Éxodo 4:5 - Biblia Yanowamö

⁵ —¿Ö̦jö tawä? —Jeobaa a cuma—. Aminaja wa nia cuaaö, wa wa̦ bejedi bufibeje. “Nö badabö Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija tä lä bufiblamou wei tä lä cui, ¡Moisesi nija bä tä bejedi wawäa nodilayoma lä!” wa nofi tabobeje —Jeobaa a cuma.

Éxodo 4:5 Iomraidhean Croise

Génesis 12:7

Ö̦jamö lä Ablamö nija Jeobaa a fa damolalunö, a wa̦ fama. —Cafä nija bä nia lä nodiblou wei bä lä cui nija, ei ya tä ulifi nia jöböaö —a nowa tama. Cama nija Jeobaa a damolaliyoma cudeenö, ö̦jamö lä showawä, bä yalo maqueblamobä täcö i̦taquema, Jeobaa nija bä yalo dodobobä.

Génesis 17:1

Ablamönö lasha 99 a fa famalönö, cama nija Jeobaa a damoa co̦laliyoma. Abinaja a cuma. —Yai Bada ya nö lä wa̦lojaö wei cä ya. Wale a̦ da julä. Camiyä nija a bufi da cadidiicu.

Génesis 18:1

Bei. Mamle efibä bada lä ublajaono wei jamö, ö̦jamö lä, Ablaamö nija Jeobaa bei tä damolaliyoma. Motoca a caöblou däjä, bei yoca lä joleono wei jamö, a möfe boo ca̦i loo däjä, bei a bädaliyoma.

Génesis 28:13

Ö̦jö däjä, Jacobo a lä mile jamö, Jeobaa a majali fa ublaalunö, a wa̦fa wämoquema. —Jeobaa cä ya —a cuma—. A̦iyofä Ablaamö a ma cui nija, faafä Isaacö a ma cui nija, ö̦jö cäcöbö nija ya lä bufiblamou wei ya. Miji wa lä mile tä ulifi lä cui, cafä nija ya tä ulifi nia jöböaö. Ijilufä bä nodiwä ma cuinö, tä nofi ulifi tabou nodiablalou juo showaobeje.

Génesis 48:15

Imicö fa maqueicunö, Jeobaa nija, José ebä bayelimaö bufima. —Fayä Isaacö sho, a̦iwä Ablaamö sho cäcöbö lä cuinö, showadi Yai Bada a nosie fa juabönö, cäcöbö bufi cadidoma. Ö̦jö a Yai Bada showawä lä cuinö, camiyä showadi wale lulubou cudeenö, wale lulubou malä showale.

Génesis 48:3

José nija abinaja Jacobo a cuma. —Canaana jamö ya cuo däjä, Lusi tä ulufi jamö, camiyä nija Yai Bada tä nö lä wa̦lojaö wei tä fa wawäblalunö, ya nia lä bayeliblamono wei tä a̦fa wäbema.

1 Reyes 18:36

¿Ö̦jö tawä? Isaeli ebä lä cuinö, yalo bä weyade lä dodobou wejei tä cublou däjä, Jeobaa a wa̦no wäyälewä Elia a ajedeblaliyoma. Jeobaa lija abenaja a cuma. —Jeobaa wa tä. Ablaamö a ma cui lija, Isaacö a ma cui lija, Isaeli a ma cui lija cafä wa lä bufiblamou wei wa. A da damolalu, Isaeli bluca ebä lija wa bufiblamobä wa lä cui, wa fei däjä dabeje. Cafä wa nosie fuamobä wale lä lämabou wei tä ca̦i daö showaobeje. Camiyä ya lä cuaale, cafä wa wa̦ ja, ya tä bluca lä taö wei tä ca̦i.

Éxodo 19:9

Abinaja Jeobaa a cuu nomöjöoma. —Bei. Ölajashi a bada lä suble wei jamö ya culanö, cafä nija ya nia ajedeo. Cafä bäfä a̦ lä wayomaö wei, bluca bänö wale a̦ ji̦liabeje ya nia ajedou, cafä wa wa̦ nofi mölabobeje —a cuma. Isaeli ebä lä cuno wei, Moisesinö Jeobaa nija tä a̦ bluca wäyäma.

Éxodo 3:15

Yai Bada tänö abinaja Moisesi a nowa ca̦i tama. —Ei ya wa̦ lä cui, Isaeli ebä nija wale a̦no wäyäbä. Cafä wamacö nö badabö nija, camiyä Jeobaa ya lä bufiblamou wei ya lä cuinö bäfä shömaö a lä cule. ¿Ö̦jö tawä? Ablaamö nija ma cui, Isaacö nija ma cui, Jacobo nija ma cui, ö̦jö bä nija ya lä bufiblamou wei ya. Ö̦jö ya wa̦fa cua shi wa̦lia waiquia lä cule. Cafä wamacö nodiwä ma cuinö, inaja wale a̦fa jilabou cuo fa showaojenö, wale nofi jaducubou nodiablalobeje, ya wa̦ malä cui.

Éxodo 3:16

’A da jufälö —a cuma—. Isaeli wa ebä bada fa co̦camomalönö, ö̦jö bä nija wale a̦no wäyäbä. Cafä wamacö nö badabö nija Jeobaa ya lä bufiblamou wei ya. ¿Ö̦jö tawä? Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija ya lä bufiblamou wei ya. Cafä nija ya wawäö lä läono wei, wa tä a̦ wäyäbä. Ei ya wa̦ lä cui, wale a̦no tabä. Cama bä nija ya mamo fa showadionö, Ejido jamö bä nö lä bleaamaö wejei ya tä dablaö waiquia lä cule.

