Éxodo 5:1 - Biblia Yanowamö

¹ Ö̦jö tä cublou waiquilayono wei ja, bada a lä cui nija, Moisesi, Aaloni sho cäcöbö fa icuicunö, abinaja a nowa taböma. —Jeobaa yafä a wa̦no wäyäö lä cule, Isaeli yama ecö nija a lä bufiblamou wei a lä cui. Ulifi bloque jamö cama nija bä iyaö ca̦i co̦camobä, ebä shömöa da co̦lu —a nowa taböma.

Éxodo 5:1 Iomraidhean Croise

Éxodo 10:3

Ö̦jö cudeenö bada a nija Moisesi, Aaloni sho cäcöbö lucäa fa co̦lufälönö, abinaja a nowa taböma. —Jeobaa a lä cui, ebleo yamacö nija a lä bufiblamou wei a lä cui, ö̦jö yafä a wa̦no taö co̦a lä cule. Wa möfe boobä wa ma cui, ¿wedi tä tabä wa fe li blacäjou showawä? ¡A lojode da dalalö! Cama ebä shömaö da co̦o, a nofi co̦camoabeje.

Éxodo 10:4

Cama wa ebä noshi umabou dicoo ja, fena ja afä tä ulifi jamö sequi sequima bä nia wawämaö dodijio.

Éxodo 10:9

Abinaja Moisesi a cuma. —Oshe bä ma cui, bada bä ma cui, camiyä yamacö ijilubö ma cui, tääbö ma cui, bluca yama bä ca̦i nia juu. Baca bä ma cui, oweja bä ma cui, ö̦jö yamacö yalobö ca̦i nia juu. Jeobaa nija yamacö nia iyaö ca̦i malä co̦camou wei —a cuma.

Éxodo 3:18

’Isaeli ebä bada lä cuinö wa wa̦ fa ji̦liläjenö, Ejidoteli bada a lä cui nija, ö̦jö wa bä ca̦i nia icuo —a cuma—. Ö̦jö nija abinaja wamacö nia cuu. “Ebleo yamacö nija Jeobaa yama a lä bufiblaö wei a wawälayoyoluma. ¿Ö̦jö tawä? Ulifi bloque jamö yamalecö da shöma. Bolacabö yamacö fa miicufälönö, yamacö nia weyade waloo. Ö̦jamö yama tä lä bufiblaö wei tä Jeobaa nija, yalo yama bä fa shänö, yama bä ö̦shö dodobobä.” Einaja bada wama a nowa tabä.

Éxodo 33:13

¿Ö̦jö tawä? Bäfä bufi doblamabou waiquiwä ja lä, wale yömölaö da cadidio. Yamalecö nia lä taamaö weinaja, wale yömölaö fa cadidionö, camiyänö cafä bäfä li daö mö feduobä. Bäfä a̦ ji̦liaö fa shalilionö, bäfä bufi doblamabou showaobä. Ei bä bluca lä cui, “Iba ya bä lä yaileno wei bä li waiquiwä”, bä nofi da tabo —Moisesi a cuma.

Éxodo 4:23

Bä fö̦ö ya e lä cui, yale nosie shino yai juabä, a shömaö co̦o da bufi. ¿Ö̦jö tawä? Inaja ya ma cuu wei ma cui, ijiluyä a noshi umabou dicoo ja, cama bei ijilubö jaba a lä cui, ya nia shäö. Einaja bada a nija wa cubä —Jeobaa a cuma, Moisesi nija.

Éxodo 6:11

—Bei. Ejidoteli bada nijamö a lucäa da co̦lufälö. Isaeli ebä shömaö co̦o da bufi, Ejido tä ulifi jamö bä faö co̦ofälöbä —a cuma ma cui,

Éxodo 7:16

Bada wa nowa nia taö. Ebleo wamacö nija ya lä bufiblamou wei ya Jeobaa lä cuinö, cama nija bäfä shömölema, wale a̦no wäyäbä. Iba bä shömaö co̦obä, ya wa̦ fama, ulifi bloque jamö wale nofi co̦camoabeje. Ya wa̦ ma fano wei ma cui wale a̦ ji̦liblaimi showawä.

