai. Yanowamö täbä lija wamacö dodijidawä dablamobä ca̦i mlai. Bada tä Jesucristo lija wamacö fa quilinö, bufi cadidilanö wama bä a̦ shi̦lo yai fuabä.

1 Timoteo 6:2

Bä lä tabou wejei bänö Yai Bada tä bejedi ca̦i bufibou mö feduoje ja, bä nö waiblaö mlajei, bä a̦ yai fuaö dodijidaobeje. Bä lä bayeliblamou wei bä lä cuinö, Jesucristo a ca̦i bufiblaö mö malä feduo wejei. Yai Bada tänö, ö̦jö bä nofimaö mö malä feduo wei. ¿Ö̦jö tawä? Ei tä a̦ lä cui, wa tä a̦ wäyäö cadidiobä. “Ei tä a̦ da däleje”, wa bä nowa taö dodijio.

Hebreos 3:1

¿Ö̦jö tawä, iba wamacö? Jesucristo ai ebä yaia lä culenaja, cafä wama ecö ma cui, wama ecö yaia cua mö fedua. Cafä wamacö ma cui, wamacö ca̦i cadidia mö fedulema. Jesús lija bä bufi da daeo, Yai Bada a wa̦no wäyäyolubä a lä shimöledayono wei a lä cui lija. Nofi bäyäalewä bäma a shi̦lo Bada bufibobä, ö̦jö Jesús a waiquiwä.

1 Juan 5:1

“Yai Bada tänö a shömabä a lä yaileno wei, ö̦jö Jesús a waiquiwä”, bä bufi lä cuu wei, Yai Bada bei ijilubö ebä waiquiwä. ¿Ö̦jö tawä? Bä fö̦ö ebä lä nofimaö wejei bä lä cuinö, bä ijilubö ebä ca̦i nofimaö mö feduo malä cujei.