Éxodo 8:8 - Biblia Yanowamö

⁸ Ö̦jö däjä bada a lä cuinö, Moisesi, Aaloni sho cäcöbö fa nacamalänö, abinaja cäcöbö nowa tama. —Jeobaa nija yamalecö da bayelimabö. Camiyä nija ma cui, iba ya bä nofi bluca lä tabou wei bä nija ma cui, bucu bucumö bä juu mladobä, cäcöbö a̦ fe da blacäjo. Bä juu fa mladalunö, Jeobaa nija yalo wama bä ö̦shö dodobobä, bämacö shömaö co̦o weicätä —a cuma.

Éxodo 8:8 Iomraidhean Croise

Éxodo 10:16

Ö̦jö däjä bada anö Moisesi, Aaloni lobe cäcöbö nacaa jaödaa co̦lema. Abinaja a cudou mö balayoma. —Ya dobloimi waiquiwä. Jeobaa wama a lä bufiblaö wei ya wa̦ ji̦lianomi. Cafä wafäcö ma cui, bäfäcö a̦ ca̦i ji̦liblanomi.

Éxodo 10:17

¿Ö̦jö tawä? Ö̦jö cudeenö, camiyä nija ei ya lä cuaafe tä ja, ei moli däjä, cäcöbö bufi da asiicu. Jeobaa wama a lä bufiblaö wei nija, wale nofi ojode tablamaböö da bufi, ei bä sequi sequima lä cuinö yamalecö ofili nomablamaö showadao mlaobeje —a cuma.

Éxodo 10:18

Ö̦jö cudeenö, bada e yafi jamö Moisesi a faa fa co̦lufälönö, Jeobaa nija bä nö bayeli nacaö co̦oma.

Éxodo 14:5

Ejidoteli bada a lä cuinö, Isaeli ebä lä doculayono wei tä a̦ fa ji̦lilänö, a bufi shomidou co̦layoma. Cama bada a ma cui, cama ebä lä yädämabono wei bä ma cui, bä bufi shomidou fa co̦lunö, abinaja bä nowa tayolayoma. —¿Wedi bäma tä li taö dicoo cufe? Isaeli ebä lä cui, bämacö nosie juamobä bä ma cui, ¿wedi tä tabä bäma bä li docua dicomalei cufe? —bä nowa tayolayoma.

Éxodo 32:11

Ö̦jö ma cui, Jeobaa a lä bufiblaö wei a wa̦ nia fa oquemanö, abinaja Moisesi a cuma. —Cafä Jeobaa wa nija ya wa̦ faö lä cule. Cafä wa nö wa̦lojaö fa ayaonö, Ejido jamö afä wa bä ma co̦leno wei ma cui, ¿wedi tä tabä wa li jushudou fa nomöjölonö, bei wa bä nia li waicaö nomöjöo? Wa bä co̦aö ja, wa nö wa̦lojaö fa ayaonö, wa lojode damoa waiquilaliyoma.

Éxodo 5:2

Ö̦jö ma cui, bada a wa̦ läoma. —¿Wedi bei tä li Jeobaa, ya wa̦ li ji̦liabä? ¿Wedi tä li Jeobaanö, Isaeli bei ebä li shömaö co̦o bufii cufe? Jeobaa ya tä daimi. ¿Ö̦jö tawä? Isaeli ya ebä nia shömaö co̦omi waiquiwä —a cuma.

Éxodo 8:15

Ö̦jö ma cui, tä jaba dodijidablou co̦o fa dalalönö, bada a bufi jifudou co̦layoma. Cäcöbö a̦ ji̦lianomi co̦wä, Jeobaa a lä cuno weinaja showawä.

Éxodo 8:29

Ö̦jö däjä, Moisesi a wa̦ falayoma. —Bei. Ya co̦o a lä cule. Jeobaa nija ya nacou weicätä. Fena ja showadawä, cafä wamacö nija asibä blicumö shimocole lä yäö wei asibä mladou showadaobä, ya wa̦ nia faö. Cafä wa ma cui nija, afä wa bä lä yädämabou wei bä ma cui nija, afä bluca wa bä nofi lä tabou wei bä ma cui nija, asibä mladamabä, ya wa̦ nia faö. Ya wa̦ nia faö lä ma cui, wale a̦ da ji̦lilä. Jeobaa nija yalo bä ö̦shö dodobobeje wa bä nia lä shömaö wei tä ja, a jolemou co̦daa dijä, ö̦jö lä —a Moisesi cuma.

Éxodo 8:32

Ö̦jö ma cui, bada a bufi jifudou fa co̦lonö, Isaeli ebä shömanomi co̦wä.

Éxodo 8:9

—Ja̦o —Moisesi a cuma—. Cafä ma cui, afä wa bä lä yädämabou wei bä ma cui, afä bluca wa bä nofi lä tabou wei bä ma cui, Jeobaa nija bämacö bluca bayelimaö wä. Cafä wamacö nija bä bucu bucumö lä cublai bä mö watäblobä, bei wamacö yafibö jamö bä lä lucälaliyono wei bä mö ca̦i watäblobä, ya wa̦ faö wä, Nilo u jamö bä shino feiobä. ¿Wedi däjä ya wa̦ yai fabä, ö̦jö lä?

Éxodo 9:27

Ö̦jö däjä, bada a lä cuinö, Moisesi, Aaloni sho cäcöbö fa nacamalänö, abinaja cäcöbö nowa tama. —Bejedi lä, ya doblonomi dicowä. Jeobaa a shino bejedi. Iba ya bä ca̦i lä cule, ya bä ca̦i li dobloimi.

Éxodo 9:28

Jeobaa nija yamalecö bayeliblamaö da bufibö. Ei ya̦lu a wa̦ lä cui, bleyula bä lä cui, ¡inaja lä waiquiwä! Bämacö shömaö co̦o weicätä. Eja wamacö nia bälöomi —a cuma.

Éxodo 9:33

Ö̦jö cudeenö, bada e yafi jamö Moisesi a faa fa co̦lufälönö, ai bä yafi lä cule bä fa jayudalönö, Jeobaa nija bococu yalejedaliyoma. Bococu fa yalejedalunö, a wa̦ ya̦lu waidaliyoma. Bleyula bä ca̦i mladaliyoma. Maa a ca̦i mladou showalayoma.

Números 21:7

Moisesi nija bä fa icuicunö, abinaja bä cuma. —Yamacö doblou dicoa mlaa lä cule. Jeobaa ma cui nija, cafä wa ma cui nija, yamacö jölaö dicooma. Jeobaa nija yamalecö nö bayeli da naca, olu bä blajaamaö co̦obä —bä cuma. Ö̦jö cudeenö, Moisesinö bä nö bayeli nacama.

Hechos 8:24

Simón abinaja a cuu mö feduoma. —Bada tä nija wafäle da bayelima, wafäcö lä cufenaja wale taamaö dicoo mlaobä —a cuma.

1 Samuel 12:19

Isaeli ebä bluca lä cui, abenaja bä cuma, Samuel lija. —Jeobaa lija yamalecö da bayelima, yamacö nomaö mlaobä. Cafä wa wa̦ fuamobä yamacö. Yamacö showadi dobloimi ma cui, fei däjä, “Bada a yai läobä”, yamacö cuu nofi jushuaö ja, bejedi lä yama tä balamaö mada cublei —bä cuma.