Éxodo 7:2

Cafä nija ya tä tamaö lä bufii wei, a̦iyofä nija wa tä a̦ nia bluca wäaö nomöjöo. Ö̦jönö, bada a nija tä a̦ wäyäö ja, wale a̦no taö fe dolemou wä. Cama a ulifibö jamö Isaeli ebä shi ma wa̦limabole ma cui, bä shömaö co̦obä, a wa̦ nia faö ma cui

Éxodo 8:1

Ö̦jö däjä, abinaja Jeobaanö Moisesi a nowa tama. —Bada a nija wa fa lucälönö, a da yömöla. “Jeobaa ya wa̦no wäyäö lä cule”, wa nowa taö dodijio. Iba bä shömaö co̦o da bufi, wale nofi co̦camoabeje.

Éxodo 8:16

Ö̦jö däjä, Moisesi nija abinaja Jeobaa a cuma. —Bei. Aaloni a da yömöla. Fii wa defi fa dämalänö, mashita jamö bä coshi coshi lä cule bä shämaö da bufi, Ejido tä jödödöwä jamö walaba coshibä cublobä —a nowa tama.

Éxodo 8:17

Inaja cäcöbö cuaaö showaoma. Aaloninö defi fa dälänö, mashita jamö bä coshi coshi lä jilao wei bä shäquema. Bä fa shäcönö, yanowamö täbä ma cui nijamö, yalo bä ma cui nijamö, walaba coshibä jödödöwä yädäolaliyoma. Ejido tä jödödöwä jamö ma cui, coshi coshibä bluca lä cublai, walaba coshibä cublaliyoma.

Éxodo 8:20

Ö̦jö däjä, Moisesi nija abinaja Jeobaa a cuma. —Wa jocäblou fa fenablalunö, mau u jamö bada a nia lä juu wei jamö a da läicu. A waloquei ja, a da yömöla. “Jeobaa ya wa̦no wäyäö lä cule”, wa nowa taö dodijio. Iba bä shömaö co̦o da bufi, wale nofi co̦camoabeje.

Éxodo 8:27

Ma, ulifi bloque jamö yamacö nia shino juu. Bolacabö yamacö fa miicufälönö, yamacö weyade waloquei. Ö̦jamö lä, Jeobaa yama a lä bufiblaö wei nija, yalo yama bä ö̦shö nia dodobodayou, camanö tä tamaö lä bufii weinaja showawä —a cuma.

Éxodo 9:1

Ö̦jö däjä, Moisesi nija abinaja Jeobaa a cuma. —Bada a lä cui nijamö wa lucäa fa co̦lunö, a da yömöla. Abinaja wa nowa tabä. “Ebleo yamacönö yama tä Jeobaa lä bufiblaö wei, ö̦jö ya wa̦no wäyäö lä cule”, wa nowa taö dodijio. Iba bä shömaö co̦o da bufi, wale nofi co̦camoabeje.

Éxodo 9:2

Bä noshi umabou dicoo ja, bä shi wa̦limabou dicoo ja,

Mateo 10:18

Iba wamacö yalo, bada bä yai bälöo lä dodijio wei bä nijamö wamacö nia lulubou fe yadioje. Bada bänö cama ebä lämabou mö lä feduo wejei bä ma cui nijamö, inaja showawä. Judio bä ma cui nija, judio bä lä mlai bä ma cui nija, ö̦jö bä nija wamale a̦fa wäyäbä, ö̦jö tä ca̦i nia cuo.

Mateo 10:28

Yanowamö täbä nö quili ta dijejä. Bei wamacö shäö ma cujei, bei wamacö bufi nia nomamaimije. Ma, Yai Bada a nö quili yai shino da taje. Ö̦jönö täbä shäö däjä, bei täbä ma cui, bei täbä bufi ma cui, shobali wacö jamö täbä nö yai bleaamaö lä daö wei, ö̦jö a.

Hechos 4:29

’Fei däjä ma cui, ei wa bä a̦ ji̦liaö, Bada tä —bä cuma—. Bä jo̦wa waitelimou bufi doblao. ¿Ö̦jö tawä? Cafä wa wa̦ juamobä yamacö lä cui, yamacö bufi da lojodomabo, quilii mlai ja, afä yama tä a̦ wäyäö fe yadiobä.

1 Corintios 5:8

Ö̦jö cudeenö, täbä bufi doblalou ca̦i lä iyaö weinaja bämacö bufi ca̦i doblalou da cuo. Nii ajamö, julumamodima tä coyocaö mlajei ja, täbä iyaö lä cuaaö weinaja showawä. Wa̦lidiwä tä lä cui, nofi wa̦liayou tä lä cui, bäma tä coyocobou mlai ja. Bämacö bufi lä cadidou wei tänö, bämacö ca̦i lä bejedimou wei tänö, bämacö bufi doblalou ca̦i cuo showaobä.