Éxodo 5:8 - Biblia Yanowamö

⁸ Ö̦jö ma cui, mashita bä jaba taöje ja, bä bluca tablaö lä cuono weinaja, wama bä tamaö cuo showaobä, bolacadabö nomöjöwä mlai ja. ’Tä tabeje tä cuami waiquiwä cudeenö, bä a̦ shomiablalou waiquiwä malä cui. Tä lä bufiblaö wejei tä nija, yalo bä ö̦shö dodobou bufi fa doblaojenö, bä a̦ malä nacläaö wei.

Éxodo 5:8 Iomraidhean Croise

Éxodo 1:11

Ö̦jö cudeenö, Isaeli ebä nosiemaö fe blacäjobeje, bada bä lämaquemaje. Bä ojodamobä jamö bä fe fa blacäjamajenö, bä nö bleaamamaje. Bada a wa̦ ja, shabono bolacabö cäcöbö bada tablamalemaje, nii bä shi̦liqui shömomabeje. Ai a shabono lä cui, Bidono tä a̦fa shabono cuoma. Ai a mö feduwä lä cui, Lamesei bei tä a̦fa shabono cuo mö feduoma.

Éxodo 5:17

Ö̦jö ma cui, abinaja bada anö bä nowa tama. —Ma. Wamacö ojodamou bufiomi waiquiwä. Ö̦jö cudeenö, Jeobaa nija wama bä jo̦wa yalo ö̦shö dodobou bufi doblao dicoo talei.

Éxodo 5:19

Mashita bä bluca jaba omaö lä cuono wejeinaja, bä omaö cuo fe yadio fa bufinö, Isaeli ebä bada lä cui, bä bufi möblaliyoma. Ö̦jö däjä, “Bämacö nö bayeliblamobimi waiquiwä”, bä bufi cudaliyoma.

Éxodo 5:7

—Bei. Isaeli ebä lä cuinö, mashita bä jamö bölösö bä coyocabeje, bä bölösö jöbäaö co̦daa dijeje. Wama bä jaba lä taamano weinaja, bä cuaaö co̦daa dijä. Cama bänö bölösö bä daei fa cuaajenö, bä däabeje.

Éxodo 5:9

Bä yai da ojodamomaje, ö̦jö lä. Bä fe da blacäjamaje, ei cäcöbö a̦ ja, bä yabäcamou co̦daaö mlaobä. Cäcöbö malä jolemou wei —Ejidoteli bada a cuma.