Éxodo 8:4 - Biblia Yanowamö

⁴ bä nia bucu bucumö cuo jödödöblou. Cama nija ma cui, cama ebä lä yädämabou wei bä nija ma cui, cama bluca ebä nofi lä tabou wei bä nija ma cui, bä nia cublamou jödödou. Einaja bada wa nowa tabä —Jeobaanö Moisesi a nowa tama.

Éxodo 8:4 Iomraidhean Croise

Éxodo 10:17

¿Ö̦jö tawä? Ö̦jö cudeenö, camiyä nija ei ya lä cuaafe tä ja, ei moli däjä, cäcöbö bufi da asiicu. Jeobaa wama a lä bufiblaö wei nija, wale nofi ojode tablamaböö da bufi, ei bä sequi sequima lä cuinö yamalecö ofili nomablamaö showadao mlaobeje —a cuma.

Éxodo 8:24

Inaja Jeobaa a cuaaö showaoma. Bada a yafibö ma cui jamö, cama ebä lä yädämabono wei bä yafibö ma cui jamö, asibä bluca shimocole fablou nö quiliama. Ejido jödödöwä tä ulifi jamö ma cui, blicumö asibänö, tä ulifi wa̦lidiblaliyoma.

Éxodo 8:3

’Bucu bucumö bänö Nilo u fa jödödöblalunö, bä washölöblou fa nomöjölonö, cama nija bä nia yafii. A lä mio wei jamö ma cui, a lä maqueo wei jamö ma cui, bä nia jödödöwä cublou. Cama ebä lä yädämabou wei bä yafibö jamö ma cui, cama ebä nofi bluca lä tabou wei bä yafibö jamö ma cui, nii bä lä löböaö wejei jamö ma cui, nii bä lä taö wejei jamö ma cui,

Éxodo 8:5

Moisesi nija abinaja Jeobaa a cuu co̦oma. —Bei. Aaloni a da yömöla. Fii wa defi fa dämalänö, bada ubä bada lä cublai jamö ma cui, bocu ubä lä cublai jamö ma cui, wiisibö uca bä wai lä cublai jamö ma cui, fii definö ubä jömaö fa cuaanö, Ejido jamö bucu bucumö bä washölöblamabä —a cuma.

Éxodo 9:28

Jeobaa nija yamalecö bayeliblamaö da bufibö. Ei ya̦lu a wa̦ lä cui, bleyula bä lä cui, ¡inaja lä waiquiwä! Bämacö shömaö co̦o weicätä. Eja wamacö nia bälöomi —a cuma.

Números 21:7

Moisesi nija bä fa icuicunö, abinaja bä cuma. —Yamacö doblou dicoa mlaa lä cule. Jeobaa ma cui nija, cafä wa ma cui nija, yamacö jölaö dicooma. Jeobaa nija yamalecö nö bayeli da naca, olu bä blajaamaö co̦obä —bä cuma. Ö̦jö cudeenö, Moisesinö bä nö bayeli nacama.