Éxodo 8:11 - Biblia Yanowamö

¹¹ Cafä wa ma cui nija, wamacö yafibö ma cui nija, afä wa bä lä yädämabou wei bä ma cui nija, afä wa bä nofi bluca lä tabou wei bä ma cui nija, bucu bucumö bä nia juu mladou. Nilo u jamö ö̦jamö bä nia shino feiblou —Moisesi a cuma.

Éxodo 8:11 Iomraidhean Croise

Éxodo 4:21

Ö̦jö däjä, Moisesi nija abinaja Jeobaa a cuma. —Ejido jamö wa waloo co̦o däjä, bada a mamo showao däjä, a nö quiliaö da dodijio. Bäfä da damablei wa tä tabä, bäfä nö wa̦lojamaö waiquia lä cule. ¿Ö̦jö tawä? Ö̦jö ma cui, Isaeli ebä shömaö co̦o mlaobä, ya bufi nia lojododamaö.

Éxodo 7:13

Inaja tä ma cuono wei ma cui, bada a bufi lojodoo fa waiquionö, cäcöbö a̦ ji̦liaö bufionomi, Jeobaa a lä cuno weinaja showawä.

Éxodo 7:14

Ö̦jö däjä, abinaja Jeobaa a cuma, Moisesi nija. —Bada a bufi lojode waiquia. Isaeli ebä shömaö co̦o mlaobä, a bufi läa.

Éxodo 8:12

Ö̦jö cudeenö, bada e yafi jamö Moisesi, Aaloni sho cäcöbö faa co̦layofälöma. Jeobaa nija Moisesinö a bayeli nacabä, a wa̦ fama, bada a sho cäcöbö nowa lä tayono weinaja showawä.

Éxodo 8:13

Ö̦jö däjä, Moisesi a lä cuno weinaja, Jeobaa a cuaaö cadidioma. Ejidoteli bä yafibö jamö ma cui, bä je̦fabö jamö ma cui, bä ulifibö jamö ma cui, bucu bucumö bä nomaa jödödölaliyoma.

Éxodo 8:3

’Bucu bucumö bänö Nilo u fa jödödöblalunö, bä washölöblou fa nomöjölonö, cama nija bä nia yafii. A lä mio wei jamö ma cui, a lä maqueo wei jamö ma cui, bä nia jödödöwä cublou. Cama ebä lä yädämabou wei bä yafibö jamö ma cui, cama ebä nofi bluca lä tabou wei bä yafibö jamö ma cui, nii bä lä löböaö wejei jamö ma cui, nii bä lä taö wejei jamö ma cui,

Éxodo 8:9

—Ja̦o —Moisesi a cuma—. Cafä ma cui, afä wa bä lä yädämabou wei bä ma cui, afä bluca wa bä nofi lä tabou wei bä ma cui, Jeobaa nija bämacö bluca bayelimaö wä. Cafä wamacö nija bä bucu bucumö lä cublai bä mö watäblobä, bei wamacö yafibö jamö bä lä lucälaliyono wei bä mö ca̦i watäblobä, ya wa̦ faö wä, Nilo u jamö bä shino feiobä. ¿Wedi däjä ya wa̦ yai fabä, ö̦jö lä?