Éxodo 3:18

’Isaeli ebä bada lä cuinö wa wa̦ fa ji̦liläjenö, Ejidoteli bada a lä cui nija, ö̦jö wa bä ca̦i nia icuo —a cuma—. Ö̦jö nija abinaja wamacö nia cuu. “Ebleo yamacö nija Jeobaa yama a lä bufiblaö wei a wawälayoyoluma. ¿Ö̦jö tawä? Ulifi bloque jamö yamalecö da shöma. Bolacabö yamacö fa miicufälönö, yamacö nia weyade waloo. Ö̦jamö yama tä lä bufiblaö wei tä Jeobaa nija, yalo yama bä fa shänö, yama bä ö̦shö dodobobä.” Einaja bada wama a nowa tabä.

Éxodo 3:4

Jeobaanö a bao fa dalalönö, fii defi ja culanö, Yai Bada tä a̦ bädaliyoma. —¡Moisesi, Moisesi! —¡Aö!

Éxodo 3:6

Abinaja a ca̦i cuma. —Faafä nija ya lä bufiblamou wei, ö̦jö ya. Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija ya lä bufiblamou wei ya—a cuma. Yai Bada tä möö fa quilinö, Moisesi a mö jö̦cöoma.

Éxodo 4:1

Ö̦jö däjä, Moisesi a wa̦ faö majöoma. —Inaja cafä wa ma cuu wei ma cui, wale a̦ bejedi nia bufiimije. ¿Ö̦jö tawä? Wale a̦ ji̦liaö mlajeicätä. Abinaja wale nowa nia shino taöje. “Cafä nija, ö̦jö Jeobaa wa tä a̦fa lä jilaö wei tä wawäblono mlaicätä”, wale nowa taö cuqueije —Moisesi bei a cuma.

Éxodo 4:31

Ö̦jö däjä, tä a̦ bejedi bufia showadalemaje. Jeobaanö Isaeli ebä nofi lä jaducubono wei tä a̦ ji̦lilemaje. Cama nija bä nö bleaaö lä dablamono wei tä a̦ ca̦i ji̦lilemaje. Ö̦jö tä a̦ bluca fa ji̦liläjenö, bä möfe fa boolalunö, Jeobaa a wa̦fa Bada doblao tamaje.

Éxodo 4:4

Ö̦jö ma cui, abinaja Jeobaanö Moisesi a nowa tama. —Lobe cäcö shina däa da co̦lä —a nowa tama. Inaja a nowa taö ja, lobe cäcö shina däa co̦lema. Cäcö däa fa co̦länö, fii bei fi cublou co̦layoma.

Juan 11:15

¿Ö̦jö tawä? Cama nijamö ya cuonomi yalo ya bufi doblalou, ya cuo lä mlaono wei tänö, wamacö bufi yai jaducublobä. Wamale a̦ bejedi yai bufibä. Bei. Cama nijamö bämacö da ju —a cuma.

Juan 11:42

Showadi wale a̦ shino lä ji̦liaö wei, ya tä daö waiquiwä ma cui, ei bä ublaa lä ajedele bä bufi jaducublobä ya wa̦. Cafänö wale lä shömöleno wei, tä a̦ yai bejedi bufibeje —a cuma.

Juan 20:27

Ö̦jö däjä, Tomás nija abinaja a cuma. —Eja wale imicö da jubayo. Wale imicö da möyo. Wa fa ajedeblaliyolunö, bei ya leboco jamö imicö da lucäliyo. Wa mölaö lä mlai tä da joyalö. Wale nofi yai da mölabo —a cuma.

Juan 20:31

Ö̦jö ma cui, Jesús wama tä a̦ bejedi bufibä, ya tä a̦ oni taaö lä cule. “Yai Bada tänö a shömabä a lä yaileno wei, ö̦jö Jesús a waiquiwä”, wama a nofi yai tabobä. “Yai Bada bei Ijilubö e”, wama a nofi ca̦i tabobä. Inaja wama a nofi tabolanö, cama a wa̦nö ba̦limi wamacö cuobä.

Juan 5:36

’Ö̦jö ma cui, Juannö wale a̦fa ma wäyäö wei ma cui, yale a̦fa yai bejedi wäyäö lä lojode wei, ai tä cua. ¿Ö̦jö tawä? Ya lä cuaaö wei tä showawänö, Fayänö wale lä shömöleno wei tä dablamou malä wawädole. Camanö wale taamaö cudeenö, ya e li cuaaö.

Hechos 7:2

Abinaja Esteban a cuu nomöjöoma. —Iba wamacö. Bada wamacö. Wamale a̦ da ji̦lilä. Camiyä bämacö nö badabö Ablaamö a lä cui nija, Yai Bada etä shi̦i wawälayoma. ¿Ö̦jö tawä? Mesobodamia jamö a bälöo showao däjä, Alana jamö a waloo showao mlao däjä a fa damolalunö,

Hebreos 11:16

Ma, tä ulufi yai lä dodijidai tä bufibomaje, fedu jamö tä ulufi lä culadi. Ö̦jö cudeenö, Yai Bada tänö wawädowä cama ebä a̦fa jilabou. Dodijidawä bä nia fa bälömabonö, bä shabonobö tabou malä waiquiladi.