Éxodo 40:3 - Biblia Yanowamö

³ Ö̦jamö camiyä ya wa̦no oni didiobä defi ca lä cui, wa defi ca nia lucämaö, wamale a̦ nofi jaducubobä defi ca lä cui. U̦eshi jamö defi ca cuobä, camishi wa cö acadafu nia läaö.

Éxodo 40:3 Iomraidhean Croise

Éxodo 25:10

Jeobaanö, abinaja Moisesi a nowa ca̦i tama. —Fii wa defi ca nia tablamaö, ya wa̦no oni didiobä. Defi liyäjäwä lä jifui defibä acadafu ja, defi ca nia tablamou. Abinaja defi ca blewä cuwä, wa defi ca tablamabä. Defi ca nia labe lä wädöo weinaja, moli wa mata lä quedou weinaja, wa defi fe nia ijede dolejeblamaö. Defi ca nia faujuwä lä wädöo weinaja, moli wa mata lä quedou weinaja defi nia ijede jawäo. Defi ca faujuwä cuobänaja, defi ca nia ösöwä cuo mö feduo.

Éxodo 25:22

Ö̦jamö bäfäcö a̦ wayobä, ya nia cuo showao. Ya wa̦no oni didiobä defi ca tä feyaca lä cui, ö̦jö tä feyaca fedu jamö ya culanö, ya wa̦ nia faö, yai waiteli täcöbö majecö lä döbädäle tä möamo jamö. Isaeli ya ebä taamaö lä bufii wei tä ja, cafä bäfä nia yömölaö, cama bä nija wale a̦no wäyäö nomöjöobä.

Éxodo 26:31

Abinaja Jeobaa a cuma. —Camishi dodijidawä cäcö acadafu läobä, bada wa cö nia tablamaö. Shuducaje au cäcö yai lä dodijidai cäcö ja, wa cö nia tablamaö. Shi de̦lelewä wa ubä nia ca̦i coyocoblamaö, ushi wacäjäwä ubä ca̦i, wacä ubä ca̦i. Cäcö nia yai liyäjäblaöje. Yai waiteli täbä majecö ca̦i lä cui, wa täbä nö nia idubö ca̦i diyäa coyocoblamaö.

Éxodo 31:7

’Iba yano ma cui, a nia taöje —a cuma—. Ya wa̦no oni didiobä defi ca ma cui, defi ca ca̦i nia tablaöje. Ö̦jö defi ca fe laobä tä ma cui, tä nia taöje. Ö̦jö a yano jamö cäbä madofi nia bluca lä cuo wei bä ma cui, bä nia bluca taöje.

Éxodo 35:12

’Jeobaa a wa̦no oni didiobä defi ca ma cui, ö̦jö defi ca bälabeje deficö nia lä lucäo wei deficö ma cui, ö̦jö defi ca fe laobä tä ma cui, wama täbä nia bluca tablaö —a cuma—. Jeobaa e yano jamö camishi acadafu cäcö nia lä läo wei cäcö ca̦i, e yano yai nowamaö lä dodijio wejei jamö.

Éxodo 35:4

Cama Isaeli ebä bluca nija abinaja Moisesi a cuma. —Cafä wamacö nija Jeobaanö tä taamaö lä bufii wei, ei tä a̦.

Levítico 16:14

’Ö̦jö däjä, baca wa̦lo lä cui, ö̦jö i̦yäbö mashi fa dälänö, defi ca mashi sibo jamö, bei iminö i̦yäbö nia yomösaö—a cuma—. Defi ca däjämö ma cui, 7 i̦yäbö nia yomösaö cuo.

Hebreos 9:3

Acadafu cäcö lä läle tä mashi jamö, ai a yano olaoma. Ö̦jö a lä cui, “A yano yai nowamaö lä dodijio wejei”, a wa̦fa yano jilabou mö feduomaje.

Apocalipsis 11:19

Ö̦jö däjä, fedu jamö Yai Bada etä yafi yoca fa caloblalönö, cama etä yafi u̦eshi jamö Yai Bada a wa̦no oni lä didile defi ca damolaliyoma. Madula a ca̦i wacö blada bladamoma. Täbä a̦ bluca ca̦i mashiquiwä ji̦lioma. Ya̦lu a wa̦ ca̦i faö nö quiliama. Ulifi a ca̦i bada blösö blösömoma. Bleyula bä ca̦i nö bada blalölou nö quiliama.